Söguleg stund

Já - við erum á leið í aðildarviðræður. Þetta er stór dagur.

Alþingi Íslendinga hefur ákveðið að kjörnir fulltrúar fólksins, setji af stað lýðræðislega málsmeðferð í einu veigamesta hagsmunamáli þjóðarinnar á síðari tímum.

Alþingi sjálft hefur ákveðið að beita þingræðinu til þess að tryggja lýðræðið - svo þjóðin geti átt síðasta orðið um lyktir þessa mikilvæga hagsmunamáls í þjóðaratkvæðagreiðslu.

 Þetta er sögulegt tækifæri fyrir Alþingi Íslendinga til þess að sýna í verki ómetanlegt fordæmi um framkvæmd sjálfs lýðræðisins.

Ég trúi því að aðild Íslendinga að ESB yrði heillaspor fyrir þjóðina. Við Íslendingar verðum að stíga markviss skref í átt til stöðugra efnahagslífs og bættra lífskjara  á Ísland. Innganga í Evrópusambandið gæti ennfremur verið liður í því  að styrkja stjórnsýslu okkar, bæta viðskiptaumhverfi, efla byggðaþróun, sjálfbærari og vistvænni framleiðsluhætti og skapa fjölbreyttari menntunarkosti og atvinnumöguleika fyrir ungt fólk

Þetta er sú framtíðarsýn sem við jafnaðarmenn höfum hafa fram að færa.

Hversu raunhæf vonin er verður aðeins leitt  í ljós með aðildarumsókn og síðan þeim samningsdrögum sem af henni leiðir. Sú vinna er eftir og afrakstur hennar er í raun eina  haldbæra vísbendingin sem  við getum fengið um þá möguleika sem innganga í ESB getur falið í sér fyrir okkur sem þjóð.

Það er verkefnið sem bíður okkar nú.

Samþykkt að senda inn umsókn

Athugasemdir

[Gísli Baldvinsson (IP-tala skráð) 16.7.2009 kl. 15:34]

Sömuleiðis til hamingju. Þetta er skref, áfangi sem verður minnst.

[Baldur Gautur Baldursson, 16.7.2009 kl. 15:45]

Ég er hryggur í bragði í dag!

http://www.formosus.blog.is/blog/formosus/entry/915099/

[Hörður Valdimarsson, 16.7.2009 kl. 16:08]

Ólína ESB verður aldrei lausnin fyrir Ísland. Hlustaðu nú og sannreyndu síðar. Til þess er Ísland allt of langt frá meðaltals ESB landi. En þú átt líka eftir að sjá að ástandið í Evrópu er ekki glæsileg sérstaklega þá staða hinna nýríku landa, sem hafa verið tengd við evru. Þá hefur AGS að evrópa verði síðust til að ná sér upp úr þessari kreppu. Glæsilegt samstarf sem þið viljið fara í. Með upptöku evru höfum við ekki lengur það stýritæki sem við höfum ef við höfum krónu þ.e. gengið. Þá er þessi tímasetning fyrir aðild mjög merkileg og sérstaklega ef haft er í huga að icesave samningarnir verði samþykktir, því þá er í fyrsta lagi hægt að taka upp evru árið 2023.

[Ignito, 16.7.2009 kl. 16:13]

Sæl Ólína.

Ég get tæplega tekið undir fyrirsögnina um sögulega stund enda við lestur greinarinnar sést fátt sem styður hana.  Gefur frekar tækifæri til sögulegrar stundar.

Hitt er annað að ekki ætla ég mér að vera með einhverjar skammir eða yfirlýsingar vegna þessa máls því þinn flokkur gekk til kosninga með aðildarumsókn að ESB í fyrirrúmi.  Það ætti því ekki að koma fólki á óvart að Samfylkingin hafi komið fram sem einn maður til stuðnings þess.

Nú er ekki aftur snúið og óska ég því öllum sem munu koma að þessu ferli velfarnaðar og að samningar verði íslendingum eins hliðhollir og mögulegt er.

[Valsól (IP-tala skráð) 16.7.2009 kl. 16:50]

Til hamningju Ísland, loksins skynsamleg ákvörðun á Alþingi Íslendinga. það er eingöngu verið að hugsa um hagsmuni almennings í þessu máli á kostnað stjórnsýslu sem býður upp á klæikuskap og spillingu. Húsnæðislán lækka um tugir og hundruðir miljóna. 20 miljón króna lán til 40 ára fer úr því að hafa greiðslubyrði upp á 17 falt lánið niður í 1,2 falt, þ.e úr 274 miljónum eftir 40 ár í 24 miljónir. Þetta eru rúmlega 800% munur sem þýðir þá mestu kjarabót sem íslenskum almenningi býðst upp á. Þarna munu færast á hverju ári 228 miljarðar frá auðmönnum til almennings. Mestu frjámagnsflutningar á milli stétta frá upphafi lýðveldisins.

