Andleysi

• Orðin get ég góðir menn
• gjarnan látið flæða
• þó ég viti ekki enn
• um hvað ég ætla' að ræða.

Þessa ágætu vísu orti Guðmundur Ingi Kristjánsson fyrir allmörgum árum í orðastað manns nokkurs sem fundarstjóri hafði óvart gefið orðið án þess hann bæði um það. Sá sem fékk þarna orðið kom í pontu og kvaðst ætla að nota tækifærið fyrst honum var úthlutað ræðutíma, þó hann hefði ekki ætlað sér það í upphafi.

Eins fer fyrir mér í dag. Bloggsíðan blasti bara við mér auð og óskrifuð í stjórnborðinu.  Ég hef svosem ekki neitt að ræða - er alveg andlaus. Og því hef ég bara ákveðið að blogga ekki neitt að sinni. Leyfi bara þessum orðum að flæða .... stefnulaust ...... hef ekkert að segja ...

Samt er égt búin að fylla hér talsvert rými með orðum.    Athyglisvert

 

Athugasemdir

[Ragnheiður Ólafía Davíðsdóttir, 23.11.2007 kl. 16:35]

Góða helgi, Ólína mín.

[Marta B Helgadóttir, 23.11.2007 kl. 22:00]

Vísan er frábær

Góða helgi Ólína.

[Ásdís Sigurðardóttir, 23.11.2007 kl. 22:15]

Oft birtast góð skrif úr litlum efnivið. Fingurnir og hugurinn leiða mann víða.  Eigðu góða helgi.

[Edda Agnarsdóttir, 24.11.2007 kl. 09:34]

Þetta er góð vísa. "Í vísindum gildir að segja eitthvað nýtt. Í skáldskap ekki síður að gera hið gamla nýtt." Þetta er haft eftir Hans Ruin.

Toppmyndin á síðunni þinni er rosalega falleg. Það er alveg sérstakt sem ég get ekki lýst sem tekur á móti manni þegar síðan þín birtist á skjánum. 

[Ólína Kjerúlf Þorvarðardóttir, 24.11.2007 kl. 12:45]

Takk fyrir kæru bloggvinkonur. Hafið það sjálfar sem best um helgina .