Notum málfrelsið: Burt með spillingarliðið!

Hvað getum við gert? Spyr fólk hvert annað þessa dagana, agndofa yfir því ástandi sem skapast hefur í samfélaginu eftir bankahrunið. Agndofa yfir þeim upplýsingum sem berast um spillingu, misbeitingu valds og aðstöðu, meðvirkni, græðgi, óréttlæti ... ég gæti þulið hér upp langan lista.

Já, hvað getum við gert? Við höfum málfrelsi. Við getum notað það. Við eigum að nota það. 

Fyrr í dag sendi ég bréf til bloggvina minna þar sem ég bið þá að sameinast í einni kröfu - kröfu sem verði aukasetning í öllum fyrirsögnum þeirra á blogginu nú á næstunni, og þeirra lokaorð - hvert svo sem efni bloggfærslnanna er að öðru leyti: Burt með spillingarliðið!

Þannig að þegar ráðamenn þjóðarinnar, fjölmiðlafólk og aðrir, koma inn á moggabloggið, visi.is, eyjuna eða önnur bloggsvæði, þá blasi krafan við þeim hvert sem litið er.

Ég hef gert þetta nú í þrjá daga og ætla að halda því áfram i anda Katós gamla, að minnsta kosti út vikuna. Mér er nóg boðið eins og ótal fleirum. Mér til gleði sé ég að ýmsir hafa farið að dæmi mínu í dag.

Vona ég að fleiri taki undir með okkur næstu daga: 

Burt með spillingarliðið, hvar í flokki sem það stendur!

 

Athugasemdir

[Hallgrímur Óskarsson (IP-tala skráð) 5.11.2008 kl. 16:06]

Áfram Ólína! Skelegg að vanda.  Kveð með vísu

   Öll í villu veður öld
   vond er spilling gróða.
   Undir hillir ævikvöld
   ýmsra snilli þjóða.

[Villi Asgeirsson, 5.11.2008 kl. 16:08]

Var að bæta þessu við nýjustu færsluna.

[Ólína Kjerúlf Þorvarðardóttir, 5.11.2008 kl. 16:11]

Takk fyrir báðir tveir - og ekki síður fyrir góða hringhendu, Hallgrímur :)

Ég kveð nú ekki svo dýrt sem þú - enda yrki ég aldrei almennileg þegar ég er reið. Þessa barði ég þó saman um daginn:

Öll við bölvum efalaust
ástandinu,
enda komið hrímkalt haust
í hagkerfinu.

[Sigrún Jónsdóttir, 5.11.2008 kl. 16:14]

Mun hlýða þessu kalli Ólína

[Jón Snæbjörnsson, 5.11.2008 kl. 16:19]

jamm vissara að hlýða

[Guðrún Magnea Helgadóttir, 5.11.2008 kl. 16:32]

Eg ersvo undrandi a jafn gloggri fjolmidlakonu og tu ert ad tu hefur loksins nuna opnad augun fyrir spillingunni sem hefur trifist innan Altingismanna og teirra undirmonnum.

Rikisvaldid tok tjodareignir, bankana og afhentu ta einkavinum sinum an tess ad fa raunhaeft verd fyrir ta. Ta gafu framsokn og sjalfstaedismann faum utvoldum allar fiskveidiheimildir i eigu Islands...

Eg helt af fjolmidlamenn vaeru alltaf a verdi en letu ekki aratugi lida adur en teir fottudu hvad er ad ske...!

[Eggert Vébjörnsson (IP-tala skráð) 5.11.2008 kl. 16:38]

Tek heilshugar undir með þér Ólína og þakka fyrir skeleggan málflutning á góðri bloggsíðu.

Nú er það hinsvegar svo að það eru alls ekki margir sem þora að nota málfrelsið og nánast eins og flest fólk sé einhverjir svefngenglar. Enda vinna stjórnvöld grimmt í því að kæfa niður alla umræðu og það eina sem kemur fram af viti í gagnrýni á stjórnvöld og glæpahyskið er á blogginu og útvarpi Sögu. DV er jú nokkuð beinskeytt í sinni gagnrýni einnig en annars ríkir þögnin ein.

Nú furða ég mig á því að það eina sem er í gangi í sambandi við mótmælafundi og mótmælagöngur til að krefjast réttlætis og vitrænna aðgerða er að undirlagi örfárra einstaklinga.