[Elle_, 16.7.2009 kl. 17:12]

Ég tek undir með Ágústi, Baldri, Herði og Ignito.  Bara ömurlega ólýðræðislegt.  Skil ekki hvað fólki finnst svona sögulegt við að vaðið sé yfir lýðræðið.

[Guðl. Gauti Jónsson, 16.7.2009 kl. 21:08]

Til hamingju með þennan áfanga.

Næst er að fá botn í það hvernig hugsanlegur samningur muni líta út og svo hitt, - HVORT ÞEIR VILJA OKKUR!

[Hólmfríður Bjarnadóttir, 16.7.2009 kl. 21:16]

TIL HAMINGJU VIÐ ÖLL MEÐ ÞESSA SKYNSAMLEFGU OG HÁRRÉTTU ÁKVÖRÐUM. ÍSLAND Í ESB - GOTT MÁL.

[Þröstur Heiðar Guðmundsson, 16.7.2009 kl. 21:17]

Ágúst ég held að þú ættir að láta Ólínu í friði hennar samviska er hrein og hennar flokkur gekk með ESB í fyrirrúmi og það hefur alltaf verið ljóst hver hugur hennar og annara í Samfylgingunni er.

En þú ættir að lýta þér nær og skammast í þínu fólki , því þessi ákvörðun var algjörlega í boði VG og fullkomnuðu þeir svikin við sína kjósendur, eða ertu ekkert sár út í þinn foringja í dag .

[Sigurður Þorsteinsson, 16.7.2009 kl. 23:15]

,,Alþingi Íslendinga hefur ákveðið að kjörnir fulltrúar fólksins, setji af stað lýðræðislega málsmeðferð í einu veigamesta hagsmunamáli þjóðarinnar á síðari tímum".

Ólína ein leið til þess að dylja skömm sína er að færa koma með innihaldslausa frasa, eins og þennan að ofan. Það er allt í lagi þegar þingmenn ákveða að þeir treysti þjóðinni ekki til þess að kjósa um mál, en þá heitir það það en ekki  að Alþingi hafi að kjörnir fulltúrar fólksins.. 

Meirihluti þjóðarinnar hefur ítrekað sagst í skoðanakönnunum að þeir vilji láta reyna á hvað umsókn færði okkur. Það er gott og vel, en allt of lítil kynning hefur farið fram. Niðurstaðan er allt tal um upptaka á lýðræðislegri vinnubrögðum var sturtað niður í klósettið á Alþingi að þessu sinni. Ef til verður þjóðinni treyst til þess að taka afstöðu síðar.

Jón Baldvin var ágætur með Guðmundi Ólafssyni á Bylgjunni á sunnudagsmorgni. Það sagði hann að ríkisstjórnin hefði því miður ekkert tekið á stóru málunum, þrátt fyrir allan þennan tíma.

Hins vegar ef þið teljið að þið gerið það með því að samþykkja þennan fáránlega Icesave samning þá er komin tími til þess að koma aftur niður á Austurvöll með pottana okkar. Ég óttast að þeð yrði ekki mikill friður á þeirri samkomu.

[Ólína Kjerúlf Þorvarðardóttir, 16.7.2009 kl. 23:31]

Sigurður - hér eru engir frasar á ferðinni heldur sönn meining. Það að fara í viðræðurnar og leggja síðan samninginn sem út úr því kemur í dóm þjóðarinnar - það þjónar bæði þingræðinu og lýðræðinu.

Tillagan um það að fara í þjóðaratkvæðagreiðslu um það hvort eigi að fara í aðildarviðræður og síðan aðra þjóðaratkvæðagreiðslu - sú tillaga er um ekkert. Hún er undanhald frá því hlutverki stjórnmálamannsins að taka afstöðu.

Nánari rökstuðning getur þú hlustað á hér.

[Sigurður Þorsteinsson, 17.7.2009 kl. 00:00]

Ólína sundum er innihaldsleysið og tilgerðin orðin fólki svo töm að það er orðið hluti af því.

