Mikið déskoti var Sigmar góður!

Takið nú eftir - þið áhugamenn um fjölmiðla og viðtalstækni - hvernig Sigmar bar sig að í viðtali sínu við Geir Haarde í gær, samanborið við Egil í viðtali við Jón Ásgeir um daginn. Sigmar vissi upp á hár hvað hann ætlaði að fá út úr forsætisráðherranum. Hann virkjaði reiðina - sleppti henni aldrei lausri, heldur baunaði spurningunum (stundum á mörkum þess að missa það, en fór samt aldrei yfir strikið) hverri af annarri, í  rökréttri röð. Og þegar forsætisráðherranum var orðið nóg um, og taldi að spyrillinn væri farinn að fullyrða meira en spyrja - þá rökstuddi spyrillinn ástæður sínar fyrir framsetningunni og hélt sínu striki.

Þetta var beinskeytt viðtal - hugsað. Ákveðinn spyrill. Reiður undir niðri - en umfram allt vel undirbúinn. Það gerði gæfumuninn.

Annars er líka fróðlegt fyrir fjölmiðlafíkla að spá í muninn á viðtali Sigmars frá því um daginn við Davíð annarsvegar, og viðtali Egils við Jón Ásgeir hinsvegar. Í fyrra tilvikinu (viðtalinu við Davíð) hélt spyrillinn sig svo vel á mottunni að hann bókstaflega skrúfaði frá talandanum á seðlabankastjóra (með hrikalegum afleiðingum fyrir land og þjóð reyndar, en samt ...).

Í síðara tilvikinu (viðtali Egils við Jón Ásgeir) sleppti spyrillinn sér svo gjörsamlega að hann skrúfaði fyrir viðmælandann og fékk ekkert út úr honum eftir það.

Sumsé - eins og kría á steini, tylli ég mér niður á Frón, rétt nýkomin frá Póllandi á leið til Danmerkur í nótt. Verð ekki í bloggsambandi fyrr en eftir helgi.

En ... ég náði að kíkja á Kastljós gærkvöldsins og get ekki orða bundist: Mikið déskoti var Sigmar góður!

Athugasemdir

[Hallmundur Kristinsson, 24.10.2008 kl. 00:04]

Flækingurinn á þér, kona!

[Hvítur á leik, 24.10.2008 kl. 00:08]

Já. Sigmar er ætíð svo sannur í viðtölum. Hann er spyrill af hjartans náð! Annars var gaman að sjá nýja settið hjá Kastljósi. Flott, stílhreint og vinalegt!

[Katrín Snæhólm Baldursdóttir, 24.10.2008 kl. 08:56]

Já sammála.Simmi var virkilega góður og ég vona að þetta setji tóninn fyrir framtíðaröfjölmiðlun hér heima..

Að menn komist ekki upp með það að fara undan í flæmingi og svara ekki spurningum sem að þeim er beint. 

[S.H. (IP-tala skráð) 24.10.2008 kl. 09:01]

"Vindögd" Ólína?! Hér tilvísun og opid bréf Tryggva Gíslasonar, fyrrv. skólameistara til útvarpsstjóra um umraeddan thátt.

http://www.mbl.is/media/36/1036.pdf 

[Guðrún (IP-tala skráð) 24.10.2008 kl. 09:58]

Sigmar var góður, Egill fór fram úr sér en spurði samt um það sem fólkið í landinu vildi að hann spyrði um. En ég sá Ingva Hrafn með Jón Ásgeir í viðtali svoleiðis klisju vil ég ekki sjá eða heyra aftur. Þar kom vel í ljós hver er styrktaraðili að þeirri stöð

[sissinn (IP-tala skráð) 24.10.2008 kl. 10:27]

Sammála!! Sigmar góður!!

En það breytir ekki því að Egilsviðtalið var snilld. Það toppar það ekkert. Viðtal Ingva við Jón Ásgeir var eins og mjálm á kaffihúsi. Samt fróðlegt á sinn hátt. En þetta er kröfuharðið tímar fyrir spyrla. Þá er mjög gott að hver hafi sinn stíl og menn nálgist viðfangsefnið á misjafnan hátt.

 Kveðja

Sissinn

[Henrý (IP-tala skráð) 24.10.2008 kl. 12:20]

Sammála þessu. Fannst viðtal Jóhönnu Vilhjálms við Jón Daníels í þætti gærkvölds vera losaralegt. Hún tuggði á svörunum hans og fékk í raun mjög lítið úr honum miðað við hvað hann var vel að sér. Það viðtal hefði getað verið 5 mínútum styttra án þess að áhorfendur misstu af neinu

[Sóley Björk Stefánsdóttir, 24.10.2008 kl. 15:45]

Sammála því að Sigmar stóð sig mjög vel. Mér finnst fjölmiðlafólk á Íslandi allt of lengi hafa verið hálf óviðræðuhæft og annað hvort illa undirbúið eða með einhvern dónaskap sem er, einmitt eins og þú bendir hérna á, ekki til þess fallinn að fá upplýsingar upp úr viðmælandanum.

