Landráð - lét hún það heita

Nú falla þung orð í þinginu - þyngri en efni standa til.

Þingmaðurinn Eygló Harðardóttir sakar ríkisstjórnina um "landráð" og menn tala blygðunarlaust um "lygar", benda með fingri á einstaka þingmenn og þar fram eftir götum.

Eitt er að kalla eftir lýðræðislegri umræðu - sjálfsagt að virða slíkar óskir. En þeir sem hrópa á opna og lýðræðislega umræðu verða líka að vera ábyrgir orða sinna og gæta þeirra. 

Þingmenn geta ekki leyft sér hvað sem er í orðavali þegar þeir standa í ræðustóli Alþingis.

"Landráð" eru stórt orð.

Hér má sjá fyrri athugasemd mina við þetta í umræðum þingsins í dag og hér er sú síðari. Hávær framíköll sem heyrast í annarri athugasemdinni koma frá nokkrum stjórnarandstæðingum, einkum Eygló Harðardóttur og Tryggva Þór Herbertssyni.

 

Stór orð á Alþingi

Athugasemdir

[Ragnheiður , 5.6.2009 kl. 16:18]

Ég skrifaði einmitt um þetta um daginn, sama þingmann að mig minnir sem gjaldfellir allan sinn málflutning með leiðinlegu orðavali.

Vandræðaleg misritun á nafninu þínu í morgunblaðinu í morgun

Kær kveðja

[Hólmfríður Pétursdóttir, 5.6.2009 kl. 19:05]

Gífuryrði eru engu máli til framdráttar.

[Garún, 5.6.2009 kl. 21:11]

Og ég verð að  segja að fólk verður að temja sér tilfinningalegt aðhald í pontu á Alþingi.   Þið verðið elskurnar mínar að gera ykkur grein fyrir því að við hérna úti erum drulluhrædd og stressuð varðandi framtíðina.  Að láta tilfinningarnar hlaupa með sig svona þegar það á að vera hægt að ræða málin á málefnalegum nótum er óþægilegt!  Við kusum ykkur því okkur fannst þið hæfust til að gegna starfinu, það þýðir að þegar á móti blæs þá vil ég ekki að þeir sem sitja við stjórnvölin, hvort sem það er stjórnarandstæða eða stjórnin fríki útí pontu!  Þá fríka ég út.   Setningar eins og "slegin harmi" eða "landráð" eða "lygar" eða "allt að fara á versta veg" er ekki að hjálpa þarna okkur hérna fyrir utan.  Sumir alþingismenn virðast vera í keppni um að kommenta á  ástandið í staðinn fyrir að finna lausn og því miður en í mínum bransa þá væri svona fólki sýnt passinn.   Play it cool, have it simple and do your jobs.    Og kæra Ólína, þetta á við um alla sem eru á þingi.   Ég fríkaði út þegar ég las þessa frétt!  Fór útí daginn með þessa frétt og fríkaði örugglega marga aðra sem fríkuðu marga aðra og svo eru allir voða hissa að við séum að fríka út.  Eftir höfðinu dansa limirnir og við erum komin með harðsperrur af dramatík og stóryrðum sem gefa okkur afkomuhjartaáföll.  Plís.  En er ekki annars allt gott að frétta af vestan?

[Sigurgeir Jónsson, 5.6.2009 kl. 21:57]

Í mínum huga og ég spái því að það verði dómur sögunnar, þá eru það landráð að selja landið inn í ESB með því að skrifa undir himinháarskuldakröfur sem þjóðin mun aldrei getað borgað í komandi framtíð.Og það eru líka landráð að leyna Alþingi og ekki síður þjóðina undir hvað forsætisráðherrann er að skrifa þessa stundina og Alþingi á síðan að samþykkja.Og forsætisráðherrann lýgur líka þegar hún segir sð staðan sé ekki slæm hvað greiðslugetu snertir hjá heimilum þessa lands.Orða gjálfur kemur ekki í staðin fyrir rök,og því miður er þessi ríkisstjórn að selja þjóðina í þrældóm svo langt sem sést.Það eru landráð og sá lýgur sem hafnar því, því miður, kv.

[Einar Þór Strand, 5.6.2009 kl. 22:37]

Ólína hvers vegna er það einkamál Samfylkingar og VG að hafa leyfi til að segja sannleikan?

Og vef þú verður látina svara til saka fyrir landráð hvernig á þá að reyna að verja gerðir ykkar?

Landráðin felast í því að þið eruð að samþykkja að láta þjóðina greiða skuldir sem hún stofnaði ekki til, og til þess ætlið þið að keyra heimilin í landinu í þrot hvað sem það kostar, og það bara til að geta komist sjálf að kjötkötlum ESB og leigt það kvótann til að geta borgað laun fyrir stjórnmálamenn og auðvitað að borga listamannalaunin, en landbyggðin á að blæða, ef þetta eru ekki landráð þá hvað?

[Eiríkur Sjóberg, 5.6.2009 kl. 22:41]

Að þessu sinni er ég alveg sammála Ólínu.  Þakka henni beinlínis fyrir það að taka á sig rögg og láta ummælin ekki fá að hanga í loftinu athugasemdalaust!

Það er voðalegt einkenni umræðna á alþingi hversu mjög þær líkjast ómaklegum og ósiðlegum skotgrafarhernaði.  Það er eins og stjórnarandstaðan telji það hlutverk sitt að grenja sem hæst eins og frekur krakki.  Mér blöskrar hversu umræðurnar geta oft verið óþroskaðar og þjóðkjörnir fulltrúar ósiðvandir.

Stjórnarliðar og minni hlutinn á alþingi ættu þó að hafa sameiginlegt markmið - að vinna þjóðinni (EKKI eiginhagsmunum!) sem mest gagn - fyrst þannig er lýðræðið raunverulegt.  Því þarf vandaða og yfirvegaða umræðu en ekki framíköll og upphrópanir.

Þótt margt gott fólk búi hér á þessu fína landi þá finnst mér margt að í siðum þjóðarinnar.  Siðmenningu er varla hægt að karla þetta.  Þar býr enda orsök þess vanda sem blasir við þjóðinni í dag.  Og þar þarf því fyrst að taka til.  Við þurfum að læra mannasiði og siðvendni og taka upp málefnalega, vitræna og lýðræðislega (ekki flokkspólitíska eða sérhagsmunalega) umræðu!

