Kræst! Svo var engin útsending!

Mogginn búinn að taka viðtal, allar konurnar búnar að blogga - ég líka auðvitað - um nýja þáttinn minn. Mamma og Jón föðurbróðir (bæði 82ja)  búin að hringja og fá greinargóðar upplýsingar um það hvernig þau næðu stöðinni - og hvað svo? Þeir sem römbuðu með einbeittum vilja á rás 20 á myndlykli Digital Ísland klukkan níu í kvöld (og það voru allmargir miðað við hringingarnar sem ég fékk), fengu þessi skilaboð á skjánum: "Við verðum því miður að stöðva útsendingu ÍNN þar til tæknin er hætt að stríða okkur. Vinna við lagfæringar stendur yfir"

Enginn þáttur - ekki einu sinni útsending. Mamma fór fýluferð til Sögu dóttur minnar að horfa á þáttinn. Já, og konurnar sem voru í þættinum hjá mér - sumar voru komnar í matarboð til ættingja sem höfðu aðgang að digital Ísland. Og hvað? "Við verðum því miður að stöðva útsendingun ÍNN þar til tæknin er hætt að stríða okkur. Vinna vil lagfæringar stendur yfir" hvað? Komið fram á rauðanótt og enn standa "lagfæringar" yfir.

Kræst:  Þvílíkt "comeback" 

Athugasemdir

[Magnús Geir Guðmundsson, 20.10.2007 kl. 02:12]

þetta var þvílíkur "feill",

þú ert í kinnum rjóð

En fallið er fararheill,

frú mín Ólína góð!

[Ólína Kjerúlf Þorvarðardóttir, 20.10.2007 kl. 02:21]

 Hmmfff .... takk samt (allavega) fyrir vísuna. 

[Jenný Anna Baldursdóttir, 20.10.2007 kl. 02:44]

Var búin að gera og græja afruglarann hér um hádegi í dag og minn heittelskaði var á vaktinni að bíða eftir útsendingunni sem aldrei kom og hann bíður enn. Okokok, smá ýkjur en þetta var þunnur þrettándi.  Annars má segja "fall er fararheill" en ég ætla ekki að gera það af því að mér finnst það svona álíka mikil huggun og hundalógík eins og "undantekningin sannar reglulna" og nú er komið að mér að segja KRÆST.

En ég, hinsvegar, trúi því að góðir hlutir séu þess verðir að bíða eftir þeim.

Yfir til þín.

GN.

[Georg Eiður Arnarson, 20.10.2007 kl. 10:33]

Með svona byrjun, þá er það eingin spurning þessi þáttur á eftir að slá í gegn svo um munar. kv.

[Jóna Á. Gísladóttir, 20.10.2007 kl. 12:28]

Ólína við hlæjum nú bara að þessu. Hvort sem fall er fararheill eða ekki þá hefur þetta bara skapað umfjöllun og vangaveltur . Áhorfið verður tvöfalt á við það sem annars hefði orðið, þegar að þessu kemur. Eigðu virkilega góða helgi.

[Sigurður Þór Guðjónsson, 20.10.2007 kl. 14:09]

Æ, æ!

[María Anna P Kristjánsdóttir, 20.10.2007 kl. 14:47]

Það verður enn meiri spennandi að sjá þáttinn,þegar að því kemur,þetta eru bara smá tækimistök.

[Jóhanna Magnúsar- og Völudóttir , 20.10.2007 kl. 14:58]

Úff, spæling - minnir á fyrstu ár sjónvarpsins þegar búið var að bjóða gestum í heimsókn að horfa á Dýrlinginn og fjölskyldan ásamt gestum horfðum á ,,AFSAKIÐ HLÉ" allt kvöldið!

[Huld S. Ringsted, 20.10.2007 kl. 15:00]

Ég var ein af þeim mörgu sem biðu spennt eftir því að sjá bloggvinkonur í spjallþættinum! en veistu hvenær hann verður sýndur?

[mums (IP-tala skráð) 20.10.2007 kl. 17:08]

Ergelsi ,svekkelsi..

Jóna var búin að segja að hægt væri að horfa á netinu og ég er búin að leita og leita. Þetta eru svo spennandi konur sem þú ætlaðir að tala við Ólína.

Ég bíð bara spennt eftir að þetta verði sett á netið!! Ég reikna með því að tækniundrin lagi þetta. Baráttu kveðjur!!!

[Gísli Bergsveinn Ívarsson, 21.10.2007 kl. 23:28]

Æi, verðum við ekki að segja að fall sé fararheill?