Þó fyrr hefði verið

Jæja, loksins sá efnahagsbrotadeildin ástæðu til að fara ofan í saumana hjá fyrrum forstjóra FL-Group. Þó fyrr hefði verið.

 Maður hefur velt því fyrir sér undanfarna mánuði hvers vegna ekki var gerð húsleit hjá forkólfum útrásarinnar strax í fyrstu vikunni eftir hrun.

Hvers vegna stjórnarformennirnir og forstjórar umdeildustu útrásarfyrirtækjanna hafa allir  fengið svo ríflegt svigrúm?

Hvers vegna þeir sem tengdust bönkunum fengu sumir hverjir að athafna sig á vettvangi - eða því sem næst - sitjandi sem fastast í stjórnunarstöðum og skilanefndum vikum og mánuðum saman.

Já - þeir fengu ríflegt svigrúm. Og mér er stórlega til efs að nokkuð handbært muni finnast í fórum þeirra, hvorki í bókhaldi né á bankareikningum, nú, eftir allt sem á undan er gengið.

En ... ég vona innilega að ég hafi rangt fyrir mér.

Efnahagsbrotadeild með húsleitir

Athugasemdir

[Arinbjörn Kúld, 3.6.2009 kl. 20:43]

Jamm, loksins - loksins. En líklega er glæpurinn af þeirri stærðargráðunni að ekkert íslenskt stjórnvald ræður við rannsókn hans.

[Garún, 3.6.2009 kl. 22:44]

Já þarna er ég sammála þér.  Ég verð að viðurkenna að ég er ekki alveg inní öllum málum en ég hugsaði nú samt þegar ég las þetta...."er þetta ekki aðeins of seint í rassinn gripið".  Ég bara spyr.  Við hljótum að geta gert betur en þetta!  Undanfarna daga hefur gripið mig sú tilfinning að allt sé í svolitlu "of seint" swingi!  Ég vona að ég hafi rangt fyrir mér, en ég á erfitt með að hrista þessa tilfinnginu afmér.  Langar helst að bara halda áfram og byggja uppá nýtt í staðinn fyrir að leyta í brunarústunum. 

[Hörður Valdimarsson, 4.6.2009 kl. 17:40]

Skil ekki hvers vegna þú spyrð þessara spurninga hér. Ættir að spyrja flokksfélaga þína en þeir sátu á valdastóli þegar þetta féll allt saman.