[Haukur Nikulásson, 5.6.2009 kl. 23:05]

Landráð er stórt orð. Þar erum við sammála. Staðreyndin er samt sú að þeir sem eru að reyna að koma Íslandi undir yfirráð og stjórn ESB virðast ekki skilja að orðið landráð á vel við þessa tilraun til að færa forræði á stjórn okkar mála til Brussel.

Það virðist blekkja ótrúlega marga að halda að ef þetta sé ekki landráð ef það gerist með friðsamlegum hætti. Það er rangt. Fyrir ykkur sem nennið ekki að lesa er hér helsta landráðagrein hegningarlaganna:

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

[Þorsteinn H. Gunnarsson, 5.6.2009 kl. 23:11]

Þetta eru miklir peningar. Eftir sjö ár verð ég orðin sjötugur og get ekkert borgað.

Ég held að það sé nú rétta að fara varlega að samþykkja þetta skuldabréf sem á að verða til tryggingar kröfunni. Vonandi gera útistandandi eignir Landsbankans nokkuð upp í þetta.

Ég held að viturlegast sé að samþykkja ekki þetta skuldabréf en setja framangreindar eignir  sem veð fyrir þessum kröfum og láta þar við sitja. Meira verði ekki að gert að hálfu ríkisins.

Svo væri fær leið að þeir sem hönnuðu hugmyndafræðina að þessum reikningum og stjórnuðu bönkunum skrifuðu upp á víxil og bæru þannig ábyrgð á málinu eða færu í fangelsi ella. Það verður engi sátt um þetta svona að menn bara láti aðra borga fyrir sig útrásina

Þetta er engan vegin boðleg niðurstaða. Elstu barnabörn mín koma til með að lenda í þessu ef eignir Landsbankans eru ofmetnar sem venjuleg gerist í svona málum.

Ég segi nei við því að þetta skuldabréf að upphæð 600 miljarðar verði samþykkt. Ég ber ábyrgð á barnabörnum mínum inn í framtíðina og vil ekki að þeir verði skuldaþrælar.

[Eiríkur Sjóberg, 5.6.2009 kl. 23:19]

Núverandi ríkisstjórn Íslands hefur það ekki á stefnuskrá sinni að fara í ESB (NB: Vinstri græn eru hluti af ríkisstjórninni sem sagt).  Hinn víðlesni Haukur ætti að vita að það mun verða þjóðarinnar sjálfrar að kjósa um það hvort hún telji hagsmunum Íslands betur borgið innan eða utan ESB!  Og þar kynni að bregða til beggja vona innan ólíkra raða fólks á Íslandi, óháð því hvað það kaus síðast!  Þannig er nú það.

Svo má halda til haga að "landráð" var hrópað í allt öðru samhengi á alþingi í dag, þ.e. ESB var ekki til umræðu heldur ICESAVE í Bretlandi.

Það er spurning hvort eitthvað í nefndri hegningarlagagrein nr. 86. eigi við um þá sem komið hafa íslenskri þjóð á svo kaldan klaka að verkefni núverandi stjórnvalda á sér enga hliðstæðu hvað varðar kosti og kjör.  Hvað vill Haukur t.d. segja um þetta?

Ég er bit á hegðun kjörinna fulltrúa þjóðarinnar.  Verkefni ríkisstjórnar Íslands er alls ekki auðvelt.  Hegðun minni hlutans á alþingi hjálpar ekki til - þvert á móti.  Minni hlutinn reynir að grafa undan trúverðugleika stjórnarinnar með öllum ráðum og hvers konar upphrópunum.  Það er grafalvarlegt mál - og enn alvarlegra á tímum sem nú!  Jóhanna eða Steingrímur ráða ekki ein för heldur hafa sér til fulltyngis margt hugsandi fólk og ráðgjafa.  Það þarf ekki að efast um að fólk er að reyna að spila sem skynsamlegast úr afar erfiðri stöðu sem Sjálfstæðisflokkurinn ber allra mesta ábyrgð á.

[Eiríkur Sjóberg, 5.6.2009 kl. 23:27]

Ágætar hugleiðingar hjá þér Þorsteinn.  Ég get tekið undir það með þér að hugsanlega væri það best ef eignir bankanna myndu renna í þetta Ginnungagap.

En málin eru oft flóknari en við fyrstu sýn virðist.  Staða þjóðarbúsins og kostir í stöðunni eru reyndar mjög þröngir.  Það er t.a.m. ekki okkar að ákveða þessa hluti fyrirfram!  Ef Bretar hafa hafnað t.d. slíkri niðustöðu er hún útaf borðinu.

Mikilvægt er að útkljá þessi mál.  Það væri fyrsta skrefið í því að reyna að koma á þíðari viðskiptum við útlönd.  Einnig væri þetta stórt skref í því að reyna að reis við mannorð Íslendinga.

Það er vont að þurfa yfirleitt að standa í þessum skilum.  En við blasa skuldbindingar og endurreisn mannorðs og trausts.  Ekki er við núvernandi stjórnvöld að sakast - heldur þá sem fóru glæpsamlega glannalega!

[Haukur Nikulásson, 5.6.2009 kl. 23:42]

Eiríkur, eg tel líklegra að þeir sem bera ábyrgð á hruninu verði frekar saksóttir vegna svika með hlutafé, yfirhylmingar, umboðssvik, fjárdrátt, falska upplýsingagjöf og ótal önnur atriði sem örugglega verður hægt að týna til handa þeim til að svara fyrir. Landráðakaflinn er hugsanlegur en liggur kannski ekki jafn beint fyrir.

Ég er eiginlega mest hissa á því að ekki skuli vera búið að leiða alla helstu (fyrrverandi) auðmennina í járnum í langar og góðar yfirheyrslur og þá með réttarstöðu grunaðra.

Ljóti raunveruleikinn er hins vegar sá að núverandi ráðamenn í stjórnkerfinu þora ekkert að blaka við þessu liði. Það er nefnilega sífellt að koma betur á daginn að þeir höfðu of stóran hóp á jötunni hjá sér. Söngurinn gæti orðið ansi magnaður þegar þeir fara kjafta frá hver um annan þverann.

[Eiríkur Sjóberg, 6.6.2009 kl. 00:10]

Kæri Haukur,

Ég tek vel undir fyrri part þinn.

Hvað tengsl stjórnmálamanna við atvinnulífið varðar er náttúrulega harmsagan mest í tíð Sjálfstæðismanna.  Raunar er þar um mjög alvarlega spillingarsögu að ræða!!