Við skulum fara yfir frasann saman Ólína. Þú notar þann hraða við lesturinn sem dugar til þess að skilja aðalatriðin og aukaatriðin.

 ,,Alþingi Íslendinga hefur ákveðið að kjörnir fulltrúar fólksins, setji af stað lýðræðislega málsmeðferð í einu veigamesta hagsmunamáli þjóðarinnar á síðari tímum".

Alþingi Íslendinga= kjörnir þingmenn

ákveði að

kjörnir fulltrúar fólksins=kjörnir  þingmenn

(þ.e. þeir sjálfir)

setji af stað lýðræðislega málsmeðferð = skipi sjálfan sig til þess ....

Góðir íslenskukennarar fella nemendur fyrir svona innihaldslausa frasa.

Minni þig á að einn þingmanni var hótað, auðvitað af einstakri lýðræðisást Samfylkingarmanna í þessu máli, eins og alþjóð varð að verða vitni að.

Það er ekki langt síðan að Samfylkingin og VG lögðu fram mál um þjóðaratkvæðagreiðslur á Alþingi. Játa að þar var gengið fulllangt að mínu mati, eða að það þurfti aðeins 15% atkvæðabærra manna til þess að knýja fram þjóðaratkvæðagreiðslu. Málflutningur þingmanna breytist oft, eftir því hvað hentar þeim hverju sinni. Ef þetta mál nú var ekki þess eðlis hvað þá?

Annars eru tilsvörin eins og hjá þingmanni sem hefur verið of lengi á Alþingi, það lofar ekki góðu af þingmanni sem er rétt að byrja.  

[Valdimar Samúelsson, 17.7.2009 kl. 09:03]

Ólína! Það er sögulegt að brjóta stjórnarskrá Íslands. Þið komist ekki langt með það og hefir það þegar verið kært. 

[Valdimar Samúelsson, 17.7.2009 kl. 09:08]

Ólína. Ég spyr líka hvar er gleði þjóðarinnar. Þetta er stærra mál en kosningar til þings en þá skála menn í Kampavíni um land allt en nú skeði ekkert. Það er engin gleði yfir fólki sem kúgar aðra til samfylgis.

[Andrés.si, 17.7.2009 kl. 13:04]

Dreymið þíð bara um þetta gott skréf. 

Því miður sér engin og Ólína  ekki heldur um að hér er framið stríð, áróður, erlend fjármagn sem streymt hafa til landsins til að sanfæra fólk um eina rétta. Það ætti að vera ESB. 

Ég hafði átt tækifæri einu sinni í að kjósa um aðild. Þá sagði ég nei. Á sama dag, sama atkvæðagreiðsla var aðild að NATO.  Þetta fór fram mjög lunsk og hér á landi virðist vera aðrir nota S, lika VG til að ná sinnu alþjóðlegu stefnu fram. 

Slæm að Íslendingar þott með mikið af rítksoðunum geta ekki séð lengra en til Bruselj. 

[Einar Björn Bjarnason, 17.7.2009 kl. 13:56]

Ólína - mín skoðun er sú, að hvorir tveggja ESB sinnar og ESB andstæðingar, séu með stórlega íktan málflutning.

Það er allt of mikið gert úr ESB aðild, með öðrum orðum - hún er hvorki endir alls, né er hún upphaf einhvers draumaríkis.

Sannleikurinn er sá, að innganga í ESB sem slík, mun ekki stytta kreppuna neitt, né mun hún lengja hana.

Kreppan mun einfaldlega halda áfram, nánast óbreytt. Það eina sem ég í raun og veru hef áhyggjur af, er sú staðreynd að aðildarviðræður, munu vera mjög krefjandi fyrir okkar litla stjórnkerfi, akkúrat þegar við þurfum á öllum kröftum þess við það að berjast við kreppuna.

Ég hefði því kosið, að við brettum upp ermarnar og sigruðust fyrst á kreppunni, en tækjum svo aðild til skoðunar.

Hver er sannleikur mál:

• enginn stuðningur við krónu, fyrr en eftir að samningar eru um garð, hafa verið staðfestir af öllum aðildarþjóðum, og Íslandi líka - þá getum við sókt um aðild að ERM II - og einungis eftir að aðild að ERM II er formlega um garð gengin, fær krónan +/-15% vikmarka stuðning.
• Þ.e. heildar-skuldir ríkisins, eru 2,5 þjóðarframleiðsla, mun upptaka Evru taka 15-20 ár, cirka.
• menn gleyma því, hvað það þýðir, að Ísland er í EES, nefnilega það, að við erum þegar komin með þann hagnað, fyrir hagkerfið, sem aðild á að færa okku, að stærstum hluta. Það eina stóra sem eftir er, er EVRAN. Fullyrðingar, um annann stóran hagnað, er kjaftæði.
• "The Commission of the European Union - Directorate General for Economic Affairs: : 1. Quarter Report 2009" . Samkvæmt þessari skýrslu, er áætlað að meðalhagvöxtur innan Evrusvæðisins, lækki niður í 0,7% af völdum kreppunnar, og verði á því reiki fyrsu ár eftir kreppu. 

