Kraftmikill flokksstjórnarfundur

Í dag átti ég tveggja kosta völ: Að mæta á mótmælafund á Austurvelli, eða flokkstjórnarfund hjá Samfylkingunni. Ég valdi að mæta á flokksstjórnarfundinn og komast þar með milliliðalaust inn í samræðu við ráðherra og forystumenn flokksins um stjórnmálaástandið og framtíðarhorfurnar.

Ég sé ekki eftir því - þetta var afar gagnlegur fundur. Þarna fór fram einörð umræða, hreinskiptin og opin þar sem tæplega fimmtíu manns tóku til máls. 

Engan hefði órað fyrir því þegar við hittumst síðast á flokkstjórnarfundi um miðjan september að svo margt alvarlegt ætti eftir að gerast milli funda. Enda lá fólki nú margt á hjarta. 

Fundarmenn voru sammála um að síðustu daga hafa mikilvæg skref verið stigin - aðgerðaáætlun ríkisstjórnarinnar, sátt í Ísbjargardeilunni og afnám eftirlaunarsérréttinda ráðamanna, svo veigamestu málefnin séu nú nefnd. Í burðarliðnum er tillaga um úttekt á aðdraganda bankahrunsins.

En menn voru jafn sammála um að framundan eru mörg og knýjandi verkefni varðandi úrvinnslu, endurreisn og ekki síst uppgjör þeirra atburða sem orðið hafa - því eins og formaðurinn orðaði það í sinni inngangsræðu: Fyrst kemur fólkið, svo flokkurinn!

Mér líður betur eftir að hafa tekið þarna til máls og hlustað á flokkssystkini mín tala.

Það var mikill kraftur í þessum fundi.

Áfallastjórnuninni lokið

Athugasemdir

[Þorkell Sigurjónsson, 22.11.2008 kl. 19:03]

Það er greinilegt að þú ágæta Ólína ert komin í sinfóníu Ingibjargar Sólrúnar. Mér er spurn hvers vegna ekki má boða til kosninga. Ég sé ekki annað, þegar  Ingibjörg talar um björgunar ferli fyrir fólkið, þá er það í mínum augum, að þið í Samfylkingunni eruð að bjarga andliti Sjálfstæðisflokksins.  Kveðja.

[Sævar Helgason, 22.11.2008 kl. 19:11]

Þetta var mjög fjölmennur flokkstjórnarfundur- og kraftmikill - rétt er það. 

En ekki veit ég hvort fólkið hafi farið af honum með þeim einhug og sigurkrafti og einkenndi landsfund Samfylkingarinnar í aðdraganda kosninganna 2007- efa það mjög. 

Það vakir yfir mikill skuggi á stjórnmálalífinu í landinu .

Það eru í raun tvær ríkisstjórnir við "völd" . Ein er á alþingi íslendinga og starfar í umboði Geirs forsætisráðherra- þar er Samfylkingin til heimilis.

Hin ríkisstjórnin starfar í Seðlabankanum í umboði þessa sama Geirs.

Hvor þessara ríkisstjórna ræður ferðinni er ekki alltaf á hreinu- það er mikil óvissa með stjórnarfarið í landinu. 

Kosningar myndu breyta þessu ástandi - að það yrði ein ríkisstjórn í landinu- í því myndi felast mikill styrkleiki.

Og mótmæli í landinu gerast meiri og alvarlegri með hverjum laugar og mánudeginum sem líður... Ábyrgð stjórnmálaaflanna í landinu er mikil.

Þetta finnst mér.

[Ingólfur H Þorleifsson, 22.11.2008 kl. 21:03]

ÍSG hefur vaxið í áliti hjá mér í dag. Hún hefur ákveðið að standa vaktina áfram. Það er meira en hægt er að segja um suma af hennar flokksmönnum. Það væri algert glapræði að boða til kosninga nú. Er samt sem áður á því að það þurfi að gera breytingar á ríkisstjórninni til að styrkja hana fyrir það stóra verkefni sem bíður hennar.