Það kann að vera rétt hjá þér að Samfylkingin hafi einhver slík spillingartengsl líka.  Það væri óásættanlegt!!  Þar finnst mér þó Jóhanna koma sterk inn - þótt hún sé ekki mikill leiðtogi sem slík, þá ber ég fullt traust til hennar, sem er dýrmætt.

Vinstri græn hafa verið í stjórnarandstöðu og ég sé ekkert sem bendir til spillingar í þeirra ranni, þ.e. að þeir hafi slík tengsl við einhver hagsmunaöfl að þeir geti ekki haft þor til að hreinsa til.  Þau eru reyndar einnig mjög "lýðræðisleg" í þeim skilningi að þar er sett flokkslína eftir ítarlegar umræður og kosningar um málefni innan flokksins!  Slíkt dregur mjög úr líkunum á því að um spillingu geti verið að ræða þar (öðru vísi var farið með Sjálfstæðisflokkinn þar sem forystan réði ferðinni!!!).

Efnisgrein þín hvað þetta varðar er helst réttmætur áfellisdómur yfir fyrrverandi ríkisstjórn, kannski ef til vill einnig yfir Samfylkingunni.  Vandséð er að áfellisdómurinn nái yfir Vinstri græn.  En ef svo er virðast allir flokkar og stjórnmálamenn í sömu sveit settir með það (víkur nokkuð frá minni heimsmynd - en væri  náttúrulega alveg skelfilegt ef rétt væri).

En hér erum við náttúrulega komnir eitthvað út fyrir upphaflegt umræðuefni.

Þakka orðaskiptin.

[Eygló Þóra Harðardóttir, 6.6.2009 kl. 00:11]

Sæl Ólína, - þú getur kynnt þér sögu IceSave málsins í eftirfarandi færslu og metið ábyrgð þíns fólks á þeim gjörningum öllum.

http://eyglohardar.blog.is/blog/eygloh/entry/891323/

Með kveðju, Eygló Harðardóttir

[Eiríkur Sjóberg, 6.6.2009 kl. 00:31]

Eygló

Ég er skráður í Framsóknarflokkinn en er ekki ánægður!

[Eiríkur Sjóberg, 6.6.2009 kl. 00:54]

Og aftur Eygló

Ég sýp hveljur yfir þessu bloggi þínu!  Hvað ertu að fara? (sjá http://eyglohardar.blog.is/blog/eygloh/entry/891323/ )

Þegar maður hefur gengið of langt, er spurning hvernig snúa má af villu síns vegar. Maður þarf að finna það hjá sjálfum sér.  Vera auðmjúkur og kunna sér hóf.

Landráð.  Ætlar þú að halda þessu áfram?

"Dæmi nú hver fyrir sig."  Hvers konar boð er þetta?

Gæta verður orða sinna því orð skipta máli.

Mér hefur á stundum ekki þótt mikið til orðháksins Ólínu koma en í þessu tilfelli þakka ég fyrir það að hafa mann á þingi sem hefur bein í nefinu.  Nú var það viðeigandi!

[Björn Heiðdal, 6.6.2009 kl. 01:55]

Má ekki skjóta fólk ef ríkið leyfir það?  Má ekki selja fólk í þrældóm ef ríkið leyfir það?  Má ekki borða börn ef Jóhanna og Ólína leyfa það?

[Jón Steinar Ragnarsson, 6.6.2009 kl. 04:15]

Þetta er í tengslum við ICESAVE gjörninginn, sem er algert brot á trausti við þjóðina, en á að sjálfsögðu við um EU líka og t.d. óopinbert egótripp utanríkisráðherra nú um víðan völl. Hér eru lögin:

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
...
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …1) fangelsi allt að 6 árum. Ef brot þykir mjög smávægilegt, má beita sektarhegningu.]2)
1)L. 82/1998, 21. gr. 2)L. 47/1941, 1. gr.
...

97. gr. Mál út af brotum, sem í þessum kafla getur, skal því aðeins höfða, að dómsmálaráðherra hafi lagt svo fyrir, og sæta þau öll opinberri meðferð.

[Jón Steinar Ragnarsson, 6.6.2009 kl. 04:34]

Landráð er það og landráð skal það heita. Það þarf ekki að fara í neina túlkunarloftfimleika til að sjá það. Ef dómsmálaráðherra lætur ekki taka þetta fyrir, þá er hann sekur um samsæri. Þannig eru lögin.

Þið eruð að vinna stærri læp en nokkur annar í aðdragenda þessa. Hvort sem mytur ykkar um að eignasöfnin standi undir þessu eður ei, þá eru eignasöfnin okkkkar. Það skiptir engu hvað peningarnir heita. Bara vextirnir á ári samsvara niðurskurði fram að þessu. Ertu að ná þessu? Allt úr vasa fólks, sem berst í bökkum og er að verða gjaldþrota þó ekki væri nema fyrir það hvernig þið skrúfið upp vísitöluna með gjaldhækkunum.

Þið eruð ekkert annað en ótýndir glæpamenn eða einfeldningar, sem hafið ekki grænan grun um samhengi hlutanna.  Þið hafið tryggt landflóttann endanlega. Þið hafið gengið frá ríkisjóði og bönkunum. Þið hafið sett atvinnulífið í permafrost. Atvinnuleysistryggingasjóður verður tómur í Október. Hvaða snilld hafið þið upp í erminni við því? Verður meira gert? Jú, selja landið undir bandalag, sem beitir kúgunum hægri vinstri við ykkur.

Þetta gerið þið í blóra við meirihluta landsmanna og framhjá þinginu, ljúgið og felið gögn. Áttu annað nafn yfir þetta?

[Jón Steinar Ragnarsson, 6.6.2009 kl. 04:43]

Það er annar kostur í stöðunni. Það er að borga ekki. Það er búið að gera eignarnám fyrir þessu og málinu er lokið. Það var meira að segja gert ólöglega.

Ef ekki, þá eigum við kröfu um að þið sækið Bandaríkin fyrir eignatai bankanna vegna Lehman Brothers og fleiri. Sem ög önnur lönd. Heimtið allt það sparifé og eignir, sem Íslendingar hafa tapað um víðan völl á þessu hruni.

Það er týpískt fyrir ykkur að gera orðbragð á alþingi að meginefni í stað þess að ræða efnisatriðin. Ég rukka þig hér með um blogg, sem rökstyður að fullu þennan gerning og um leið máttu láta rökstuðning fyrir inngöngu í EU fylgja með. Hans er sárt saknað.