  Potential Growth Stuctural unemployment Investment ratio as percentage of output

  2007  1,8%                   8,7%                                       8,7%

  2008  1,3%                  9,0%                                        9,0%

  2009  0,7%                 9,7%                                         9,7%

  2010  0,7%                10,2%                                        10,2%

Þeir telja að svokallað "lost decade" sé líklegasta útkoman, þ.e. lélegur hagvöxtur um nokkur ár, í kjölfar kreppu, þannig að kreppuárin + árin eftir kreppu, verði cirka áratugur. Þeir telja, að á endanum, muni þó hagkerfi Evrópu rétta úr sér, og ná eðilegum meðal-hagvexti. Þeir, setja þó fyrirvara við þá ályktun, að sú útkoma sé ekki örugg; þ.e.:

"Risks of a permanent downshift in potential growth should not be played down."

Hvers vegna, er ég að tönnslast á þessu? Ástæðan er sú, að væntingar um að umsóknarferli og síðan, aðild - muni redda okkur, eru fullkomlega óraunhæfar ef staðreyndir mála eru hafðar að leiðarljósi.

Höfum staðreyndir að leiðarljósi, þ.e. miðum ekki við ímyndaðar skýjaborgir.

Ef við pössum okkur, og reynum ekki að ljúka aðildarviðræðum, of hratt, þá geta þær gengið fyrir sig, án verulegs skaða - til skamms tíma, meðan þörf er á öllum okkar uppbrettum ermum við það að berjast við kreppuna.

Aðildarviðræður, mega þess vegna taka nokkur ár, þ.s. Evruaðild, fæst hvort sem er, ekki nema eftir að við höfum náð hinum svokölluðum "convergence criteria". Það, getur vart tekið minni tíma en 10 - 15 ár, hugsanlega 15 - 20, þannig að 5 - 6 ár, í aðildarviðræður, ætti ekki að vera nein goðgá.

Kv. Einar Björn Bjarnason, stjórnmálafræðingur og Evrópufræðingur

[Heimir Tómasson, 17.7.2009 kl. 15:03]

,,Alþingi Íslendinga hefur ákveðið að kjörnir fulltrúar fólksins, setji af stað lýðræðislega málsmeðferð í einu veigamesta hagsmunamáli þjóðarinnar á síðari tímum".

Fyrirgefðu framhleypnina, en ég sé afskaplega fátt lýðræðislegt við framgöngu þingsins undanfarna mánuði.

[Jón Baldur Lorange, 17.7.2009 kl. 15:26]

Sæl Ólína,

Það er ástæða til að óska ykkur í Samfylkingunni til hamingju með ,,sigurinn" á Alþingi.

Það er hins vegar alltaf dapurlegt að horfa upp á ,,ofbeldi" eins og viðhaft var í þessu umdeilda máli. Þetta kann að vera sætur sigur um stund en eftirbragðið verður rammt óttast ég. Hér hefði verið farsælast að ná samstöðu á þingi um að færa valdið til fólksins. Þjóðin hefði átt að fá að hafa fyrsta og síðasta orðið.

Þjóðarinnar vegna vona ég og trúi að þetta fari vel að lokum. 

[Axel Jóhann Hallgrímsson, 17.7.2009 kl. 20:19]

Ég sé enga ástæðu til að, hvorki fagna eða vola yfir þessari umsókn. Þetta er aðeins umsókn, nauðsynleg sem slík  til að fá úr því skorið,  í eitt skipti fyrir öll, hvort Evrópusambandið henti okkur eða ekki.  

Það verður ekki fyrr en aðildarsamningurinn liggur fyrir og þjóðin búin að samþykkja hann eða hafna, sem ástæða er til að fagna eða gráta, allt eftir  skoðunum hvers og eins.

[Magnús Geir Guðmundsson, 17.7.2009 kl. 20:38]

Óska þér til hamingju Ólína mín með þetta fyrsta skref, sem vissulega er sögulegt en þó aðeins fyrsta skref á langri leið, sem tvísýnt getur verið um hvernig endar.

