Lítil eru geð guma

Pirringurinn skín af þingmönnum Sjálfstæðisflokksins þessa dagana. Orðbragðið og samskiptahættirnir eru eftir því. Enginn trúnaður um nokkurn skapaðan hlut.

Eilíf neikvæðni ef álit er gefið í fjölmiðlum.

Þessi höfuðlausi her veit ekkert hvernig hann á að vera. Skilar auðu í stærstu málum, slær um sig sleggjudómum, hleypst undan ábyrgð .... ussususssussu.

Og nú hóta þau stríði við forsætisráðherra, þegar hún með réttu gagnrýnir það hvernig iðulega er hlaupið í fjölmiðla, jafnvel áður en ráðrúm gefst til þess að koma upplýsingum með viðeigandi hætti til réttra aðila. Þessa gagnrýni kalla þau hótanir og "svara" - ja, hvernig? Jú, með hótunum um "átök" - en ekki hvað?

Lítilla sanda,
lítilla sæva,
lítil eru geð guma.

Hafna því að hafa rofið trúnað

Athugasemdir

[Pétur Ásbjörnsson, 18.9.2009 kl. 22:53]

Halt verði valt og ráðherra tamt að seigja ekkert nema gull og láta allt glóa. Erum við ekki búinn að fá nóg að glópa gulli. Við sem erum í sjálfstæðisflokknum erum illa brunnin og viljum passa okkur á græðgi.

[Helga Guðrún Eiríksdóttir, 18.9.2009 kl. 22:59]

-Hlaupið í fjölmiðla..??

-Hefur það nokkuð flogið að þér að fjölmiðlar eru tungan sem talar til FÓLKSINS?

-Hvað er það sem þér finnst okkur ekki koma við?

Hrokinn er orðinn ólíðandi, Ólína!

[Sigurbjörg Eiríksdóttir, 18.9.2009 kl. 23:11]

Hvað ég er sammála þér Ólína!

[Ben.Ax. (Benedikt Jóhannes Axelsson), 18.9.2009 kl. 23:16]

Sammála:
Því að allir menn urðu-t jafnspakir: Hálf er öld hvar.

[Marinó Óskar Gíslason, 19.9.2009 kl. 00:00]

Auðvitað áttu stjórnarandstöðuþingmenn að segja frá í fjölmiðlum. Fólkið í landinu á rétt á að vita hvaða leynimakk er í gangi. Þingmenn eiga ekki að halda neinu leyndu fyrir folkinu sem kaus þá á þing. Þið segist vera að vinna fyrir fólkið í landi, en eruð í reynd að skara eld að ykkar eigin kökum. Þið kratar sem þykist vera flokkur alþýðunnar eruð ekkert nema eiginhagsmunapotarar. Og láttu nú af þessum hroka þínum í garð þjóðarinnar Ólína.

[Víðir Benediktsson, 19.9.2009 kl. 00:26]

Hver var að tala um opið og gagnsætt samfélag? Þú gleymir því Ólína að fólk treystir ykkur ekki lengur. "Það er engin kreppa á Íslandi" sagði Ingibjörg og Björgvin G. sagði allt í lukkunnar velstandi rétt fyrir hrun og kallaði efasemdarmenn öfundarseggi. Svo ertu hissa þó einhver sé efins.

[Anna T (IP-tala skráð) 19.9.2009 kl. 01:32]

Já en þessi höfuðlausi er nú aldeilis farin að slá um sig:o) og rífa fylgið sitt til baka, sem betur fer því ekkert virðist vera að gera sem með viti má kalla hjá stjórnarflokkunum! Og að fjölmiðlunum þá hafa stjórnarflokkarnir alltaf talað um gegnsæi og láta þjóðina vita af öllu, það sem nú er verið að gera kallast því góða orði HRÆSNI.

Góða helgi   

[Öndin trítilóða (IP-tala skráð) 19.9.2009 kl. 02:37]

Trúnaður hét einu sinni trúnaður. Kemur ekki á óvart að enn einn lekinn seytlist út úr þessum stöðvum.

Sjálfstæðis- og Framsóknarmenn svífast einskis til að ná höggi á stjórnina. Þeirra lausnir eru þó ekki í sjónmáli. "Ekki mín deild" var einhvers staðar sagt.

Hvað varðar þessa dindilbossa um þrautir þær sem þeir lögðu á þjóðina?

[Sigurður Þórðarson, 19.9.2009 kl. 08:02]

Fólki er svo mikið niðri fyrir að ég verð að fara í Völuspá til að finna samjöfnuð:

"skeggöld, skálmöld,//skildir klofnir,//vindöld, vargöld,//áður veröld steypist,//mun engi maður//öðrum þyrma."

 Er þetta það sem koma skal?  Mig grunar að svo sé.  "Á fjalli býr örn sá er fiska veiðir."  Fyrr eða síðar mun völvan sjá gylltan sal á Gimlé en það verður ekki fyrr en Evrópusambandið verður liðið undir lok.

[Sævar Helgason, 19.9.2009 kl. 08:45]

Afbragðsgóð grein í Fréttablaðinu í dag þann 19.sept.´09 efitir þig,Ólína.

Mæli með að allir lesi hana með opnum huga...

[Sindri Karl Sigurðsson, 19.9.2009 kl. 09:18]

Hvernig er með andsvör frá þér Ólína? Eru andsvör skrifuð hér, sí svona? Allt í svarta myrkrið...

Ekki nema von að sex (sjö að mér meðtöldum) séu þér ósammála, enn sem komið er.

[Ingimundur Bergmann, 19.9.2009 kl. 09:38]

 Get tekið undir hvert orð í pistli þínum Ólína og ekki síst hendingarnar í lokin. Sauð sjálfur saman af sama tilefni það sem ég leifði mér að kalla ,, Eftirþanka Jóhönnu", sem er vitanlega stolin nafngift frá Vésteini.

Höfum í huga að flokkarnir tveir sem eru til umræðu eru ekki raunverulegir stjórnmálaflokkar, heldur samtök til að gæta ákveðinna hagsmuna, hagsmuna sem ekkert eiga skylt við þjóðarhag.

[Bjarni Líndal Gestsson, 19.9.2009 kl. 10:32]

Ólína! Þið stjórnarliðar sýnið stjórnarandstöðinni of mikla þolinmæði og tillitsemi. Mál að linni.

[Sindri Karl Sigurðsson, 19.9.2009 kl. 12:49]

Sjö af þrettán... Og engin andsvör, hlýtur að hafa verið gaman í Neðstakaupstað í gær...

[Sindri Karl Sigurðsson, 19.9.2009 kl. 17:16]

Hmm.

Ólína! Ert þú ein af þeim sem skrifar trúarbrögð og svarar síðan ekki þegar þau eru gagnrýnd? Sýnist vera búið að koma upp um þig og kammeratana! Einstefnuskrif!

Athugaðu hvort það sé til skillti, mannst kannski eftir þessum hvítu og bláu...