[Gunnar Skúli Ármannsson, 22.11.2008 kl. 22:12]

Fundarmenn voru sammála um að síðustu daga hafa mikilvæg skref verið stigin - aðgerðaáætlun ríkisstjórnarinnar, sátt í Ísbjargardeilunni og afnám eftirlaunaréttinda ráðamanna, svo veigamestu málefnin séu nú nefnd. Í burðarliðnum er tillaga um úttekt á aðdraganda bankahrunsins.

Eftirlaunamálið átti að afgreiða fyrir lifandis löngu og kemur kreppunni ekkert við. Núll stig.

Aðgerðaráætlunin lengir bara í hengingaról kjósenda ykkar. Núll stig.

Icesave; að standa skil á skulbindingum símum er sjálfgefið, við hin gerum það. Núll stig.

Rannsókn/úttekt; hingað átti að koma full flugvél af sérfræðingum frá útlöndum á degi eitt og kryfja spillinguna. Núll stig

 Þið eruð ekki í sambandi eins og Egill segir.

Amen.

[Doddi (IP-tala skráð) 22.11.2008 kl. 22:25]

Eftirlaunarréttindin voru ekki afnumin. Þeim var breytt. Ráðamenn njóta enn forréttinda umfram almenning. Það er erfitt að vera heiðarlegur. Sérstaklega þegar það borgar sig ekki. Það hljóta allir að skilja það.

[Atli Hermannsson., 22.11.2008 kl. 23:14]

Þessi staða sem komin er upp í þjóðfélaginu er algerlega ólíðandi. Ef fólkið á flokkstjórnarfundinum í dag skilur ekki fyrr en skellur... þá er skýlaus krafa þorra þjóðarinnar að tafarlaust verði gerðar rótækar breytingar á stjórnarheimilinu og boðað til kosninga - NÚNA. En það á ekkert að gera í þá áttina - hreint ekkert. Þá veit ég hreinlega ekki hvað þarf til þess að fá suma ráðherrana til að átta sig á því að nærveru þeirra er ekki lengur óskað. Átta þeir sig virkilega ekki á því að álit kjósenda á mörgum þeirra er komið í skitinn. Skilja þeir virkilega ekki að þeir hafi brugðist þjóðinni og eru ekki starfi sínu vaxnir.

Geir og Ingibjörg útlista það svo fyrir okkur að það væri eins og svik við þjóðina í því ástandi sem nú ríkir að boða til kosninga. Heldur þetta fólk virkilega að það sé svona ómissandi - mætti ég þá biðja þau um ein svik í viðbót.    

[Heidi Strand, 22.11.2008 kl. 23:38]

Burt með spillingarliðið.

[Hólmfríður Bjarnadóttir, 22.11.2008 kl. 23:41]

Mikið vildi ég hafa verið þarna líka á flokkstjórnarfundinum. Ég hlustaði stolt á okkar ágæta formann ISG flytja brot af sinni ræðu í sjónvarpinu. Ég er svo stolt af henni að tvennu leiti, hún er frábær stjórnmálamaður og svo hefur hún náð sér svo vel eftir 2 höfuðaðgerðir sem ekki er neitt smámál. Það veit ég af eigin reynslu og hef þess vegna fylgst alveg sérstaklega vel með henni að því leiti og maðurinn minn ekki síður. Mikið erum við Íslendingar heppin að hún skuli hafa komið svona vel út úr þessum veikindum og að hún skuli vera komin til starfa.

Hún er svo mikill leiðtogi og svo góður ræðumaður að ég fyllist alltaf stolti og aðdáun þegar ég heyri hana og sé.

