Dómgreindarleysi

ValtýrSigAð Valtý Sigurðssyni ríkissaksóknara og Boga Nilssyni, fyrrverandi ríkissaksóknara skuli koma til hugar að þeir séu ekki vanhæfir til þess að "safna gögnum" og undirbúa rannsókn sem gæti beinst að sonum þeirra beggja, er með ólíkindum. Sigurður Valtýsson er forstjóri Bogi NilssonExista, Bernharð Bogason er framkvæmdastjóri lögfræðisviðs Stoða. Þessi tvö fyrirtæki eru - fyrir utan bankana - þau sem hvað oftast koma til tals þegar fjármálahrunið ber á góma, enda hvort tveggja útrásarfyrirtæki með rík tengsl við Kaupþing og Glitni.

bjornavigrip Að dómsmálaráðherra skuli koma til hugar að feðurnir, Valtýr og Bogi, séu best til þess fallnir að svo stöddu til að meta eigið hæfi í þessu sambandi - er sömuleiðis með ólíkindum, sérstaklega í ljósi þess að þeim er ætlað að safna gögnum og leggja grunn að rannsókn málsins. Ríkissaksóknari talar eins og þetta skipti litlu eða engu máli - ekki sé verið að taka skýrslur af mönnum, enginn sé orðinn sakborningur sem stendur. Halló! Ætli það gæti þá ekki ráðist af gagnaöflun feðranna hvort synirnir lenda í þeirri stöðu??

Þetta nær auðvitað engri átt. Og að dómsmálaráðherra skuli veita þessum tveimur heiðursmönnum sjálfdæmi í því hvort þeir telja sig vanhæfa eða ekki með þeim orðum að fáir eða engir þekki betur vanhæfisreglurnar ... það er eins og að reka fingurinn framan í alþjóð.

Það er fyrirsláttur að halda því fram að á Íslandi finnist ekki nokkur maður án tengsla við einhvern hlutaðeigandi. Sé það tilfellið þá á að fá erlenda aðila til að stjórna þessari rannsókn - en ekki bara "aðstoða" við hana.

En að ætla tveimur háttsettum embættismönnum að leggja með gagnaöflun grunn að rannsókn sem beinst gæti að sonum þeirra - lykilmönnum í fjármálastofnunum sem hafa tengsl við fallna banka -  það er fullkomið dómgreindarleysi.

Slík "rannsókn" yrði aldrei hafin yfir nokkurn vafa. Angry

 


mbl.is Álíta sig hæfa til að rannsaka syni sína
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jakobína Ingunn Ólafsdóttir

Þessi frétt sýnir svo ekki verði um villst að það eina sem er í spilunum er að hreinsa rækilega til í stjórnaráði og á alþingi. "Þetta fólk" ber ekki snefil af virðingu fyrir alþjóð og skynjar sjált sig sem almáttugt og óbrigðult. Það er fast í þessum viðjum og ætti aldrei að fá að koma nálægt ábyrgð af nokkru tagi.

Jakobína Ingunn Ólafsdóttir, 30.10.2008 kl. 10:37

2 Smámynd: Sævar Helgason

Er ekki nákvæmlega það sem öllu máli skiptir- að erlendir aðilar stjórni málum. Nú stjórnar Alþjóðagjaldeyrissjóðurinn í Seðlabankanum- annað var óviðunandi þar eins og málum var komið.   Nákvæmlega ekkert mark verður tekið á innlendri rannsókn í bankahruninu.  Erlenda aðila strax til starfa og stjórnunar.

Sævar Helgason, 30.10.2008 kl. 10:48

3 identicon

Sammála sammála. Bloggaði svipað. kv gb

Gísli Baldvinsson (IP-tala skráð) 30.10.2008 kl. 11:06

4 identicon

Þetta er auðvitað með ólíkindum - en því miður hefur þetta viðgengist á þessu blessaða landi okkar um aldur og ævi  og það get ég svarið að ég er ösku ösku  ill.

Svei mér þá ef landið ætti ekki bara að fara undir krúnu hennar hátignar í Danaveldi aftur og halda sér þar - við erum hvort eð er búin að glata öllu okkar sjálfstæði, bæði á miðum og til sveita.

Hafdís Joð. (IP-tala skráð) 30.10.2008 kl. 13:49

5 Smámynd: Rut Sumarliðadóttir

Rut Sumarliðadóttir, 30.10.2008 kl. 14:10

6 identicon

Algjört hneyksli

Big Mama (IP-tala skráð) 30.10.2008 kl. 15:49

7 Smámynd: Greta Björg Úlfsdóttir

Þetta er með því fáránlegra sem maður hefur heyrt. Algjört hneyksli!