En svona yfirborðskennt rugl í nafni lýðræðisástar í fólki á borð við JBL hér að ofan, er í senn dapurlegt og hræsnisfullt.Hjá meginþorra þeirra sem vildu þessa svokölluðu tvöföldu atkvæðagreiðslu var tilgangurinn sem helgaði meðalið ekki lýðræðisást eða umhyggja fyrir því og þar á ég sérstaklega við D liða, heldur alveg öfugt, tilhneiging til að vilja hindra rétt lýðræðislega kjörins alþingis að sinna sínu hlutverki. Annars svo fjöldamargt annað sem menn eru að fullyrða um sem gera mætti athugasendir við, en nenni því ekki. Því verður þó auðvitað ekki neitað, að betra hefði verið að þessi umsókn hefði verið samþykkt með meiri sátt, en það er bara tímaeyðsla nú að fjölyrða um það.En það sem mér finnst eiginlega leiðinlegast nú, er hversu sorglega er komið fyrir Borgarahreyfingunni eftir þetta mál, afar leitt til dæmis að horfa upp á hana Birgittu sogast í ráð- og reynsluleysi sínu inn í þessa atburðarrás og verða uppvísa af miklum rangindum.

[Jón Baldur Lorange, 17.7.2009 kl. 21:30]

Magnús Geir. Þetta sem þú skrifaðir hér á undan hefði dyggur stuðningsmaður Halldórs Ásgrímssonar getað skrifað hér um árið til að réttlæta Íraksstríðið eða fjölmiðlalögin, svo dæmi sé tekið. Já, það skiptir máli að spila með liðinu - og kúga minnihlutann.

[Jón Baldur Lorange, 17.7.2009 kl. 21:32]

Þarna hefði reyndar getað staðið í lokin meirihlutann, því það var í raun meirihlutavilji fyrir að bera umsókn um aðild að ESB undir þjóðina.

[Magnús Geir Guðmundsson, 19.7.2009 kl. 01:22]

Þessi viðbrögð Jóns Baldurs eru eins og löngum var sagt hér í "Danska kaupstaðnum" Billeg, svo ekki sé nú fastar að orði kveðið!

Fyrir það fyrsta er það beinlínis dónalegt að leyfa sér að nefna hin tvenn ömurlegu tilfellin, sem fyrst og síðast tengjast valdósóma fv. forsætisráðherra, heift hans og óvild í öðru tilvikinu í garð nokkurra einstaklinga, en í hinu blind þjóns- og þrælslund í stuðningi við stórþjóðina í vestri og hennar nú fv. forsetalarf!

Þetta eitt út af fyrir sig ætti að nægja til að hrekja þennan arfavitlausa samanburð, en til að gera það með enn rökvísari hætti, þá höfðu hvorki B né D það á stefnuskrá fyrir kosningar að setja sérstök lög til höfuðs vissum einstaklingum og fyrirtækjum þeirra hvað þá að stuðningur við Íraksstríðið hafi verið það heldur né að það síðarnefnda ekki síst hafi verið BUNDIÐ Í STJÓRNARSÁTTMÁLA eins og um ræðir með nú samþykkta gjörð alþingis um aðildarviðræður/umsókn að ESB, sem hugsanlega og kannski leiddi svo til samnings er þjóðin greiddi síðan atkvæði um til samþykkis eða sinjunar!

Auk S sem hefur haft ESB tengsl á stefnuskránni meira og minna alla tíð, höfðu bæði Borgarahreyfingin og Framsókn sterkar meiningar í þessa átt fyrir sl. kosningar. Þjóðin gaf því mjög jákvætt svar við þessum ESB sjónarmiðum og því þýðir ekkert fyrir fólk á borð við Jón Baldur Lorange að hafa uppi stóryrði og stríðsyfirlýsingar í kjölfar þessarar niðurstöðu!

[Þorsteinn Sch Thorsteinsson (IP-tala skráð) 19.7.2009 kl. 10:40]

Nú verður þessi litla, litla, nice, nice Samfylking í því reyna allt hvað hún til að koma á ríkisábyrgð, þannig við verðum látin borga fyrir allar þessar skuldir Landsbanka HF (Icesave), því annars kemst þessi litla, litla, nice, nice Samfylking ekki inn í ESB. Nú verður ekki bara áróðri beitt heldur einnig kúgunum.