Gott að heyra að þú valdir flokkstjórnarfundinn, hann hefur örugglega verið uppbyggilegri en útifundurinn

[Hólmfríður Bjarnadóttir, 22.11.2008 kl. 23:45]

Ég gleymdi alveg þessu með kosningarnar. Ég hef verið meðmælt kosningum á næsta ári og er í raun ennþá. En það skiptir svo miklu máli hvað gerist næstu 2 til 3 mánuði.

[Héðinn Björnsson, 23.11.2008 kl. 02:09]

Kosningar eru forsenda þess að friðurinn haldi í landinu. Eins og staðan er núna finnst mér eins og það hafi frekar verið bankarnir sem tóku yfir stjórn ríkisins en öfugt. Það er bannað að sækja mál gegn bönkunum fyrir dóm. Kosningar eru ekki í augsýn. Verðbólgan mun gera stóran hluta millistéttarinnar tæknilega gjaldþrota og minni hluta hennar raunverulega gjaldþrota. Lögreglan er farin að beita efnavopnum gegn mótmælendum sem munu svara í sömu mynnt. Komandi útburðir fólks úr heimilum sínum mun ekki verða tekið án samstöðu og baráttu. Framundan eru verkföll, óeirðir, bardagar og byltingartilraunir.

Ég spyr þá sem styðja afstöðu Ingibjargar hvort þeir séu tilbúnir að bera þann fórnarkostnað sem komandi borgarastríð á Íslandi mun hafa í för með sér?

[Rafn Haraldur Sigurðsson (IP-tala skráð) 23.11.2008 kl. 11:20]

You can´t do it.

Það er nokkuð ljóst að á meðan Ingibjörg var upptekin í Washington að baka vöfflur, Þorgerður eins og jó jó á milli Íslands og kína. Geir og fleiri á einkaþotu um alla evrópu, þá sigldi íslenska þjóðarskútan í strand.

You can´t do it.

Burt með hræsnara eins og Ingibjörgu sem kennir öllum öðrum um ófarir sem hún og hennar flokkur, ásamt Sjálfstæðisflokknum er búinn að koma þjóðinn í.

[Heidi Strand, 23.11.2008 kl. 13:03]

Rafn, Framsóknarflokkurinn ber líka ábyrgð af ástandinu. Þeir gerði Sjálfstæðisflokkurinn það mögulegt að koma  þessu skelfilega frjálshyggju á og Þeir voru við völd i 12 ár.

[Hákon Jóhannesson (IP-tala skráð) 23.11.2008 kl. 15:06]

Er ég inni á röngu bloggi - hvar er umræðan um spillingarliðið.  Getur verið að nálægðin blindi ?

Ég fór á fund um daginn hjá Samfylkingarfélaginu í Reykjavík þar sem "akademiker" ræddi um spillingu í pólík og fleira, mjög áhugavert og einnig umræðurnar á eftir. Engin "drama" þar en nokkrar staðreyndir frá fagmanni um efnið. Það kom m.a. fram kom hjá einum í umræðunum á eftir að viðkomandi þekkti til  einstaklings sem hafði unnið við sölumennsku og sá hafði fullyrti að svo lengi sem aðferðir sölumennskunnar og innihald tilboða væri innan laga væri allt í grænum sjó - þó að siferðilega væri það rangt. Eins og ég skildi - þá fanst viðkomandi í lagi og réttlætanlegt að ljúga að viðskiptavininum.  Annað dæmi. Vinur minn sagði mér frá einstakling sem hafði í sumar gefist upp við símasölu vegna þess að viðkomandi treysti sér ekki í að ljúga stöðugt að viðmælandanum. Svo ekki eru allir sama merki brenndir.

Herjir hafa verið teknir að því að ljúga upp í opið geðið á landsmönnum og hvað segir það um viðkomandi ? Svari hver fyrir sig. Kveðja Hákon Jóhannesson

[Bjarni Hallsson (IP-tala skráð) 23.11.2008 kl. 15:34]

Já hún ISG er alveg svo hreint mögnuð að hún bara mótmælti sjálfri sér og ríkistjórninni með þessari ræðu sinni.

