Flokkunarkerfið á mbl mætti bæta

Á meðan allt logar hér á bloggsíðunni minni í umræðum um stofnun nýs lýðveldis - já, á meðan verið er að kanna hvað raunhæft sé að gera til að koma af stað fjöldahreyfingu um málið -  þá ætla ég að nota tímann til að gera athugasemd við stjórnendur moggabloggsins vegna flokkunarkerfisins. Það mætti nefnilega bæta.

Nú hef ég að undanförnu verið að tjá mig töluvert um ástandið á Gaza. Flokkunarkerfið gerir ekki ráð fyrir því að hér sé bloggað um stríðsátök, utanríkismál, nú eða alþjóðamál almennt, heldur bara Evrópumál eða stjórnmál og samfélag. Margt af því sem ég blogga tengist t.d. heimspeki og hugmyndastefnum (ekki bara trúmálum), fjölmiðlum (ekki bara sjónvarpi), kjarabaráttu, mannréttindum, löggæslu, siðferðismálum o.þ.h. Enginn þessara umræðuefna á sér málaflokk í kerfinu á mbl.is.

Hér vantar víðtækara flokkunarkerfi.

Þetta er nú svona vinsamleg ábending sett fram til umhugsunar.

Athugasemdir

[Jenný Anna Baldursdóttir, 13.1.2009 kl. 16:48]

Sammála.

[Ásdís Sigurðardóttir, 13.1.2009 kl. 20:42]

Get tekið undir þetta með þér.

[Marta B Helgadóttir, 13.1.2009 kl. 22:16]

Sammála þessu.

Sem tímanna tákn mætti bæta við bloggflokki sem heitir  "fjármál".

[Morten Lange, 13.1.2009 kl. 23:06]

Já, tek undir með þér í þessu Ólína.  Mögulega mætti  bæta við svona 2 flokka og víkka út nokkra í viðbót :

T.d bæta við : A. alþjóðamál, B. réttindamál

Víkka út : C. heimspeki, trúmál og siðferði,   D.   fjölmiðlar,

Og mér finnst vanta flokk fyrir heilbrigðismál og/ eða lýðheilsu.

Flokkurinn Umhverfismál mætti endurskýra "Umhverfismál og sjálfbær þróun" eða bara Sjálfbær þróun. 

Ef möguleikar okkar  til að lifa áfram hérna á þessa eina plánetu er ekki álitað mikilvægt  málefni, þarf ekki að spyrja að leikslokum.  "Umhverfismál" er allt of fuzzy hugtak í mínum huga. Hljómar eins og fegrun garðsins í hugum sumra.

[Hólmfríður Bjarnadóttir, 14.1.2009 kl. 00:18]

Sammála þér og vona að moggaliðið sjái þetta og taki til greina.

[Þorsteinn Briem, 14.1.2009 kl. 03:08]

Sá sem getur breytt einhverju í þessum heimi er hann Árni Matt.

[DoctorE (IP-tala skráð) 14.1.2009 kl. 11:12]

Stríð eiga heima undir "trúmál"... í flestum tilvikum :)

[Svanur Gísli Þorkelsson, 14.1.2009 kl. 12:53]

Þetta eru góðar uppástungur hjá þér Ólína. Það er reyndar hægt að stofna eigin færsluflokka en þeir koma þá aðeins fram á eigin síðu. Það vantar tilfinnanlega fleiri almenna flokka og ég legg til að þú sendir þetta erindi inn til Árna sem fyrst.

[Sigurður Þór Guðjónsson, 18.1.2009 kl. 23:31]

Þú getur sjálf búið til flokk eftir eigin höfði. Það verður enginn munur á honum og flokkunum sem koma frá bloggkerfinu. Ég bjó til forláta flokk sem heitir Mali og efnið í honum er alveg æði enda eingöngu um líf og mal Mala.