Lauslætinu lokið - Sigtryggur vann!

 Æ, þetta var erfitt. Ég var að kveðja blogglesendur mína á visir.is til þess að færa mig alfarið yfir á moggabloggið. Snúin frá mínu hliðarspori - komin heim í "hjónarúm".

Þannig er að ég byrjaði hér á moggablogginu í byrjun þessa árs. Hér kynntist ég þeim bloggurum sem ég hef síðan verið í sambandi við, og hér á ég flestalla mína lesendur. Í sumar tók ég svo einhverskonar tilboði um að koma yfir á visir.is og ákvað að sjá til. Veit ekki hvaða lauslætiskast það var eiginlega. Enda kom á daginn að ég gat aldrei fengið mig til þess að loka moggablogginu og flytja mig yfir. Alltaf þegar ég ætlaði að gera það titraði einhver taug innra með mér og ég GAT það bara ekki. Var einfaldlega búin að eignast of marga vini hér.

Enda hafa mál þróast þannig að ég gleymi æ oftar að setja inn færslur á hina síðuna. Og nú er bara komið að því að VELJA,. Það á ekki við mig að þjóna tveimur herrum samtímis.

Að sumu leyti er þessi niðurstaða svipuð glímulýsingunum sem margir muna frá áttunda áratungum. Þá var aldrei spurning um leikslokin. Þulur sagði einfaldlega: Þeir taka hald  (löööööng þögn). Sigtryggur vann! 

 

PS: Myndina hér fyrir ofan tók ég af www.fva.is/harpa  - veit því miður ekki nánari deili á listamanninum.

Athugasemdir

[Ásdís Sigurðardóttir, 24.11.2007 kl. 13:31]

Velkomin /alkomin, alltaf gaman að lesa hjá þér.

[Ragnheiður , 24.11.2007 kl. 13:47]

Gott mál !

[Sigurður Þórðarson, 24.11.2007 kl. 14:10]

Fyndin færsla. Gott að geta gengið að þér vísri.

[Margrét Össurardóttir (IP-tala skráð) 24.11.2007 kl. 16:12]

Velkomin alkomin yfir hingað, eins og þú segir, ekki gott að hafa tvo maka.

[Gísli Guðmundsson, 24.11.2007 kl. 20:12]

Home is just a heart away segir í texta eftir söngkonu að nafni Janis Ian. Velkomin aftur til þess staðar þar sem hjarta þitt langar mest til að slá í.

[Halldór Sigurðsson, 24.11.2007 kl. 21:34]

Gott hjá þér - og góð ákvörðun

[Flosi Kristjánsson, 24.11.2007 kl. 22:29]

Það er náttúrlega ekki spurning: maður bloggar bara hjá Blaði allra Landsmanna

[Þorkell Sigurjónsson, 24.11.2007 kl. 23:14]

Það er "morgunn"ljóst, að Sigtryggur vann! 

[Marta B Helgadóttir, 25.11.2007 kl. 02:23]

Góð ákvörðun

[Sigurður Hreiðar, 25.11.2007 kl. 10:43]

Velkomin með báðar lappir uppí, Ólína.

Sigtryggur vinnur alltaf. Felst í nafni hans.

Er þetta raunar ekki út íþróttalýsingu Ómars Ragnarssonar þar sem hann var að skopast að raunverulegum íþróttalýsingum (sem hann átti síðar eftir að annast sjálfur í alvöru?)

Minnið er brigðult, en mig minnir þetta sé til á einhverri plötu, sirka svona: Þeir taka halda (+ bakgrunnshljóð sem gætu verið fótatak/spark, og svo -- skellur í gólf, þump!): Sigtryggur vann.

Hvað segir Ómar? Er þetta rétt?

[Marta B Helgadóttir, 25.11.2007 kl. 11:59]

Bókaspjallið er komið í gang núna.

[Ólína Kjerúlf Þorvarðardóttir, 25.11.2007 kl. 13:05]

Takk takk :)

Varðandi Sigtrygg og sigra hans. Mig minnir að þetta hafi verið raunverulegar lýsingar Sigurðar heitins Sigurðarssonar íþróttafréttamanns á fyrstu sjónvarpsútsendingunum af glímukeppnum. Þá heyrði maður þessa möntru í tíma og ótíma: Þeir taka hald - stigið - (þögn) - Sigtryggur vann. Seinna fóru Stuðmenn, Ómar og fleiri að gantast með þetta í ýmsum útfærslum. 

[Magnús Paul Korntop, 25.11.2007 kl. 15:52]

Gott að þú sért alkomin hingað.varðandi það hverjir hafa gantast með þetta Sigtryggur vann þá máttu ekki gleyma þursunum.

[Níels A. Ársælsson., 26.11.2007 kl. 00:46]

Gott að hafa þig bara hér, óskipta. Heima er bezt !

[Benedikt Sigurðarson, 26.11.2007 kl. 20:40]

Einn gamall glímumaður úr Þingeyjarsýslunni - sem sjálfur glímdi nokkrum sinnum við Sigtrygg Sigurðsson KR-inginn þunga - getur staðfest að þessi klisja er upprunnin frá þeim sælu dögum þegar Ómar Ragnarsson skemmti landsmönnum með því að sýna frá glímukeppnum í sjónvarpssal.  Fyrst líklega 1969 - - og Sigurður heitinn Brynjólfsson var til aðstoðar við lýsinguna.    Reglulega  á þessum árum fram yfir 1980  var sýnt frá landsflokka´glímunni og einnig Íslandsglímunni - - og glefsur síðar.

Ég sakna enn þessa tíma - - og þeirra heiðursmanna sem lýstu og dæmdu - - og reyndar líka nokkurra sem glímdu - en hafa kvatt okkur allt of snemma.     En finnst gaman að geta sagt með sanni að "Sigtryggur vann ekki alla" - - - amk. ekki alltaf.

[Ólína Kjerúlf Þorvarðardóttir, 26.11.2007 kl. 22:58]