[Gunnlaugur Ingvarsson (IP-tala skráð) 23.11.2008 kl. 15:38]

Samfylkingin er botnlaus tunna og botninn er einhversstadar uppi i Borgarfirdi.

Botninn tyndist tarna i einum af tessum endemis Borgarnesraedum sem formadurinn helt tar um arid.

Tar leyfdi hun ser einhlida ad boda og gjorbreyta annars agaetri stefnu Samfylkingarinnar i sjavarutvegs- og kvotamalum an nokkurs samrads vid folkid i flokknum og reyndar algerlega i motsogn vid marg fram kominn og skyran vilja folksins i Samfylkingunni. Tetta gerdi hun til ad sleikja sig upp vid LIU klikuna og um leid vidradi hun sig upp vid forystu Sjalfstaedisflokksins !

Nei nei, tetta gerdi hun bara sisvona til tess ad geta att frekari moguleika a ad uppfylla sitt LSD (lang staersta drauminn) sinn sem var stjornarsamstarf med Sjalfstaedisflokknum.

Og tad gerdi hun svo sannarlega med stael og saman hafa tau her siglt ollu a bolakaf.

Ad minum domi er Ingibjorg Solrun algerlega vonlaus stjornandi og hefur i tessu stjornarsamstarfi algerlega utmalad sig sem einraedis stjornmalaforingi.

Foringi eins og hun sem heldur mjog mikilvaegum upplysingum leyndum fyrir fagradherrum sinum, svosem 6 krisufundum sem hun sat med bankastjorn Sedlabankans fra februar og fram a sumar, er algerlega ohaefur foringi.

Foringi sem hefur ekkert fram ad faera annad en ad koma okkur i ESB med godu eda illu er ekki treystandi til ad gaeta hagsmuna tjodarinnar gagnvart tessu sama valdi eda erlendum rikjum, tad syndi sig ad hun hvatti til tess ad gengid yrdi ad ollum krofum Breta og Hollendinga og tad var gert, an tess ad sjalfsagdur rettur okkar til ad koma teim malum fyrir logformlega altjoda domstola vaeri virrtur, allt ad krofu ESB valdsins ! 

Tetta vou ICE-SLAVE samningar Ingibjargar Solrunar og teir Versalasamningar munu tegar upp verdur stadid reynast okkur dyrir, tessum svikum Samfylkingarinnar verdur ekki gleymt ! 

Foringi sem i longum addraganda hrunsins gerdi ser enga grein fyrir alvarleika malsins og hundsadi med ollu vidvaranir sem barust ur ollum attum en tess i stad hentist hun a fundi utum allan heim a SAGA CLASS og i einkatotum elitunnar sjalfrar a svona medvirknisfyllerii til ad lofsyngja bankana og utrasarvikingana.  

A sama tima leyfdi hun ser a hrokafullan og yfirlaetislegan margsinnis ad gera litid ur logformlegum gjaldmidli landsins, taladi hlaejandi um "onyta kronu" og svona ESB bla bla bla og framvegis.    

Foringi eins og Ingibjorg Solrun er yfirmata hrokafull og neitar ad hlusta a folkid i landinu og meira segja hlustar hun heldur ekki a folkid i flokknum sinum.

INGIBJORG SOLRUN GISLADOTTIR ER ALGERLEGA OHAEFUR LEIDTOGI SEM AETTI AD SEGJA AF SER STRAX !

[Axel Jóhann Hallgrímsson, 23.11.2008 kl. 15:52]

Það sem ynnist með kosningum, væri fyrst og fremst sú staðreynd að stjórnin sem mynduð yrði í framhaldinu hefði umboð þjóðarinnar að ganga til þeirra verka sem framundan eru. Ef S og D mynda þá stjórn, gott og vel, en hún hefði þá fengið til þess umboð.