Kv

Þorsteinn

[Jón Baldur Lorange, 19.7.2009 kl. 14:49]

Magnús Geir: Bíddu við. Geturðu ekki einnig lesið út úr niðurstöðu alþingiskosninganna 25. apríl að þeir sem vildu sjá Ísland utan ESB unnu sigur?

Jú svo sannanlega. Vg var sigurvegari kosninganna, ef ég man rétt, og þeirra stefnuskrá og málflutningur var skýr fyrir kosningar í þessa átt. Einnig fékk Sjálfstæðisflokkurinn um 24% allra atkvæða þrátt fyrir hrunið í haust, sem teljast verður varnarsigur. Tap flokksins hefði verið mun meira ef hann hefði farið upp í ESB lestina eins og nýfrjálshyggjumennirnir innan flokksins börðust fyrir en höfðu ekki erindi sem erfiði. Einnig er um helmingur framsóknarþingmanna, sem telur að ESB vera enn eitt glópagullið sem þjóðin er látin eltast við.

Síðan mótmæli ég því að ég hafi verið með einhver stóryrði og stríðsyfirlýsingar í þessum málum. Þar hlýtur þú að ruglast á mér og einhverjum öðrum Magnús Geir.

[Magnús Geir Guðmundsson, 19.7.2009 kl. 22:41]

Neinei, til dæmis bæði innihalds- og innistæðulausar dylgjur um "spil með einhverju liði til minnihlutakúgunnar", eru ekki stóryrði, né að það geti talist hræðsluáróður að fullyrða um hugsanlega kosningu og svo kannski aðild að ESB sem eitthvert "gönuhlaup eftir glópagulli"!?

ÉG kann satt best að segja lítt að meta slíkt og ekki vill það batna er menn reyna aumkunarlega að klóra í bakkan eins og Jón Baldur gerir hér, en sekkur bara enn meir í "Rönguræsið" fyrir vikið.

Hann telur það henta sínum ma´lflutningi hérna, að tala annars vegar um VG sem SIGURVEGARA sl. kosninga og að D hafi unnið einvhern varnarsigur í þeim, sem þannig sýni að allt eins hefði mátt túlka úrslitin sem andstöðu við að sækja um aðild að ESB og ekki bara það, heldur vegna þess að nokkrir B menn voru á móti því vegna þess að þeirra breytingartillaga um skilyrði við aðildarumsókn var felld!? Að VG hafi "unnið" kosningarnar eða einhverjir aðrir er nú túlkunaratriði og satt best að segja gömul þrætuíþrótt, sem stunduð er jafnan eftir hverjar kosningar og er til dæmis alveg á hreinu að talsmenn Borgarahreifingarinnar telja sig engu síðri sigurvegara en VG! Í þessu felst því engin rökstuðningur enda túlkaði flokkurinn og hans forkólfar sjálfir málin þannig, að hann gæti fallist á stjórnarsáttmála með aðildarumsögn innifalinni. Enn minni rökstuðningur eru þessar fullyrðingar um varnarsigur D og að hann hefði tapað enn meiru ef ESB aðild hefði náð inn í stefnuskrána eins og einvherjir "nýfrjálshyggjusinnar" vildu!?(sem þá væntanlega eru meðal annara varaformaðurinn, Ragnheiður Ríkharðsdóttir og vilhjálmur Egilsson eða hvað?) Þetta er einfaldlega loftbólufullyrðing sem enga vigt hefur þar með, en tal um "varnarsigur" kom nú fyrst bara minnir mig fram vegna þess að vitlausa flakkarakerfið færði þeim sextánda manninn á síðustu stundu, sem þar með tryggði flokknum betra hlutfall í nefndum en ella hefði orðið, þó þessi niðurstaða væri í raun versta útreið flokksins frá upphafi. (eða allavega á lýðveldistímanum)

Og svo hefur JB ekki minnstu hugmynd um hvort þessi ósigur hefði orðið meiri eða minni ef ESB aðild hefði verið inni, það er bara skoðun hans sem í raun byggir ekki á neinu, a.m.k. á haldbærum rökum!

Að lokum svo að sú staðreynd að B liðar klofnuðu, þá hefur hún ekkert að segja, því þeir (þingmennirnir) voru kjörnir með þá stefnu flokksins að hann teldi aðild að ESB raunhæfan kost að uppfylltum skilyrðum!

Ómögulega því hægt með nokkru móti að snúa túlkuninni við eins og JB reynir og það ekkert annað en að snúa hlutunum já kolvitlaust á haus!