[Jón Steinar Ragnarsson, 6.6.2009 kl. 04:51]

Hér hafa engin orð fallið, sem eru þyngri en efni standa til og gerðu ekki svona þóttalega lítið úr áhyggjum manna vegna þessa yfirgangs og einræðistilburða Samfylkingarinnar, sem nota bene er enn að reka agenda baugsveldisins og kleptokratanna um inngöngu í EU. Þar á það sér uppruna og þið svíkið svo sannarlega ekki þá sem kostuðu ykkur í upphafi.

[Helgi Jóhann Hauksson, 6.6.2009 kl. 04:55]

Liðið sem rústaði allt með veisluhöldum sínum gerir nú hróp að hreingerningafólkinu sem er að þrífa upp eftir það skítinn.

Ekki aðeins stóðu Framsókn og Sjálfstæðisflokkur að einkavæðingu bankanna með þeim hætti sem þeir gerðu og setu þar kröfuna um hraða sókna á erlenda markaði í forgang [sjá hér]  heldur var það Jón Sigurðsson fv. formaður Framsóknarflokksins sem viðskiptaráðherra sem heimilaði ICESAVE.

Það var í stjórnartíð Framsóknarflokksins haustið 2006  að ICESAVE var hrundið af stokkunum. Um það má lesa í Morgunblaðinu hér og takið eftir dagsetningunni.
Jón Sigurðsson þáverandi viðskiptaráðherra og fornmaður Framsóknar leyfði ICESAVE:

„Viðskipti | mbl.is | 10.10.2006 | 07:04

Landsbankinn kynnir nýja sparnaðarleið í Bretlandi

Landsbankinn kynnti í dag nýja sparnaðarleið í Bretlandi sem er markaðssett undir heitinu „Icesave". Um er að ræða sérsniðna sparnaðarleið fyrir breskan markað sem eingöngu er boðið upp á netinu, samkvæmt tilkynningu frá bankanum. Á næstu misserum verður vöruframboð Landsbankans undir heitinu Icesave aukið enn frekar.“

 Sjá hér

Og hér að neðan er svo það sem Landsbankinn fékk leyfi Framsóknar fyrir og lofaði Bretum; 6,30% innlánsvextir „guarnatee until 2013“.

[Jón Steinar Ragnarsson, 6.6.2009 kl. 05:06]

Bendi síðasta ræðumanni á að það skiptir engu máli nú hverjum þetta var að kenna, þá atburðarrás er hægt að rekja í hið óendanlega. Svona eins og með firðrildaáhrif Lorez.  Við erum jafn blönk fyrir því. Hér er verið að hnykkja á þeim gerningi af fólki, sem getur stöðvað það stórslys.  Mér kemur lítið við hvort það var Pétur eða Páll stal frá mér. Ég er jafn snauður fyrir vikið. Þessir menn settu góssið í pokann en Samfylkingin sér um að bera hann á brott.  Það er verið að fallast á svipaða vexti á þessu og landtökubankinn bauð í gylliboðum sínum. Úr hvaða hatti er það dregið. 4% vextir á AGS lánum eru ókleyfur múr fyrir okkur. Datt einhverjum í hug að bera þetta undir hagfræðing og setja þetta í samhengi?  Sér enginn hvað er verið að tala um hér?

Talandi um Lorenz, þá geta menn svo velt fyrir sér keðjuverkan þessa klúðurs.

[Jón Steinar Ragnarsson, 6.6.2009 kl. 05:10]

Þetta eru 6 kárahnúkavirkjanir, sem verið er að tala um hér. Telja menn það eitthvað minna, ef það er tekið á Visa rað? Hvernig ætla menn að standa við önnur erlend lán (AGS) með svipuðum vöxtum? Hér er verið að tala um þúsundir milljarða í heildarblóðlát á vöxtum, sem er langt langt yfir öllu normi.

[Helgi Jóhann Hauksson, 6.6.2009 kl. 05:14]

Með fullri virðingu, en þegar partýliðið sem rústaði öllu í veislunni gerir hróp að hreingerningafólkinu sem komið er til að þrífa skítinn eftir það, finnst mér talsverðu skipta hverjir héldu partýið og hverjir eru að þrífa skítinn.

[Helgi Jóhann Hauksson, 6.6.2009 kl. 05:19]

Tryggvi Þór Herbertsson sem var hrókur alls fagnaðar í partýinu og einn veislustjóranna en hrópar nú hæst á hreingerningafólkið, staðhæfði í aðdraganda kosninganna að nást myndi uppí nær allar ICESAVE-skuldinar og leyfði sér að fullyrða í útreikningum sínum að í mestalgi 75 milljarðar yrðu eftir þegar eignir hefðu komið á móti. - Eigum við að taka mark á Tryggva Þór?

[Jón Steinar Ragnarsson, 6.6.2009 kl. 05:22]

120.000 kall á mannsbarn í vexti á ári. Bara af þessu. Hvað er það milli vina. 600.000 kall á ári. Kvah. Af hverju eru menn að kvarta? 50.000 á mánuði á heimilin í landinu til eilífðarnóns. Við eigum svo eftiir að tína hin lánin til og sjá hvort kaupi'ð hrekkur fyrir þessu. Kannski ef við neitum okkur um fæði, klæði og þak yfir höfuðið. Þá erum við bara að tala um vextina. Hitt reddast er það ekki?

Menn eru sveimér ekki með heilli há.

Ég er hættur.

[Jón Steinar Ragnarsson, 6.6.2009 kl. 05:24]

600.000 fyrir hverja kjarnafjölskyldu semsagt á ári. Bara vextir. Bara af þessu láni. Peanuts.

[Jón Steinar Ragnarsson, 6.6.2009 kl. 05:33]

Hvort sem tekið er mark á Tryggva eður ei og hans óútskýrðu reiknikúnstum, þá er vert að spyrja sig: Hverra eignir? Hver á Lansdsbankann? Hverjir borga, þegar öllu er á botninn hvolft? Þú fellur væntanlega ekki fyrir svona blekkingum?

Hvort sem þetta er rétt eða ekki, þá er þetta tilraun til að blekkja fólk. Það er allsendis óljóst hverjar þessar eignir eru, hvers eðlis og hvers virði. Engin samantekt á lausu um það, en menn hafa þó sagt að hér sé verið að tala um verðlausar eignir. Þú veist væntanlega að eignir bankannna voru metnar eftir goodwill m.a. og útistandandi lánum. Í hvert skipti sem bankinn lánaði krónu, þá hækkaði eign hans um krónu. Innistæðan fyrir láninu voru önnur lán, svo bankinn var í raun að lána vacum. Í því liggur vandinn m.a.

