Bjarna-greiði við Valgerði. Burt með spillingarliðið.

 Þegar ég var ungur blaðamaður á NT vann ég með skemmtilegum og sérstæðum jafnaldra, Bjarna Harðarsyni að nafni - Sunnlendingi og sveitastrák að upplagi. Okkur varð vel til vina og brölluðum ýmislegt á þessum fyrstu blaðamennskuárum sem voru skemmtilegur tími. Bjarni var og er góðhjartaður maður, svolítið glíminn og fljótfær, en ég hef aldrei efast um góðvild hans og samstöðu með lítilmagnanum.

Í ljósi þessara kynna, kemur mér ekki á óvart að Bjarni skuli nú hafa sagt af sér þingmennsku og axlað þar með ábyrgð á misgjörðum sínum. Honum varð á í hita leiksins. Hann braut á öðrum leikmanni og fer nú af vellinum. Það er honum líkt að taka eigin mistökum eins og maður.

Nú, þegar Bjarni er vikinn úr vegi - er kannski hægt að fara að líta á efni þessa bréfs til Valgerðar Sverrisdóttur, sem hratt atburðarásinni af stað. Sannleikurinn er sá að sú gagnrýni sem þar kemur fram á fullan rétt á sér, og er allrar athygli verð.

Bjarna óska ég velfarnaðar í framtíðinni - ég yrði ekki hissa þótt hann léti að sér kveða á opinberum vettvangi síðar. 

Athugasemdir

[Sigurður Þór Guðjónsson, 11.11.2008 kl. 11:25]

Þetta er allt svo öfugsnúið. Bjarni verður líklega sá eini sem sér ástæðu til að segja af sér. En aðrir, sem bera miklu meiri sök, sitja sem fastast.

[Jenný Anna Baldursdóttir, 11.11.2008 kl. 11:37]

Sammála Ólína.

[Baldur Gautur Baldursson, 11.11.2008 kl. 12:03]

Heyr, heyr Ólína!

Er hægt að nálgast innihald þessa margumrædda og áhrifaríka bréfs einhvers staðar?

[Jakobína Ingunn Ólafsdóttir, 11.11.2008 kl. 12:12]

Ég er sammála þér Ólína. Það er vert að skoða Valgerði og ýmsa aðra sem hafa staðið fyrir aðgerðum sem hafa stórlega veikt innviði samfélagsins á þann veg að hún er illa í stakk búin til þess að takast á við þann vanda sem við er að glíma í dag.

[Sigurður Þór Guðjónsson, 11.11.2008 kl. 12:17]

Hér er hægt að lesa bréfið: http://isspiss.blog.is/blog/isspiss/

[Haraldur Hansson, 11.11.2008 kl. 13:07]

Við lestur bréfsins er hæglega hægt að fá á tilfinninguna "svo þetta er þá allt Valgerði að kenna". Ég vona að umræðan fari ekki inn á þá braut. Þó hennar hlutur og Framsóknar sé vissulega svartur má kastljósið ekki beinast svo sterkt að hann að þeir 20 sem eru fyrir ofan hana á syndalistanum verði stikkfrí.

[Alma Jenny Guðmundsdóttir, 11.11.2008 kl. 13:21]

Ég þekki Bjarna persónulega og af góðu einu, en mál þetta snýst ekki um persónu Bjarna Harðarsonar, þingmanns - heldur snýst þetta um þau vinnubrögð hans að af fullum ásetningi ætlar hann aðstoðarmanni sínum að búa til nafnlaus netföng, til þess að hnekkja á pólitískum andstæðingi sínum í þessu tilfelli samflokksmann.

Er siðferðilega rétt af manni sem er jú alþingismaður að afhenda aðstoðarmanni sínum slíkar verkbeiðnir?

Er ekkert siðferðilega rangt við þessi vinnubrögð?

Ef svo er ekki - hvers vegna þá? 

[Ásthildur Cesil Þórðardóttir, 11.11.2008 kl. 14:05]

Ég er sammála þér Ólína.  Ég segi að okkur hætti til að einblína á smáatriðin og gleyma því sem skiptir máli.  'I þessu tilfelli bréfið sem var skrifað, og vissulega undirritað af tveimur framsóknarmönnum. 

[Guðrún (IP-tala skráð) 11.11.2008 kl. 14:13]

Er virkilega stolt af Bjarna Harðarsyni og held ég að framsóknarmenn hafi misst þarna góðann mann. Valgerður mætti alveg segja af sér held að hennar hlutur sé saknæmari en þetta bréf sem Bjarni skrifaði

[Klakinn (IP-tala skráð) 11.11.2008 kl. 16:22]

Ég er að öllu leiti sammála þér Ólína og eftir lestur bréfsins finnst mér að Valgerður ætti að hverfa úr þingsölum með Bjarna,en hann að mínu mati er velkomin aftur og ætti hann mitt atkvæði ef svo bæri undir.

Kv Laugi

[Þórleifur Ásgeirsson (IP-tala skráð) 11.11.2008 kl. 16:36]

Ég held að Bjarni vinur minn hefði átt að sitja kyrr, en Valgerður hefði mátt missa sig. Í þessu umrædda bréfi er hreinn sannleikur, en honum verða víst flestir sárreiðastir

Leifur

[Sigurður Þórðarson, 11.11.2008 kl. 16:48]

Ég þekki Bjarna svo sem ekki neitt en mér finnst hann bera það með sér að vera "góður kall" og einhvern veginn yrði ég tregur til að trúa einhverju misjöfnu á hann.   Það skemmir heldur ekki að hann er þjóðlegur eins og þú Ólína en þar að auki er hann sérfróður um draug og þó það væri ekki önnur ástæða myndi ég leggja nokkuð á mig til að koma honum á þing aftur.

[Ólína Kjerúlf Þorvarðardóttir, 11.11.2008 kl. 18:50]

Til að fyrirbyggja allan misskilning þá tel ég rétt af Bjarna að segja sig frá þingmennsku eftir þessa uppákomu. Ég get ekki mælt því bót sem hann gerði - hvorki því að veitast úr launsátri að flokkssystur sinni, né hinu að ætla aðstoðarmanni sínum að vinna verkið fyrir sig.

En, Bjarni sér sína eigin sök í þessu og bregst við á þann eina hátt sem er sæmandi fyrir hann. Það er manndómsvottur að gera slíkt.

[Marta B Helgadóttir, 11.11.2008 kl. 19:53]

Bjarni hefði bara átt að gagnrýna Valgerðu - undir nafni en ekki vera að pukrast þetta í skjóli nætur og burðast við eftir krókaleiðum að láta birta þetta undir nafnleynd. Það orsakar skítalykt sem fólk er búið að fá uppí kok af.

[Marinó Már Marinósson, 11.11.2008 kl. 20:08]

Bjarni kemur sterkur inn í vor þegar það verður kosið til þings og mætir þar með nýjan bændaflokk.  

[Guðrún (IP-tala skráð) 12.11.2008 kl. 11:27]

Drengilega mælt Ólína - og þér líkt.