Sárir Sjálfstæðismenn.

Sjálfstæðismenn eru sárir - það leynir sér ekki, enda ekki við öðru að búast heldur. Þeir eru líka reiðir - það sáum við á Hönnu Birnu og Villa. Hann stóð sig hinsvegar vel miðað við aðstæður - var keikur. Það er það eina sem dugir á stundu sem þessari.

 En það er holur tónn í tali flokkssystkina hans um heilindi innan borgarstjórnarflokksins og trúnaðarbrest Björns Inga.

Þetta er sama fólkið og dögum saman sat á svikráðum við borgarstjórann fyrrverandi - m.a. á lokuðum fundum með forystu Sjálfstæðisflokksins. Þjóðin fylgdist með þessu, það var á allra vitorði. Að tala svo um "djúpa vináttu" milli þessa fólks og "sanngirni" þess og "frábært samstarf" á blaðamannafundi þegar meirihlutinn er fallinn vegna óeiningar (og innbyrðis undirferlis) - er eiginlega bara  grátbroslegt.

Þá fannst mér líka hjákátleg yfirlýsing Hönnu Birnu um að fullar forsendur hafi verið fyrir því að ná sátt í OR málinu við Björn Inga "ef hann hefði bara verið tilbúinn að fallast á okkar sjónarmið".  

Hmmm...... hafi þetta verið samstarfsandinn í meirihlutanum fyrrverandi, þá er kannski ekki skrýtið þó trosnað hafi upp úr samstarfinu.

 Já, stundum skipast veður skjótt í lofti - ekki síst í stjórnmálum Ég óska borgarbúum til hamingju með þau umskipti sem nú hafa orðið, og nýja meirihlutanum - ekki síst borgarstjóranum - velfarnaðar í vandasömum aðstæðum.

 

Vilhjálmur: Ákvörðun Björns Inga um samstarfsslit fyrirvaralaus

Athugasemdir

[Ásdís Sigurðardóttir, 11.10.2007 kl. 18:58]

Það verður ótrúlega spennandi að fylgjast með þessu máli næstu daga og vikur. Ég ætla að bíða með hamingjuóskir til borgarbúa svona allavega fram að jólum, sjá svona hvernig þetta fer af stað. Vona að þetta sé ekki bara allt græðgi og framapot

[Jenný Anna Baldursdóttir, 11.10.2007 kl. 20:09]

Æi, ég hélt aldrei að ég ætti eftir að finna til með Sjálfstæðismönnum, en ég geri það nú samt.  Það breytir ekki því að mér finnst EKKI leiðinlegt að félagsyggjumeirihluti hafi litið dagsins ljós.

Takk fyrir mig

[Gísli Hjálmar , 11.10.2007 kl. 20:15]

Ég ætla að leyfa mér að óska okkur jafnaðarfólki til hamingju með nýjan meirihluta í borginni.

Ég hefði samt vilja að þetta hefði borð öðruvísi að, það er að segja; við eðlilegar kosningar en ekki á forsendu stjórnarslita.

[Kolbrún Baldursdóttir, 11.10.2007 kl. 20:49]

Það var samt alveg óþarfi að hann skyldi láta þau bíða eftir sér. Samkvæmt fréttum vissu þau ekki neitt hvað hann var að bralla. Hann hefði vel getað hringt í Vilhjálm um hádegi og látið þau vita hvaða stefnu þetta hefði tekið.
Það er spurning um almenna kurteisi. Borgarstjórnarfulltrúar Sjálfstæðisflokksins voru farnir að fá afspurnir af þessu á meðan þau biðu eftir honum, eins og ég skil þessar fréttir.

Annars finnst mér BIH enginn sérstakur sökudólgur í þessu. Þetta er flóknara en það og ekki skal leita að einum blóraböggli. Þetta var tæpur meirihluti og mátti vita að ekkert mátti út af bera.

Því miður fékk minnihlutinn  (sem nú er meirihluti) þetta nokk upp í hendurnar.
Um leið og fréttist af klofningi í svo viðkvæmu máli,  meðal Sjálfstæðismanna, stórvægilegum eða smávægilegum, er fjandinn laus. Þetta fjallar jú um almannafé.

[Sigurður Viktor Úlfarsson, 11.10.2007 kl. 21:08]

Kolbrún, ekki þessa viðkvæmni.  Svona gerast bara kaupin á eyrinni.  Þetta er nákvæmlega það sama og Ólafur F. sagði þegar Villi dömpaði honum og fór heim með Birni Inga eftir síðustu kosningar.  Ég held að ef viðtölin við Ólaf þá og við Villa núna yrðu spiluð saman þá væri varla hægt að heyra um hvort tilvikið væri verið að fjalla.

Ég virði Björn Inga líka fyrir að hafa haft dug í sér til að gera þetta vegna þess að hann hafði 50% ítök í borgarmálunum í tveggja flokka meirihluta en mun nú pottþétt hafa minna þar sem flokkarnir eru fjórir.  Hann er því meðvitað að minnka sín völd til þess að geta staðið á sínu og tryggt það sem hann telur að sé rétt leið í þessu máli.

