Verum neytendur og neitendur

Ég hef oft verlsað í Next og Noa Noa - þar hafa fengist falleg föt. Ég er hætt því. Málið er einfalt, eins og bloggvinur min Jón Ragnar Björnsson hefur skilmerkilega sett það upp, og ég leyfi mér að vitna beint í þá þríliðu:

1. Verslanir settar á hausinn. 
2. Skuldirnar skildar eftir í bönkunum. Ég, börnin mín og barnabörn ásamt hinum óbreyttu Íslendingunum greiðum skuldirnar.
3. Fyrri verslunareigandi kaupir skuldlausar verslanirnar og getur byrjað upp á nýtt og lifað hátt, þangað til hann setur aftur á hausinn.

Þetta er sumsé Nýja Ísland. Það er eins og þeir sem halda um fjármál og viðskipti séu orðnir svo spilltir í gegn að þeim sé ómögulegt að rífa sig upp úr sukkinu. Við, þessi svokallaði almenningur, megum bara standa agndofa og horfa upp á aðfarirnar - eða hvað?

Við getum beitt okkur sem neytendur - já og þar með líka sem neitendur með einföldi i þ.e. með því að neita einfaldlega að versla við þá aðila sem hafa komist yfir eignir með þessum hætti.

Ég ætla að minnsta kosti að sniðganga Next og Noa Noa. 

Next og Noa Noa aftur í eigu sömu hjóna

Athugasemdir

[Jón Snæbjörnsson, 11.12.2008 kl. 21:45]

Þetta er ótrúlega algengt - siðferðið er ekki neitt hjá sumum - þetta er samt ótrúlega fámennur hópur sem stundar svona lagað - en samt komast þeir / þau upp með þetta skipti eftir skipti möglunarlaust - og ekki eins og þeir séu sérstaklega illa settir fjárhagslega.

samanber þessir sem ég bloggaði um fyrir nokkru - fólk er bara orðið dofið fyrir svona hlutum.

Prettir og svindl ?

Lokið er skiptum á þrotabúi Little Trip ehf., áður Ferðar ehf., sem stofanað var til þess að framleiða kvikmynd Baltasars Kormáks, A little trip to Heaven. Lýstar kröfur í búið námu alls rúmum 388 milljónum króna.
Little Trip ehf. var stofnað til þess að framleiða kvikmynd Baltasars Kormáks, A little trip to Heaven.

Sigurjón Sighvatsson framleiddi A Little Trip to Heaven ásamt leikstjóranum Baltasar Kormáks

þetta er kanski bara ósköp eðlilegt og sjálfsagt

	Little Trip í gjaldþrot
Tilkynna um óviðeigandi tengingu við frétt

[Helena, 11.12.2008 kl. 22:04]

Hjartanlega sammála !!!!!!!!!!!!! mín fjölsk.mun ekki versla

Nýja 'Island GRRRRRRRRRRRRR

Nýju föt keisarans fyrir almúgann

[Haukur Nikulásson, 12.12.2008 kl. 07:47]

Ólína, nú gerist þú full einföld frænka!

Settu íslenska ríkið og bankana í jöfnuna þína í staðinn fyrir Next og Noa Noa og þá færðu það væntanlega út að þú eigir að flytja til útlanda til að sniðganga sambærilega hluti. 

[Baldur Gautur Baldursson, 12.12.2008 kl. 08:58]

Ólína hefur á réttu að standa.  Það versta er að Íslendingar eru ekki vanir að segja frá þegar þeim misbýður. Ástæðan er hein og einföld:  Allir eru spilltir.  Sama hvert litið er, allir reyna að svíkja út peninga.  Bankarnir gera það löglega en siðlaust, einstaklingar ólöglega því þeir eiga ekki kost á öðru.   Þannig er Ísland.  Það er búið að eyðileggja sýn Íslendingsins á heiðarleika. Hvað herrarnir hafast að, hinir halda sér leyfist það!   Með fordæmi stjórnvalda hefur þjóðin séð að það er ekki til neins að vera heiðarleg.