Það er samt gaman að þessari umræðu og samanburði og ég er viss um að fjölmiðlafólk sem leggur sig eftir því getur lært alveg heilmikið af því hvernig er verið að gera hlutina í dag. lært af mistökum annarra og, sem betur fer, haft fyrirmyndir :)

[Ingibjörg Þ. Þorleifsdóttir (IP-tala skráð) 24.10.2008 kl. 19:08]

Var ekki gott að koma til Krakow? Hef komið þangað og fannst það frábært. IÞÞ

[Hólmfríður Bjarnadóttir, 25.10.2008 kl. 03:34]

Þegar menn kunna til verka er árangurinn  eftir því. Sigmar var ágengur en
þó kurteis og hefur tekið gríðarlega góð viðtöl nú á umbrotatímum, kemur
vel undirbúinn og árangurinn eftir því. Það er annað en hægt er að segja um
Egil Helgason. Ég hef svosem ekki verið sérlegur aðdáandi EH í gegnum
tíðina, en nú undanfarið hefur álit mitt á honum hríðfallið dag frá degi. Í
viðtali EH við JÁJ varð hann sér til skammar að mínu mati. Bloggsíðan hans
er líka ansi soraleg og þar er margt skrifað sem ekki þolir skoðun hvað
mannasiði varðar. Skoðanir fólks er allt annað.

Sigmar fékk GHH til að segja ansi margt og áheyendur voru ýmsu nær eftir
þáttinn. GHH ætlar til dæmis að verja seðlabankastjórann DO fram á ystu nöf
og jafnvel lengra. Óttinn við klofning í Sjálfstæðisflokknum er öllu öðru
yfirsterkari og svo hefur verið undanfarna áratugi. Mikill foringi þeirra
fórst í sorglegu slysi 1970 og flokkurinn var í sárum árin á eftir.
Stjórnarmyndun Gunnar Thoroddsen og klofningur Alberts Guðmundssonar og
myndun Borgaraflokksins voru flokknum afar þungbær og erfið. Síðan hefur
minna molnað úr, þó Frjálslyndir séu vissulega brot úr Sjálfstæðisflokknum.
Nú er einkavinavæðingin komin í þrot og Kolkrabbaliðið í sárum efir ýmis
önnur áföll undanfarin ár eins og olíumálið og fleira. GHH verður því að
hafa alla góða, en slíkt getur snúist í höndum færustu manna þegar minnst
varir.

[Baldur Gautur Baldursson, 25.10.2008 kl. 12:15]

Loksins einhver sem þorir að andmæla hinum áður ósnertanlega Davíð Oddsyni og bróður hans í leik; Geir HH.  Bravó!

[Björk Pétursdóttir (IP-tala skráð) 25.10.2008 kl. 18:38]

Heil og Sæl !

Ég er sammála, Sigmar er mjög góður, frábær fyrirspyrjandi  og yfirleitt mjög málefnalegur og kemur sér að efninu umbúðalaust.  Umræddur kastljósþáttur var þeim báðum til sóma , bæði spyrjanda og svaranda.      Aftur á móti er annað að segja um þáttinn þegar D.O. sat fyrir svörum, þá var eins og Sigmar hefði orðið fyrir gjörningum, og hann lét D.O. valta yfir sig með sinni alkunnu frekju og hroka.

Varðandi umræðu um Egil Helgason segi ég fyrir mig , það besta sem sjónvarpið hefur boðið upp á eru , Silfur Egils !  og bókmenntaþátturinn  Kiljan!!    Ég missi ekki ótilneydd af þeim..   Takk ftrir Sigmar   og takk fyrir Egill.  

Kveðja Björk!

[S.H. (IP-tala skráð) 26.10.2008 kl. 09:25]

Mér tókst ad klúdra tilvísunni á bréf Tryggva Gíslasonar og vef
Morgunbladsins. Hér kemur leidréttingin:

http://www.mbl.is/mm/frettir/innlent/2008/10/23/ruv_sagt_kynda_undir_sleggjudomum_og_ofstaeki/

Held ad Ólína uppgötvi einnig ad vidtalid var misheppnad . Thad er ekki nóg
ad koma vel undirbúinn sem spyrjandi, spyrjandinn verdur líka ad hlusta á
vidmaelenda sinn og má ekki ganga út frá einhverjum flugum sem hann hefur
fengid í höfudid. Vidtalid í Silfri Egils vid Jón Ásgeir var líka ad mínu
mati mjög misheppnad og hef ég thó enga samúd med honum. Ég er thess
fullviss ad bádir spyrjendur vita med sér ad their fóru yfir strikid.

[Marta B Helgadóttir, 28.10.2008 kl. 09:29]

Tek undir það, þetta var fagmannlega gert hjá Sigmari.