[Jón Steinar Ragnarsson, 6.6.2009 kl. 05:40]

Það sem bankarnir "eiga" svo fyrir utan það er iðnaðurinn í landinu. Fyrirtæki og eignir, sem einu sinni voru okkar fjárfesting, sem brast. Kvóti, land, vatnsréttur, laxveiðiár, orkulindir, potencial orkulindir. Fjöreggið allt. Hér er ekki verið að tala um peninga. Hér er veriða að tala um landið, með öllu, sem í því er.

Þessi glæpur verður ekki fegraður af neinum. Sama hvað fjölmiðlar og útsendarar þessara manna reyna að marginalisera.

[Sigurgeir Jónsson, 6.6.2009 kl. 08:20]

Sjómannadagshelgin er runnin upp.Sjóræningjar hafa komist um borð í þjóðarskútuna og eru á góðri leið með að ræna henni og færa hana til hafnar í ríki sínu.Skipstjórinn, Jóhanna og yfirstýrimaður ,Steingrímur eru bæði kominn með Stokkhólmsheilkenni og tilkynna áhöfninni að ræningjarnir séu bestu menn og áhöfnin eigi að gangast ræningjunum á hönd þegjandi og hljóðalaust.Áhöfninn með 1.stýrimann og yfirvélstjóra í fararbroddi neita, og ná skipinu úr höndum rænigjanna,og sigla skipinu til heimahafna þar sem bæði skipstjóri og yfirstýrimaður eru dæmd.Stjórnmálamönnum sumum hverjum hefur verið tamt undanfarna mánuði að taka upp líkingar úr sjómannamáli orðum sínum til stuðnings sér í lagi fjármálaráðherranum.Vonandi sér hann að sér.Ég tel hinsvegar að skipstjórinn sé vonlaus og hans bíði þess vegna ekkert annað en hún verði dæmd sem landráðamanneskja af þjóðinni þegar hún hrökklast úr stólnum ,þótt hún sleppi við tukthús.

[Björn Heiðdal, 6.6.2009 kl. 09:13]

Ætli þetta Ice-save mál flokkist ekki undir náttúrvernd og jafnrétti eins og Ólína segist berjast fyrir öllum vökustundum.  Kannski er þetta líka framfarir í hennar huga enda sérlegur áhugamaður, úps, kona um framtíð Íslands. 

[Gunnlaugur I., 6.6.2009 kl. 09:42]

Sæl Ólína.

Ég vona að þú nýji þingmaðurinn lesir það sem hér er skrifað og hlustir nú á þjóðina þína.

"LANDRÁÐ" segir þú alveg steinhissa og full vandlætingar.

En svo færðu það óþvegið hér á athugasemdarkerfinu og ættir því að sjá að það er fullt af heiðvirðu fólki útum allt sem er virkilega öskureitt og finnst að framganga Samfylkingarinnnar í ICESAVE málum og í ESB ruglinu séu ekkert annað en svik við þjóðina og "LANDRÁÐ"

Ég held að þið í Samfylkingunni gerið ykkur enga grein fyrir hvernig þið hafið nú með ESB þráhyggju ykkar skarað eld að höfði þjóðarinnar. 

Ég hélt að það sem þjóðin þyrfti helst á að halda núna væri samstaða og samheldni til þess að vinna sig útúr vandanum.

En því er nú aldeilis ekki fyrir að fara og með þessum ESB rétttrúnaði er Samfylkingin búinn að splundra þjóðinni.

Það var það sem þjóðin þurfti síst á að halda.

[Gísli Ingvarsson, 6.6.2009 kl. 10:21]

Þetta landráðatal er lýðskrum Það er lýðskrum að segja að við eigum ekki að semja um IceSafe skuldbindingarnar. Það er lýðskrum að framreikna skuldir okkar þannig að við getum ekki staðið undir þeim. Það er múgæsingartilraun að hræða fólk vegna nauðsynlegra samskipta við aðrar þjóðir. Það gerir örugglega einhverjum gott andlega að halda fram ósannindum um þær staðreyndir sem við stöndum frammi fyrir. Að við eigum einhverja ódýra leið 'Sér-íslenska' uppí erminni. Þeir sem mest láta og verst varðandi landráð telja semsagt ekki það landráð að hafa veðsett þjóðarbúið á árunum 2005 -8 með bankatryggingum sem engin innistæða var fyrir nema framtíð og brauðstrit þjóðarinnar. Að kenna núverandi ríkisstjórn um landráð er öfugmæli í besta falli.

[Jón Steinar Ragnarsson, 6.6.2009 kl. 10:28]

37 milljarðar á ári í vexti fyrsta árið. Svo reiknast vextir ofan á það og svo koll af kolli næstu 7 ár. Það gera um 1000 milljarða, sem þá þarf að greiða nálægt 60 milljarða í vexti af auk þess að greiða niður höfuðstólinn, sem þýðir um 300 milljarða á ári þessi 7-8 ár sem við höfum til þess. 5 milljónir á kjarnafjölskylduna á ári. Milljón kall á haus. Öryrkja, atvinnulausa, leikskólabörn etc. Og allt þetta í fallandi gengi, gjaldþrotum, landflótta og hraðminnkandi þjóðarframleiðslu.

Nei höfum heldur áhyggjur af orðbragðinu á alþingi. Þar verður að taka til hendinni núna.

[Gísli Ingvarsson, 6.6.2009 kl. 10:39]

Jón Steinar þú ættir að fara í framboð. Þú kannt alla frasana og hefur engar áhyggjur af innihaldinu.

[Garún, 6.6.2009 kl. 10:39]

Váááá 

[Jón Steinar Ragnarsson, 6.6.2009 kl. 12:38]

Ég er með ráð upp í erminni Gísli: Ekki borga. Það dytti engum það í hug öðrum en Íslendingum. Leiði þetta Ad Hominem hjá mér svona af því ég er í spariskapi.

Leynir sér ekki að hér fer Samfylkingarmaður og Evróputrúboði. Hvað er hægt að segja við slíka?

[Jón Steinar Ragnarsson, 6.6.2009 kl. 12:41]

Hvert var svo innihaldið í þinni ræðu? Allt annað en málflutningur Samfylkingarinnar er lýðskrum. Púnktur. Hefðir alveg geta verið knappari svona stíllega séð.