Greta Björg Úlfsdóttir, 30.10.2008 kl. 18:24

8 Smámynd: Greta Björg Úlfsdóttir

Út af tillögu Hafdísar J. - kíkið á þennan umræðuþátt á NRK. - Þarna er einn herranna á því að við tileyrum "rett og slett" Noregi eftir lán frá þeim - en er að vísu sakaður um ýkjur...

Greta Björg Úlfsdóttir, 30.10.2008 kl. 19:01

9 Smámynd: Gísli Már Marinósson

Þetta bara sýnir í hverskonar bananalýðveldi við búum

Gísli Már Marinósson, 30.10.2008 kl. 21:31

10 Smámynd: Þorsteinn Ásgeirsson (Icerock)

Ef ætti að dæma mig fyrir glæp og ég mætti velja saksóknara veldi ég Pabba !

Þorsteinn Ásgeirsson (Icerock), 30.10.2008 kl. 23:53

11 identicon

Enn er til fólk sem trúir því að gerð verði alvöru rannsókn, eða skrifuð verði heiðarleg hvítbók, að menn verði látnir sæta ábyrgð, að brotlegir verði sóttir til saka. Það verður ekki. Í það minnsta hef ég nákvæmlega enga trú á því.

Á Nýja Íslandi þyrfti allt að vera gegnsætt. Minnsta vafa þyrfti að eyða strax á svipaðan hátt og deildarstjóri hjá BBC gerði útaf brandara. Hér eru tveir menn skipaðir í rannsóknarstörf þrátt fyrir augljóst vanhæfi. Kona sem týnir hlutabréfunum sínum stýrir banka. Maður innviklaður í IceSlave er háttsettur í öðrum. Árni Johnsen situr á þingi og ekki hvarflar að Davíð að standa upp úr stólnum sínum. Og hann kemst upp með það.

Hvar finn ég eitthvað sem færir mér trú á úrbætur? Það eina sem kveikt gæti týru er ef núna væru boðaðar  kosningar strax eftir áramót og allir flokkar þannig knúðir til að marka sér stefnu um Nýja Ísland. Strax vegna þess að ef kosningabaráttan fer fram í ólgunni sem nú ríkir er smá von til þess að hagsmunir háttvirtra kjósenda fá nauðsynlegt vægi. Ekki hagsmunir fjármagnsins eingöngu.

Gestur H (IP-tala skráð) 31.10.2008 kl. 00:53

12 Smámynd: Greta Björg Úlfsdóttir

Tek heilshugar undir allt sem Gestur segir hér á undan.

Greta Björg Úlfsdóttir, 31.10.2008 kl. 00:59

13 Smámynd: Helgi Jóhann Hauksson

Fátt sem undirstrikar betur mikilvægi þess að kalla til erlenda aðila en einmitt þetta tilvik og þessi tengsl.

Helgi Jóhann Hauksson, 31.10.2008 kl. 01:14

14 identicon

Björn er vísvitandi að eyðileggja yfirvofandi (alvöru) rannsókn með þessu klóri.  Það sér hver heilvita maður að þetta er tilraun til þess að skemma sönnunargögn og afvegaleiða umræðuna

Teitur Atlason (IP-tala skráð) 31.10.2008 kl. 07:56

15 identicon

 
 

Sigríður Eggertsdóttir (IP-tala skráð) 31.10.2008 kl. 09:50

16 Smámynd: Baldur Gautur Baldursson

Ólína!  Ég er hjartanlega sammála þér!  Þetta er svo skítlegt, svo ógeðfellt og viðbjóðslega lyktina leggur af öllum vinnubrögðum þessarar ríkisstjórnar að mig furðar helst hvers vegna engum Íslendingum dettur í hug að storma niður á Austurvöll og taka völdin. Mér óar við hvernig ÞRÆLSLUNDIN sem greinilega er Íslendingunum svo eiginleg, getur látið ÞETTA SUKK viðgangast. 

Baldur Gautur Baldursson, 31.10.2008 kl. 12:14

17 Smámynd: Greta Björg Úlfsdóttir

Baldur, víst dettur fólki í hug að storma á Austurvöll, hvar hefur þú verið maður? Undanfarna laugardaga hefur verið mótmælt þar kl. 15. Þú ættir að slást í hópinn!

En bylting, tja, yrði það ekki bara til að auka á glundroðann...hver yrði þá við völd?

Greta Björg Úlfsdóttir, 31.10.2008 kl. 12:41

18 Smámynd: Greta Björg Úlfsdóttir

Hvaða furðufugl á nú þetta síðasta komment...?

Greta Björg Úlfsdóttir, 1.11.2008 kl. 13:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband