Misvísandi fréttir af verðhækkun áfengis

Fréttir eru misvísandi af verðhækkun á áfengi og tóbaki. Hér er talað um 12,5% hækkun áfengisgjalds - í þessari frétt á ruv.is segir hinsvegar að léttvín muni hækka um 75% og sterk vín um 40%. Fær þetta staðist?

Ef svo er, þá segi ég nú bara eins og kallinn: Vínið er orðið svo dýrt að maður hefur ekki efni á að éta lengur!

Áfengisverð hækkar ekki strax

Athugasemdir

[Ben.Ax. (Benedikt Jóhannes Axelsson), 12.12.2008 kl. 16:04]

Ég minnkaði drykkjuna um 5% í morgun í tilefni dagsins.

[Þorsteinn Briem, 12.12.2008 kl. 16:22]

"Bjór (500 ml 5%) hækkar um 5,8% (úr 242 krónum í 256)." Semsagt um fjórtán kall dollan.

Kynlegur fjórtán kall,
í kreppunni fór á svall,
lét sig hafa það,
Löwenbrau bað,
á Visa rað í honum vall.

[Sævar Helgason, 12.12.2008 kl. 19:47]

Já þær eru erfiðar þessar hækkanir- eða eins og karlinn sagði forðum þegar uppáhalds bensínstöðin hans snarhækkaði bensínið einn daginn:

"Heldur keyri ég bensínlaus en að versla við þessa andskota "

Fólks bregst misjafnlega við , verðhækkunum.

[Gylfi Björgvinsson, 12.12.2008 kl. 19:55]

Töluverðar líkur á að kallinn hafi rétt fyrir sér í þessu Ólína

[sigurvin (IP-tala skráð) 12.12.2008 kl. 22:21]

Áfengisgjaldið er ákveðin krónutala á hvern sentilíter sem hækkaði um 12,5% Krónutöluhækkunin er því meiri eftir því sem flaskan er stærri og % hækkunin meiri eftir því sem vínið er ódýrara. Svo þarf að reikna krónutöluna yfir í % og þá er hægt að fá allt að 75% hækkun á álagningunni. Bölvuð steypa og ekki skýra fjölmiðlarninr þetta út.

Annar sagði: "Frekar hætti ég að drekka en að fara í einhverja ansk. meðferð"

[Helga Kristjánsdóttir, 13.12.2008 kl. 03:00]

Það verður keypt,þrátt fyrir hækkun. Á árum áður flutti djúpbáturinn Fagranesið,(oftast kallað brennivínsnesið) brjóstbirtuna til Þingeyrar frá Ísafirði.   Sótti oft pakka fyrir bróður minn,fékk túkall fyrir og annan fyrir að þegja,gaman að lesa bloggin þín og "mæna" á myndina af höfuðstað vestfjarða.        

[Gummi Kalli, 13.12.2008 kl. 14:22]

Sæl Ólína, það sem RÚV fréttin er að segja er að álögur ríkisins hækkar um 40% og 75% sem hefur þau áhrif að heildarverð áfengis hækkar um 12.5%. Ég vona að þessi ríkistjórn fari að átta sig á þvi að það borgar sig ekki alltaf að hækka verð til að hala inn meiri pening. Þessi hækkun gæti haft þveröfug áhrif og orðið til þess að drykkja á löglegu víni minkar. Það getur aukið álag á heibrygðisstofnanir og minni sala þíðir augljóslega minni tekjur. Gæti jafnvel minkað tekjur niður fyrir það sem hækkunin átti að skila inn.

[Kolbrún Hilmars, 13.12.2008 kl. 15:13]

Dýrasta vínið hækkar minnst, s.s. eðalkoníak aðeins um rúm 4%, hin ódýrari allt að 10% -  það er að segja aðalneysludrykkir pöpulsins.

Gárungarnir segja að ástæðan sé sú að hinir nýríku fjármálamenn hafi orðið fyrir svo miklu "tapi" undanfarið að ekki sé á þá bætandi að missa koníaksdreitilinn líka. 
Sel það hins vegar ekki dýrara en ég keypti...

[Gummi Kalli, 13.12.2008 kl. 15:47]

Mig langar að vekja athygli að á bloginu mínu má nálgast allar upplýsingar um verðhækkanir á áfengi:

http://gummikalli.blog.is/blog/gummikalli/entry/743660/

Það sjást allar verðhækkanir frá 31 OKT til 12 DES það verður svo gaman að bera upplýsingarnar saman við þær hækkanir sem eru boðaðar.