Uppi er gerbreytt staða og verkefnin önnur og ólíkt erfiðari en við blasti við síðustu kosningar og því hefur núverandi stjórn fráleitt þetta umboð, hvernig sem menn reyna að afbaka og snúa út úr könnunum og röddum kjósenda þar um.

Nýja slagorð ISG er tvíbent sverð í sléttubandahætti.

[Sigurður Þórðarson, 23.11.2008 kl. 15:52]

Nú hefur það verið upplýst að seðlabankinn varaði Ingibjörgu Sólrúnu og Geir Haarde 6 sinnum við bönkunum frá því í febrúar án þess að þau brygðust við. Ingibjörg ákvað þó að kynna sér ættflokkadeilur í Afganistan en sem betur fer mistókst henni að koma landinu í öryggisráðið. Vöru þau brunaverðir eða brennuvargar?  Alþjóðasamfélagið er nú að lána okkur gríðarlega fjármuni til að koma krónunni af stað og ríkisstjórnin þykist róa að því öllum árum ásamt vinaþjóðum okkar að auka tiltrú á krónunni.  þá koma ungir samfylkingamenn og "kasta krónunni" Samfylkingin rær ekki í takt, hún rær á móti hagsmunum Íslands.       Er Samfylkingin  tjónvaldur eða slysavarfélag?

Áfram íslenska þjóð - burt með spillingarliðið!

[Ásts B (IP-tala skráð) 23.11.2008 kl. 17:01]

Sæl Ólína

Mikið er ég glöð fyrir þína hönd að þér líður betur , þá veit maður hvar hjarta ykkar slær.  Hjá flokkunum ykkar.

Mér líður hins vegar mun verr.

Hvernig gátu ráðherrar Samfylkingarinnar sofið svona á verðinum þrátt fyrir viðvaranir?

Hvernig dettur ykkur í hug að almenningur, fólk eins og ég , trúi ,að þið ætlið allt í einu að fara að hugsa um fólkið í landinu , allt í einu núna?

Þið voruð kosin til að hugsa um fólkið í landinu en gerðuð það ekki.

Síðan notaði einn fundargesta orðið "eindrægni" það minnti mann bara á Sjalla í Reykjavík fyrir ári .

[Óskar Helgi Helgason (IP-tala skráð) 23.11.2008 kl. 17:12]

Komdu sæl; Ólína !

Þú - Sævar Helgason - Ingólfur H Þorleifsson og Hólmfríður Bjarnadóttir; hljótið, að lifa í einhverju öðru sólkerfi, en við hin.

Vil þakka; Héðni Björnssyni - Sigurði Þórðarsyni, ásamt öðrum þeim, sem hafa verið, að reyna að opna augu ykkar hinna, Ólína mín, fyrir þeim váboðum, hverjir við Íslands strendur dvelja, og það;; af mannavöldum, vel að merkja.

Ég trúi því ekki; fyrr en ég tek á, að þú lofsyngir þessa skjátu, frænku mína; Ingibjörgu Sólrúnu Gísladóttur, frá Haugi í Gaulverjabæjarhreppi, eins og þú lætur í veðri vaka. Við; frændgarður hennar, flest, höfum megnustu skömm á þessarri manneskju, og hversu hún er auðsveip illmenninu Geir H. Haarde, og hirð hans, svona álíka geðþekk persóna, og Lómatjarnar kerlingin, Valgerður Sverrisdóttir, hver fær lítt dulið, hrifningu sína, á frjálshyggju hringekju ykkar kratanna, í Samfylkingunni, og þeirra Sjálfstæðismanna.

Mikið óskaplega; hlýtur Hannes Hólmsteinn Gissurarson, að vera stoltur, af þessarri breiðfylkingu mestu niðurrifsafla Íslandssögunnar, um margra alda skeið, Ólína mín.

Með ærið stuttaralegum kveðjum, en kveðjum þó, úr Árnesþingi /

Óskar Helgi Helgason     

[Óskar Helgi Helgason (IP-tala skráð) 23.11.2008 kl. 22:20]

Komið þið sæl; sem fyrr !