[, 12.12.2008 kl. 11:02]

Heiðarleikinn hefst heima (sem og flest annað). Ef við sniðgöngum það sem ofbýður siðferðiskennd okkar þá smitar það út frá sér. Við þurfum ekkert að gera það af offorsi en fínt að láta fólk vita af hverju við sniðgöngum viðkomandi vöru/framleiðanda/verslun/framleiðsluland o.s.frv. Ef nógu margir líta í hjarta sér og sjá hvað þeir vilja ekki þá hef ég trú á að úr rætist.

Sjáið t.d. hvernig fór fyrir Nestlé þegar þeir gáfu Afríkumönnum þurrmjólk og eyðilögðu þannig brjóstagjöf fyrir þúsundum kvenna þannig að ungbarnadauði flaug upp um þúsundir. Hugsjónafólk tók að sniðganga vörur þeirra og útskýra hvers vegna og innan fárra ára hætti Nestlé þessu "markaðsátaki" sínu: http://www.ibfan.org/site2005/Pages/article.php?art_id=34&iui=1

[Ásdís Sigurðardóttir, 12.12.2008 kl. 11:22]

Hef ekki verslað hjá þeim svo það breytist líitið hjá mér.

[Ólína Kjerúlf Þorvarðardóttir, 12.12.2008 kl. 11:29]

Haukur, sælir eru einfaldir.

En ég vil frekar lifa sæl í minni einfeldni án þess að versla í Next og Noa Noa, en samþykkja svona bríarí.

Annars vissi ég ekki að þú værir frændi minn - þú þarft að skýra það fyrir mér, frændi sæll.

[Magdalena Sigurðardóttir, 12.12.2008 kl. 14:22]

Þetta er fáránlegt. Mér finnst athyglisvert hvað fólk segir lítið við þessarri spillingu.

Ég mun heldur ekki versla við þessar búðir, þær eru sem betur fer hvort eð er ekki fyrir minn smekk :P

[Heimir Lárusson Fjeldsted, 12.12.2008 kl. 14:49]

Orð í tíma töluð Ólína.

Ég hef að vísu varað við viðskiptaháttum þessa manns um árabil.

[Heimir Lárusson Fjeldsted, 12.12.2008 kl. 14:53]

Þú veist líklega að Next í Englandi vildi þau sem eigendur aftur og engan annan.

Þú veist örugglega hver á Next í Englandi?

Mikið rétt Jón Ásgeir Jóhannesson.

[Dagga (IP-tala skráð) 12.12.2008 kl. 14:54]

Vonandi ertu þá hætt að versla í Bónus og Hagkaup og Skeljungi og flýgur ekki með Iceland Express. Eða hvað?

[Jón Snæbjörnsson, 12.12.2008 kl. 14:58]

ha Jón Ásgeir átti hann - jahérna

[Guðrún Vestfirðingur (IP-tala skráð) 12.12.2008 kl. 18:57]

Það er fullt af fólki sem er einmitt hætt að versla í Grísabúðunum og ég ætla ekki að versla í Next eða Noa Noa

[Haukur Nikulásson, 12.12.2008 kl. 23:39]

Með skyldleikann: Mamma sagði mér þetta einhvern tíma. Langafar okkar Guðmundur Kjerúlf og Þorvarður Kjerúlf voru bræður. Þú þarft nú samt ekkert að ofmetnast yfir því!

[Ólína Kjerúlf Þorvarðardóttir, 13.12.2008 kl. 10:33]

Gaman að vita þetta frændi kær - ég var um tíma að skoða líf Þorvarðar Kjerúlf með aðstoð Helga Hallgrímssonar og þér að segja þykir mér afar vænt um minningu þess manns. Það hangir ljósmynd af honum upp á vegg hjá mömmu (komin úr dánarbúi Sigríðar ömmu og Þorsteins afa).

Ég held mikið upp á Kjerúlfana - enda er ég mikill Kjerúlf í mér sjálf.

Takk fyrir að gera grein fyrir þér.  Það er alltaf gaman að "eignast" nýja frændur.

[Ragnheiður (IP-tala skráð) 14.12.2008 kl. 11:28]

Erlendis myndi fólk væntanlega standa fyrir utan þessar versanir með skilti með upplýsingum og hvetja fólk til að sniðganga þær - hvað ætli myndi gerast hér ef við gerðum það? Myndi óeirðalögreglan mæta á svæðið? það væri kannski vert að prófa ...