Þessi ummæli Hönnu Birnu sem Ólína minnist á voru líka með eindæmum og í þeim kristallast held ég hrokinn í þessum hópi sem treystu ekki eigin flokksmönnum í stjórn OR og héldu krísufundi á bakvið Villa þangað til hann kom yfir á þeirra skoðun.  Nú átti að gera það sama við Björn Inga.  Hann hafði hins vegar vit á því að láta þau flakka og er það vel.

[Guðmundur Örn Jónsson, 11.10.2007 kl. 21:52]

Ég á bágt með að sjá Björn Inga sem einhverja frelsishetju í þessu máli. Það er alveg klárt að hann hefur ekki gert þetta með hagsmuni borgarbúa að leiðarljósi. Er ekki sami ágreiningur uppi innan nýs meirhluta um REI og hvort og þá hvenær eigi að selja hlut borgarinnar? Er eitthvað leyst, eða bjó Björn Ingi kannski til ágreining. Það er að sjálfsögðu enginn vafi á því að Sjallar stóðu ekki með Vilhjálmi í málinu, en ég held að Björn Ingi hefði getað endað þetta samstarf á hreinlegri hátt, það er ekki nokkur vafi.

Annars er ég bara nokkuð ánægður með nýjan meirihluta, lýst vel á borgarstjórann og er mjög ánægður með VG þarna, ekki eins hress með að Björn Ingi skuli alltaf vera í þeirri stöðu að maka krókinn, en það verður líklega ekki á allt kosið.

[Steinar (IP-tala skráð) 11.10.2007 kl. 21:56]

Ef Svandís samþykkir þennan samruna þá er hún ekkert nema hræsnari enda gagngrýndi hún Björn inga hægri vinstri fyrir ekki löngu og núna legst hún með honum eins og ekkert hafi í skorist til þess eins að öðlast völd á hvað 4 tímum. Og án neins málefnalegs tals um hvaða málefni eigi að taka fyrir.

Og það er hneikslanlegt og hræsni af stórri gráðu þegar Sósíalistar ættla sér að færa miljarða yfir úr orkuveituni í dótturfélög sem þeir hafa KAUPRÉTT í. Halló erum við að tala um kapitalisma eða hvað... Hérna eru ekkert nema einkahagsmunir í fyrirúmi og valdasýki.

Björn ingi er ekkert nema júdas sem hefur svikið lýðinn fyrir eigin hagsmuni

[Sigurður Viktor Úlfarsson, 11.10.2007 kl. 23:32]

Það var ótrúlegt viðtal að hlusta á Sigga Kára og Bjarna Ben úthúða Birni.  Þeir voru eins og tveir litlir strákar sem hafði verið sagt upp af kærustunni tveimur tímum áður og hún hafði byrjað með gaurnum í næsta húsi í staðinn.  Þeir voru brjálaðir.

Ef eitthvað er lærdómurinn af deginum í dag er það að maður á aldrei að fara reiður í viðtöl, hvorki í sjónvarpi né annars staðar.  Á stundum sem þessum á að lesa skriflegar yfirlýsingar, sofa síðan eina nótt og ræða málin daginn eftir.  Kveðjufundur Sjallanna var óskapleg grenjusamkoma og fullkomlega ótrúverðugur eftir atburði síðustu daga.

[Viktor (IP-tala skráð) 12.10.2007 kl. 00:08]

Ótrúlegur Dagur.

Villi skeit uppá bak, Björn Ingi líka.  Samt er það Svandís sem hefur gert mest í buxurnar og beðið álitshnekki.  Hún hefur keppst við að rægja Björn Inga og lét hafa eftir sér stór orð varðandi þann siðlausa mann, þar á meðal að hún gæti aldrei unnið með slíkum svikara.  Nú hinsvegar sannar hún í eitt sinn fyrir allt hvílík tækifærismennska einkennir VG.  Með ólíkindum að hún hoppi í sæng með Birni eftir allt sem á undan er gengið.  Tók í hönd hans, segir hún.  Það dugar.  Hræsni og hvurnig er mark takandi á henni, flokknum.  Á ekki til orð og veit ég um fleiri.  Er sáttur með Dag og fagna því en vil ekki sjá Svandísi nálægt þessu enda ekki treystandi frekar en Framsóknar drengnum.  Siðlaust og koma sjallarnir betur út en VG í þessu máli

[Jói (IP-tala skráð) 12.10.2007 kl. 03:56]

Félagar! Kröfur fólksins standa enn!  Stöndum þétt að baki Umboðsmanns Alþingis og krefjumst svara þegar almannaeignir eru seldar án útboðs.  Látum ekki stela auðlindum frá okkur eins og þegar sægreifarnir stálu fiskimiðunum okkar!  Veiddu svo þorsk þar til stofninn hrundi – það var þá hagkvæmni! Höldum baráttunni ótrauð áfram!  Hrifsum auðlindir okkar til baka!  Við skulum að lokum hlýða á gömlu kempuna Willie Nelson flytja slagarann City of New Orleans, hér sést hann með ameríska fánann að höfuðklút að hætti byltingarmanna:  http://youtube.com/watch?v=94AF_-RIl0E Guð blessi land og þjóð.