[Eiríkur Sjóberg, 6.6.2009 kl. 12:56]

Fólk verður að skoða söguna, aðdragandann að hinni erfiðu stöðu sem samfélagið er í í dag.  Aðdragandinn er glæpsamlegur - og má aldrei, aldrei endurtaka sig í skjóli sofandi stjórnvalda.

Og fólk verður að skilja og gera sér grein fyrir því að ekkert sem gera verður í stöðunni verður án sársauka.  Þar er EKKI við núverandi stjórnvöld að sakast!

Hversu ömurlegur sem þessi samningur um ICESAVE kann að þykja þá er ljóst að samningsstaða Íslands er þröng - við hefðu getað komið verr út úr þessu, hugsanlega betur (vandséð samt).  Það mikilvæga er að með þessu er verið að stuðla að því að koma viðskiptum við útlönd úr frostinu.  Með þessu er von til að við verðum leyst undan ákvæðum hryðjuverkalaga í Bretlandi - hugsið ykkur það að slíkum ákvæðum hafi verið beitt gegn okkur.  En horfið á málið frá bæjardyrum Bretanna - útrásaraðilar héðan tóku við sparifé hundruða þúsunda manna gegn loforði um miklar rentur.  Tekið var við slíku fé allt fram að hruninu!  Sú framkoma var glæpsamleg, bæði gagnvart erlendum sparifjáreigendum og gagnvart íslenskri þjóð.  Við verðum að horfa í eigin barm og axla skuldbindingar okkar og skyldur ef við ætlum að fá að vera þjóð á meðal þjóða.  Þessi lausn í ICESAVE deilunni er upphafið að endurreisn okkar.  Það er ekki eftir neinu að bíða frekar með hinar sársaukafullur aðgerðir.

Sumir virðast tala á þeim nótum að við eigum bara ekki að borga neitt og jafnframt að snúa okkur gegn Alþjóða gjaldeyrissjóðnum!  Slíkt tal er algerlega ábyrgðarlaust og úr takti við veruleikann.  Slík framkoma myndi koma okkur rækilega í koll um mörg ókomin ár.  Þá fyrst yrði harmleikurinn yfirþyrmandi.

[Ingimundur Bergmann, 6.6.2009 kl. 13:10]

Umrædd Eygló hefur sjaldnast ef þá nokkurn tíma lagt eitthvað vitrænt til málanna á alþingi, er eins og einhverskonar útgáfa af Útvarpi sögu á þingin og virðist taka sig vel út sem sporgöngumanneskja Grétars Mar: Stór, stærri og sem stærst orð, en án innihalds, því miður.

[Gísli Ingvarsson, 6.6.2009 kl. 13:29]

af því að ég veit að við jón Steinar erum vinir innst inni: Ég styð þessa ríkisstjórn og kaus hana yfir okkur. Ég styð málstað Steingríms ekkert síður en hinna.

Þó Jóhanna sé forsætisráðherrann þá er Steingrímur í raun valdamestur þegar kemur að málum sem í odda skerast. Hann hefur sýnt ennþá að hann er maður sem lærir af erfiðleikunum því 25 ára þingseta getur ekki kennt niokkrum manni það sem hér er að fást við. ( í upphafi hrunadansins var hann búinn að framreikna skuldastöðuna nákvæmleega einsog þú)

Reynsluboltinn Jóhanna stendur sig framar öllum vonum. Ég er reyndar af í aðra ættina framsóknarmaður og sá smá vonarneista í Sigmundi sem mér sýnist kulna hratt. Amk ná þingræður hans ekki að sýna fram neitt sem að gagni getur komið við þessar aðstæður. Í hina ættina er ég af hörðustu stofnendum Sjálfstæðisflokksins. Um þann flokk er það að segja að hann hefur illa brugðist. Forysta hans á þingi gerir ekki meira en að minna á sorglegan fortíðarvanda þessa áður svo stolta og valdamikla flokks. En að þeir bæti öðru en gráu ofan á svart verður ekki séð.

Stjórnaraðstaðan hefur ekki trúnað þjóðarinnar einsog sakir standa. Um það þarf ég ekkert að fullyrða það er búið að kanna það.

[Ómar Bjarki Kristjánsson, 6.6.2009 kl. 13:45]

Það eru fáir sem botna orðið eitthvað í Sjallaflokk og Framsókn.

En með þetta ákv. mál á þingi, þá var bara furðulegt að heyra málflutning sumra.  Skildi hann ekki almennilega.

Með samninginn sérstaklega - heldur fólk virkilega að SJS færi að samþykkja málið ef hann væri ekki fullviss um að það væri besti, ef ekki eini, leikurinn í stöðunni.

Þetta "borgum ekki" tal er einfaldlega algjört ábyrgðarleysi og undarlegt hve margir alþingismenn taka undir eða ýta undir slíkt tal með einum eða öðrum hætti.  Bara eins og þeir séu enn í sandkassanum.  Ótrúlegt.

Að síðustu með orðið "landráð" þá er það nú svo að mikil tíska er að flagga því í tíma og ótíma og sumir taka vart til máls um ákv. efni án þess að koma umræddu orði einhvernveginn að.

[Sigurgeir Jónsson, 6.6.2009 kl. 13:51]

Því miður þá hefur Samfylkingarliðið og fólk í Draumalandinu ekkert lært af hruninu.Hrokinn og montið er enn til staðar, við erum best með yfirfullt land af mannauði sem er í raun sami mannauður sem steypti okkur fram af brúninni.Enn töngalast ríkisliðið á því að við séum rík þjóð með fullt af auðlindum, í stað þess að horfast í augu við raunveruleikann og viður kenna að við getum ekki borgað það sem krafist er að við borgum til að fá inngöngu í ESB.Þar fyrir utan eru þessar kröfur ekkert annað en fjárkúgun.Þetta voru bankar sem íslenska ríkið bar enga ábyrgð á.En meðan skipstjóri og stýrimaður þjóðarskútunnar slá um sig og þykjast geta borgað verðum við pínd.Eitt er víst að ef þessi samningur sem landráðaliðið hefur skrifað undir verður samþykktur á Alþingi þá verða auðlindirnar hirtar af okkur þegar við lendum í greiðsluþroti sem er engin spurning að verður.Þá mun þetta landráðalið í Draumalandinu og Fagra Íslandi vakna og vonandi í tukthúsi.

