Baráttufundur í Hömrum kl. 14:00

Það verður baráttufundur í Hömrum á Ísafirði í dag (sunnudag) kl. 14:00.

Vestfirskir borgarar munu þar eiga orðastað við sína fulltrúa á þingi og í sveitarstjórnum um stöðu mála hér fyrir vestan, búsetu- og atvinnuhorfur. Ég hef verið að tjá mig um þessi mál hér á bloggsíðunni og í blöðunu að undanförnu - og það sýður á mér enn. Sérstaklega þegar ég hugsa um öll loforðin sem gefin hafa verið þessum landshluta í aðdraganda kosninga, allan fagurgalann í byggðaáætlunum og vaxtasamningum - úff!

 Ég segi bara eins og fleiri, það er tímabært að þjóðin og ráðamenn hennar geri það upp við sig hvort eigi að vera byggð í landinu eða ekki. Og ef það á að vera byggð - að gera þá það sem þarf til að hún fái þrifist.

Vona að það verði góð mæting - en veðurspáin er slæm þannig að það horfir ekkert sérlega vel með flug. Við sjáum hvað setur.

 

Lifi Vestfirðir!

Athugasemdir

[Ásthildur Cesil Þórðardóttir, 10.3.2007 kl. 22:00]

Ég mæti allavega. Og vonandi verða Hamrar nógu stórir fyrir fundinn.  Eitthvað segir mér að það hefði ekki veitt af íþróttahúsinu Ólína mín.

[Gerður (IP-tala skráð) 11.3.2007 kl. 14:10]

Já vona að það komi eitthvað út úr þessu.  Það væri nú ekki verra ef maður hefði möguleika á að fá vinnu við sitt hæfi heima þegar háskólanámi er lokið