Ylfa ! Reyndu; að setja þig í spor samlanda okkar, sem illmenni Sjálfstæðisflokks og Samfylkingar; að ógleymdum Framsóknarflokknum, hafa traðkað á, og nú; með afgerandi hætti, notið liðveizlu ''útrásar'' draslaranna, hverjir upphafnir hafa verið, fram til þessa, af ofannefndum flokkum.

Líkast til; ertu (skv. mynd þinni) ung og óreynd snót, Ylfa mín, og vil ég því ekki skattyrðast við þig, hvar ójafn kynni leikur að verða, og lítt til fremdar, okkur hvorugu, sem vart yrði við að búast, að nokkru.

Með ágætum kveðjum, að þessu sinni, úr Árnesþingi /

Óskar Helgi Helgason   

[Ólína Kjerúlf Þorvarðardóttir, 23.11.2008 kl. 22:38]

Já, það eru vissulega erfiðir tímar og margir reiðir. Ég skil það - ég er sjálf fjúkandi vond. Það er rétt til getið hjá síðasta ræðumanni að mér lá ýmislegt á hjarta á flokksstjórnarfundinum, og var ekki ein um það.

En eitt ergir mig svolítið í þessari umræðu. Og það er hvernig krafan "burt með spillingarliðið" hefur verið tekin og yfirfærð á nánast hvað sem er. Ég átti upptökin að þessu slagorði. Mér er rammasta alvara með þessum orðum, og þess vegna er mér ekki sama hvernig þau eru notið. Pólitísk ábyrgð er eitt - spilling er annað. Athugið það.

Ég geri skýran greinarmun á því þegar ráðamenn og stjórnendur bankanna beita áhrifum sínum til mismununar, til dæmis með því að fella niður skuldaábyrgðir valinna starfsmanna vegna hlutabréfakaupa (sem er hrein og klár spilling) - eða þegar fagráðherra verður að horfast í augu við mistök eða að eitthvað hafi farið úrskeiðis á hans vakt.

Burt með spillingarliðið er setning sem hefur þýðingu í mínum huga - hún er ekki bara eitthvert gaspur út í loftið. Og því segi ég enn sem fyrr og meina það af öllu  hjarta: Það á að losa þjóðina við stjórn Seðlabankans og yfirstjórn fjármálaeftirlitsins því þessir aðilar bera faglega ábyrgð, þeir gerðu mistök. Hinsvegar á að losa þjóðina við gömlu stjórnendurna í bankakerfinu því þeir gerðust sekir um "ofsaakstur" í fjármálakerfinu og spillingu (m.a. skuldaniðurfellingarnar). Það á líka að losa þjóðina við þá ráðherra sem nutu góðs af þessari spillingu og/eða tóku þátt í henni með beinum eða óbeinum hætti.

En í öllum bænum - látum orð hafa merkingu. Ekki gaspra bara eitthvað út í loftið.

Já, og: Burt með spillingarliðið!

[Ásta Björnsdóttir (IP-tala skráð) 23.11.2008 kl. 23:08]

Sæl aftur

'Eg ætla bara að taka það fram að ég var ekki að tala beint til Ólínu þegar ég talaði um "þið" .  Ég var að tala um samfylkingarfólk sem situr í ríkisstjórn núna.

(Og ég held að þú Ylfa sért vísvitandi að misskilja mig en skítt með það.)

Fólkið sem hefur haft tækifæri núna í ca.18 mánuði að breyta til í þessu landi og gerði það ekki.

Ingibjörg Sólrún var vöruð við á vordögum, hún lét hjá leggjast að láta samflokksmann sinn og bankamálaráðherra vita (amk hefur það komið fram í fréttum og bankamálaráðherran kom af fjöllum þegar farið var að spjalla um þessa fundi sem Geir og Ingibjörg höfðu átt með DO). Ber þetta vott um umhyggju fyrir fólki í þessu landi?