[Gísli Baldvinsson (IP-tala skráð) 6.6.2009 kl. 18:56]

Sé að Eygló Harðardóttir endurtekur orð sín utan þings. Menn hafa séð ástæðu fyrir því að lögsækja fyrir minni orð. Ef EyHa væri nemandi hjá mér, sígjammandi eins og mér heyrist á umræðum frá Alþingi ræki ég hana út, á götu. Eitt er orðlistin, frammíköll, (sjá skrif Gunnars Thoroddsen) annað gjamm sem þingmaðurinn og TrÞHerb. tileinka sér. 

[Sigurgeir Jónsson, 6.6.2009 kl. 19:46]

Barnakennarar eru sumir hverjir snillingar í orðlist að eigin mati.Tryggvi Þór var prófessor við Háskóla Íslands og gengdi þar forsetastöðu.Sem betur fer eigum við kennara sem vita eitthvað og munu ekki elta landráðaliðið.

[Katrín, 6.6.2009 kl. 19:54]

Margt hefur maður gert um ævina sem maður átti svo sem ekki von á ...eitt er að taka hanskann upop fyrir framsóknarþingmanninn Eygló Harðardóttur.

Hún áskakaði hvorki Ólínu né aðra um landráð í orðum sem hún lét falla á Alþingi. Það sem hún sagði orðrétt eftir haft var:

,,Samningaviðræðurnar núna virðast hafa gegnið útá það að það væri ekki verið að semja um hvor tvið ætluðum að borga eða hversu mikið, heldur einfaldlega hvernig við ætlum að borga. Ég verð bara að segja, án þess að vera nokkur hlátur í huga, að þá þykir mér þetta jaðra við landráð".+

Það er svo aftur áhyggjuefni hvernig læsi margra hefur farið hrakandi. Hér ekki verið að ásaka neinn um landráð heldur verið að segja að eitthvað jaðri við landráð sem er allt annar hlutur.

Anda inn og út með reglulegu millibili, hugsa vandlega um orðin, anda aftur úr og inn, hugsa aftur...og ekki taka sjálfan sig svona asskoti hátíðlega....er góð uppskrift að andlegu jafnvægi og vellíðan!

Góða stundir:)

[Ólína Kjerúlf Þorvarðardóttir, 6.6.2009 kl. 21:40]

Kata mín - þú hefur augljóslega ekki skoðað myndskeiðið sem ég linkaði í í færslunni. Þar spyr ég Eygló Harðardóttur hvort hún eigi við það að þinmenn í stjórnarliðinu séu landráðamenn og hún svarar úr sæti sínu, skýrt og hávært: JÁ!

Þessu Jái lét hún fylgja nokkur orð sem heyrast illa en skellirnir í borðplötunni hennar heyrast hinsvegar ljómandi vel.

Hafa skal það sem sannara reynist - sú ræða sem þú vitnar til var óbirt þegar orðaskipti okkar urðu í þinginu - en það er enginn vafi á því hvað konan sagði þegar hún var spurð um það hvað hún meinti.

 Anda inn og út með reglulegu millibili, Kata mín ... os.frv.  ... Góðar stundir :)

[Guðmundur Þór Kristjánsson, 6.6.2009 kl. 22:56]

Ég man svo langt að þegar fjallað var um aðild Íslands að EES, kallaði Páll Pétursson, Framsóknarmaður sömu orðin að þeim Jóni Baldvin, Jóni Sigurðs og Davíð Oddssyni.

Jón Baldvin,JónSigurðsson og Davíð Oddsson eru LANRÁÐAMENN .... Já  það mun sagan vitna um þessa aumu vesalinga, þá steytti hann hnefann, máli sínu til áréttingar.

Þetta er eitthvað sem jafnvel Páll Pétursson er búinn að gleyma í dag.

[Katrín, 6.6.2009 kl. 23:18]

sá ekki það myndskeið en skoða ræðuna þegar hún verður klár...það sem þar er skrifað stendur eða þannig hefur það hingað til verið.  Frammíköll sum hafa verið skráð og ef það var svo greinilegt jáið hjá Eygló kemur það fram. 

Menn verða hafa sterk bein til að standa við og svara fyrir þann myrkragjörngi sem framinn var í skjóli myrkurs af hæstvirtri ríkisstjórn. 

Ég er ekkert hissa á að orðið ,,landráðamenn" komi upp í huga fólks þegar laumast á með undirskriftir slíks nauðungarsamnings.  Í mínum  huga hefur Ísland verið selt með manni og mús og líki þessum samningi við Kópavogssamninginn 1662  sem neyddur var upp á Íslendinga og gekk út á það, sem menn muna, að lög sem Danakonungur setti hlutu sjálfkrafa gildi án sérstaks samþykkis Alþingis Íslendinga.

Og ef einhvern tímann hefur verið nauðsyn að anda inn og anda út er einmitt núna.....því það er stutt í kveikjuþræðinum og satt að segja ættu þinmgmennn sérstaklega  að hafa meiri áhyggjur af því en einhver frammíköll á þingi og skammaryrðum.

Hvað Eygló sagði eða ekki sagði er algjört smámál og aukaatriði...það sem þjóðin segir skiptir mestu og á það áttu að hlusta mín kæra:)

[Sólveig Þóra Jónsdóttir, 7.6.2009 kl. 02:22]

Mætti halda að margir væru ennþá að leika sér í sandkassanum: "Pabbi minn er betri en pabbi þinn" og á þroskastigi sama aldurs: "Aðstæður eru svona af því að þessi eða hinn gerði þetta eða hitt einhverntímann". Er ekki hægt að meta stöðuna eins og hún er í dag og takast þannig á við hana burtséð frá því hvað olli henni? Framsóknarflokkurinn, Sjálstæðisflokkurinn og fl. eru ekki þeir sömu í dag og þeir voru. Það er fólkið í flokkunum sem gerir þá að þeim sem þeir eru. Ríkisstjórnin  í dag ætlar að láta Íslendinga borga skuldir óreiðumanna og á það að vera farmiði okkar inn í ESB og það tel ég vera landráð.

[Þorsteinn Sch Thorsteinsson (IP-tala skráð) 8.6.2009 kl. 19:15]

Jón Frímann

Icesave, EES og ESB er erfitt, en allt var gert kleift í gegnum EES fyrir Icesave og þökk sé honum Jóni Baldvin Hannibalssyni, já þessum manni sem virtist eiga orðið Morgunblaðið algjörlega í dag og skrifar stanslaust um ESB. Eða rétt eins og hann væri á launum hjá Bilderberg Group, Club of Rome og/eða fyrir sjálfa ESB- central Bank elítuna sem þið viljið þóknast í einu og öllu.

Maður er nú hættur að kaupa allar þessar lygar frá ykkur ESB- sinnum, en þið ESB- sinnar ættu endilega að lesa bókina "Rotten Heart of Europe" eða bókina The Great Deception the secret history of the European Union eftir hann Christoper Booker og Richard North og þá kannski hættir þessi lygaáróðrur hjá ykkur fyrir ESB aðild eða þegar menn sjá hversu ólyðræðislegt þetta Evrópusamband er.

Ég á ekki von á því að öll hin ESB ríkin fái að kjósa um Lissabonn-sáttmálann  (eða gömlu ljótu ESB-stjórnaskrána) En ESB er hins vegar betur þekkt fyrir að vera eitthvað ólyðræðislegt bákn og mun hafna öllum hinum aðildarríkjunum um lýðræðislega atkvæða greiðslu, ekki satt?

Nú og auðvita vilja ESB- sinnar hérna reyna halda uppi þessari sömu ólýðræðislegu aðferðafræði og passa sig á því, að minnast ekki á galla EES og eða galla sem varðar Icesave, auk þess sem ESB- sinnar vilja alls ekki leita til dómstóla með Icesave (gegn ESB löndunum Bretalandi og Hollandi), því það gæti verið óþægilegt varðandi aðildarumsókn eða komið í veg fyrir ESB aðild. Ofna á allt á síðan að reyna sýna þjóðinni einhverjar ólyðræðislegar leiðir og afgreiða Icesave málið án frekari umfjöllunar og þjóðaratkvæðagreiðslu, Því Samfylkingin og/eða ESB sinnar vilja  fara inn í ESB

[Þorsteinn Sch Thorsteinsson (IP-tala skráð) 8.6.2009 kl. 20:26]

Jón Frímann

EES og ESB kemur þessu við, því að allt gengur núna út á það hjá þessari Samfylkingu og/eða ESB sinnum að koma Íslandi inn í ESB. ESB- sinnar og/eða Samfylkingin hefur ekki viljað fara dómstólaleiðinna, og hvar hefur þú verið Jón Frímann   

[Þorsteinn Sch Thorsteinsson (IP-tala skráð) 8.6.2009 kl. 20:49]

Jón Frímann "..var ekkert gert á þessum tíma.."

Var það ekki enmitt það sem þið (Samfylkingin og/eða ESB sinnar) vilduð á sínum tíma, eða aðhafast ekkert í þessu máli, nú á svo ekki að þakka ESB sinnanum honum Össuri Skarphéðinssyni fyrir aðhafast nákvæmlega ekkert?

Hins vegar ber hann Jón Baldvin Hannibalsson örugglega ábyrgð á sínum verkum hvað varðar EES, er gerði reyndar allt kleift fyrir þessari Icesave vitleysu.    

[Þorsteinn Sch Thorsteinsson (IP-tala skráð) 8.6.2009 kl. 23:39]

Jón Frímann

Lygar ber að afgreiða sem lygar, og þetta Evrópusamband þítt (eða ESB) er ekki lýðræðislegt  eða hvað þá friðsamlegt 

Menn í framkvæmdarstjórn ESB eru auk þess ekki kosnir, heldur skipaðir  bak við tjöldin og allt gert fyrir Central Banks elítuna Committee of 300, Rockefeller- og Rothschild liðið. Nú og það eins og þessi puppet framkvæmdarstjórn ESB ræður öllu og menn hafa upplifað það hvað eftir annað. Þingmenn ESB með takmarkaðan tíma og/eða nánast sagt engan tíma til að veita andsvör, og ofan á allt geta þingmenn ESB síðan ekki komið með eða hvað þá lagt fram lagafrumvörp. Því er nánast sagt lítil sem engin von að hægt sé að breyta þessu Nýja Sovét- eða þessu ESB- bákni ykkar, en það er samt sem áður von fyrir ykkur, þar sem ESB hefur sitt eigið gjöreyðingarfræ og ykkar "New World Order" hrynur örugglega innan frá. 

Nei Þessi Samsæriskenning um ESB eða  "New World Order" er það sem forrystumenn ESB, Gordon Brown, N. Sarkozy og Barroso vilja koma á og eru að tala um, þú hérna (Jón Frímann) farðu og kynntu þér það á netinu? 

Ekki ætlar þú að fara berjast gegn þessum (ESB sinnum) og/eða berjast gegn þeirra hugmyndum varðandi "NEW WORLD ORDER"? Ekki ætlar þú (Jón Frímann) að fara berjast gegn sameiningu allra þessara sambanda þeas: Evrópusambandsins (ESB/EU), Afríkusambandsins (AU), Asíusambandsins ( Asian Union), Suður-Ameríkusambandsins (SAU), Mið-Ameríkusambandsinsið (CAU) og hugsanlega fleiri sambönd undir eina alsherjar alheimsstjórn  "One World Governmet" eða  New World Order Tyranny fyrir sjálfa Central Banks elítuna?

"We are grateful to the Washington Post, the New York Times, Time Magazine, and other great publications who directors have attended our meetings and respected their promises of discretion for almost forty years. It would have been impossible for us to develop our plan for the world if we had been subject to the bright lights of publicity during those years but the world is now more sophisticated & prepared to march towards a world government which will never again know war but only peace and prosperity for the whole of authority."

-- David Rockefeller, CFR/Bilderberg/TC, 5 June 1991.

"...nothing less than to create a world system of financial control in private hands able to dominate the political system of each country and the economy of the world as a whole... controlled in a feudalist fashion by the central banks of the world acting in concert, by secret agreements arrived at in frequent private meetings and conferences."

Georgetown professor Dr. Carroll Quigley

(Bill Clinton's mentor while at Georgetown)

[Þorsteinn Sch Thorsteinsson (IP-tala skráð) 8.6.2009 kl. 23:54]

Jón Frímann

Þessi EES- samningur kemur þessu víst við, því það var þessi EES samningur sem var einmitt þessi eitraði kokteill, og hann Jón Baldvin Hannibalsson ber örugglega ábyrgð á sínum verkum, ekki satt? EES- samningurinn gerði reyndar allt kleift fyrir þessari stóru Icesave vitleysu.