Í mínum huga ber þetta vott um vítavert kæruleysi.

Ég veit ekki hvað var sagt á þessum fundi ykkar og ég fæ bara að heyra "pepp" ræðu Ingibjargar sem virkaði eins og köld vatnsgusa fram í mig.  Ingibjörg hefði eins getað sagt mér að fara í rass og rófu. Ég og mín fjölskylda skiptum ekki máli. 

 'Eg mun ekki vera búin að gleyma þegar þingmenn fara að koma á minn vinnustað og gera sig mjúka fyrir næstu kosningar

'Eg bið afsökunar á því að geysast hér inn á athugasemdakerfi Ólínu og blása úr mér.  Ég er ekki meðlimur í neinum stjórnmálaflokki og get ekki farið á neina flokksstjórnarfundi til að láta mína veiku rödd heyrast.  Ég hef heldur ekki hug á því að ganga í neinn flokk vil vera algjörlega óháð stjórnmálaflokkum og sérstaklega núna þegar alþingismenn hafa brugðist þjóð sinni svona óskaplega .

Það eina sem ég get er að kjósa þegar það er í boði og mæta þess á milli á mótmælafundi og borgarafundi.

Burt með spillingarliðið hvar í flokki sem það stendur og ef aðrir í Samfylkingunni eru sammála þessu og þá sérstaklega þeir sem eru í ríkisstjórn, þá

 afhverju er DO enn í Seðlabankanum?

afhverju er Jónas Fr og co enn í FME?

afhverju eru sömu menn að vasast í bönkunum og áður?

(ég sendi reyndar fyrir nokkrum vikum fyrirspurn um þetta til Björgvins G , hann kaus að skilja ekki hvað ég var að fara)

afhverju er Árni Matt enn fjármálaráðherra?

afhverju er Þorgerður Katrín enn menntamálaráðherra og hennar maður enn háttsettur í Kaupþingi?

afhverju sitja þau Geir og Ingibjörg enn þrátt fyrir að hafa vitað að fall var framundan og af hverju   vöruðu þau okkur ekki við?

Af hverju hefur enginn verið látinn taka pokann sinn?

 Ég gagnrýni Samfylkinguna vegna þess að þau komu fersk inn í stjórn og margir bundu miklar og þá segi ég miklar vonir að nú myndi eitthvað breytast en hvað gerðist?  Hver var að ráða vinkonu sína sem sendiherra núna fyrir nokkrum dögum?

Enn og aftur afsakaðu Ólína ef ég hef móðgað þig með þessu og ég meina það virkilega, að það er gott að þér líður betur en ég er enn reiðari en nokkru sinni fyrr.

Kveðja

[Ólína Kjerúlf Þorvarðardóttir, 23.11.2008 kl. 23:55]

Sæl Ásta - þú þarft ekkert að biðjast afsökunar á skoðunum þínum hér, enda móðgaðir þú mig ekki. Þvert á móti skil ég þig mætavel og er sammála býsna mörgu af því sem þú segir.

Bestu kveðjur.

[Gísli Baldvinsson (IP-tala skráð) 24.11.2008 kl. 09:43]

Tók mynd af þér í ræðustól. Öflug og góð ræða.  gb

[Ólína Kjerúlf Þorvarðardóttir, 24.11.2008 kl. 12:06]

Ætlarðu að senda mér hana Gísli? [e-mail]

[Sigurður M Grétarsson, 24.11.2008 kl. 13:12]

Ég var líka á þessum flokkstjórnarfundi en þurfti því miður að fara af honum þegar kaffihlé var og missit þar með af mörgum ræðum og þar á meðal þinni (Ólínu). Hefði reyndar viljað tala sjálfur en var ekki viss um að verða komin að áður en ég þyrfti að yfirgefa fundinn og sleppti því þess vegna.

Ég verð að segja það að mér fannst ræða Ingibjargar mjög góð en mér fannst ræða Árna Páls Árnasonar um Evrópusambandið enn betri og skil ekki í skipuleggendum fundarins að vísa fjölmiðlum út áður en hann flutti hana. Ég vona að það sé í lagi að setja slóðina á hana á heimasíðu hans hér. http://www.arnipall.is/greinalisti.php?id_teg=0

Ég er sammála þeim, sem vilja fá kosningar eins fljótt og hægt er án þess að það tefji fyrir björgunaraðgerðum. Menn verða að hafa það í huga að ekki er alltaf skynsamlegt að skipta um hest í miðri á þó annar betri bjóðist. Þá er oft betra að bíða með slíka skiptingu þangað til komið er upp á árbakkann. Ég tel hins vegar að stjórnvöld ættu að taka ákvörðun um tímasetningu kosninga og kynna hana núna jafnvel þó talsverður tími sé í þá dagetningu. Það ásamt því að reka Davíð úr Seðlabankanum myndi róa mjög marga. Ég tel að heppilegasti tíminn fyrir kosningar sé í haust og þá helst í september.

Ég sé nokkra kosti við þá dagsetningu.

Í fyrsta lagi eru björgunaraðgerðir þá komnar vel af stað og eitthvað farið að reyna á þær. Kjósendur hafa þá væntanlega eitthverjar forsendur úr að moða gagnvart þeim, sem vilja halda áfram á sömu braut og þeim, sem vilja fara aðrar leiðir.

Í öðru lagi þá færi kosningabaráttan að mestu fram næsta sumar þegar Alþingi er hvort eð er ekki starfandi og þar með myndi truflun á starfi Alþingis vera í lágmarki. Með þessu væri reyndar sumarfrí haft af Alþigismönnum og öðrum frambjóðendum en sennilega verða ansi margir að sleppa sumarfíi á næsta ári.

Í þriðja lagi tel ég að það að hafa kosningar framundan alveg á næsta leyti muni freista stjórnvalda til að fara meira út í skammtímaaðgerðir frekar en aðgerðir, sem laga ástandið til lengri tíma, til að líta betur út á kjördag. Ég tel minni hættu á því ef kosningar verða ekki fyrr en eftir níu til tíu mánuði heldur en ef þær verða alveg á næstunni þó vissulega séu níu til tíu mánuðir ekki langur tími. Hins vegar tel ég að þolinmæði þjóðarinnar nái ekki lengur aftur í tíman með að bíða eftir kosningum.

Ég tel líka að kosningar í haust gætu verið ákveðin málamiðlun milli þeirra, sem vilja að stjórnin sitji út kjörtímabilið og þeirra, sem vilja kosningar strax.

[Ólína Kjerúlf Þorvarðardóttir, 25.11.2008 kl. 00:19]

Ég lýsi mig sammála síðasta ræðumanni.

[Rómverji (IP-tala skráð) 1.12.2008 kl. 21:02]

Eftirlaunaóþverran á að endurtaka en ekki afnema. Það er öllum sem vilja sjá augljóst mál. 

Blekkjum hvorki sjálf okkur né aðra. Verum alvöru jafnaðarmenn. Ekki bara froða og past:

http://dagskra.ruv.is/streaming/ras1/?file=4450830 

[Rómverjir (IP-tala skráð) 1.12.2008 kl. 21:07]

Afsakið fyrra innlegg. Það var skrifað í geðshræringu (mig dreymdi um annars konar jafnaðarmannaflokk). Þetta átti að vera svona: 

Eftirlaunaóþverrann á að endurtaka en ekki afnema. Það er öllum sem vilja sjá augljóst. 

Blekkjum hvorki sjálf okkur né aðra. Reynum að vera alvöru jafnaðarmenn. Ekki bara froða og plast: 

http://dagskra.ruv.is/streaming/ras1/?file=4450830