Hvað veldur að samtök eins og ASÍ sem ættu að telja sér skylt að gæta hagsmunna íslenskrar alþýðu gera ekkert. Engar yfirlýsingar. Engar aðgerðir. Engar kröfur. Ekki neitt frá ASÍ!!!!

Sbr. þessa bloggfærslu mína og þá mynd sem að þar birtist varðandi tilgang ASÍ þá má segja að það sé stórundarlegt að ekkert heyrist frá því fólki í því mesta fári sem nokkurn tíman hefur steðjað að íslenskri alþýðu, íslensku launafólki, íslenskum heimilum.

Hvað veldur!!!

Burt með spillingarliðið!

[Ásdís Sigurðardóttir, 5.11.2008 kl. 17:24]

Áfram Ólína og við öll hin líka

[Sigurður Þór Guðjónsson, 5.11.2008 kl. 18:03]

Spillingarliðið er verkfæri Satans! Snúum huga vorum til Drottins!

[Jens Sigurjónsson, 5.11.2008 kl. 19:21]

Ég tek undir með þér Ólína.

Burt með spillingarliðið.

 Bestu Kveðjur.

[Guðjón Baldursson (IP-tala skráð) 5.11.2008 kl. 19:57]

Tek undir orð þín Ólina, við VERÐUM öll að standa saman og koma þessu liði frá, fyrr verður ekki friður í þjóðarsálinni. 

[Gísli Bergsveinn Ívarsson, 5.11.2008 kl. 22:58]

Stöndum saman - verum góð við náungann.

Nú skiptir meira máli að standa saman og hlúa að okkar nánustu.

Það skiptir meira máli en að hrópa að öðrum.

Byltingin étur börnin sín

[Nína S (IP-tala skráð) 5.11.2008 kl. 23:59]

Gott tillegg að nota eitthvað í líkingu við : Auk þess legg ég til að Karþagó verði lögð í eyði. Málfrelsi er gott að nýta í baráttunni. Ég held samt að fjöldamótmæli sé líka sterkt afl til að lýsa andúð fólks á hvernig tekið er á "hreinsunarmálum" og "uppbyggingu" hins nýja Íslands með öllum sínum "nýju vönkum" Að mörgu leyti tek ég undi með Eggerti að ASÍ ætti að koma að málinu með mótmælum af einhverju tagi. Getur verið að þar sé sama sagan og alls staðar, þ.e. að forkólfarnir eru með svo góð laun og í svo þægilegri stöðu að þeir hafi í raun og veru fjarlægst grasrótina og eigi erfitt með að setja sig í spor fátæks, vanmáttugs fólks sem treystir á sína verkalýðsleiðtoga til að berjast fyrir rétti þess á annan hátt en með einhverjum "þjóðarsáttasamningum" þar sem samið er um sömu andskotans lúsakjörin trekk í trekk? Spyr sá sem ekki veit.

[Nína S (IP-tala skráð) 6.11.2008 kl. 00:10]

Sá ásláttarvillu í stað "nýju vönkum" á auðvitað að vera "nýju bönkum"

Er enn á því að það er upplyfting að sjá myndbandið með John Lennon Power to the people  og Give peace a change á youtube, það vekur mann til umhugsunar um mátt fólksins og fjöldans 

[Sólveig Kristín Gunnarsdóttir, 6.11.2008 kl. 00:15]

Burt med spillingarlidid.

[Hallmundur Kristinsson, 6.11.2008 kl. 00:30]

Burt með spillingarliðið úr landi
sem labbar nú þvert yfir sviðið.
Best að sem víðast í blogginu standi:
Burt með spillingarliðið!

[Nína S (IP-tala skráð) 6.11.2008 kl. 02:35]

Og hvernig ætlum við að fara að þessu? Mín tillaga er uppstokkun á forgangsröðun ríkja. Hún gæti litið svona út:

1. Í forgangi yrði að tryggja jarðarbúum greiðan aðgang að vatni, mat, læknis- og heilbrigðisþjónustu. 2. Öryggi og friður ríkjandi og viðvarandi. 3. Menntun og fræðsla, bæði barna og fullorðinna í fyrirrúmi. 4. Afkomuöryggi fjölskyldna og einstaklinga tryggt. 5. Stríðsátökum hætt, vopnaframleiðsla lögð af 6.Hlúð að gróðri, landbúnaði, umhverfisþáttum, verndun náttúrunnar, fiskveiðum, iðnaði án mengunar, vantsveitum, atvinnusköpun  í hverju ríki heimsins o.s.frv.  7.  Samvinna ríkja heims byggist m.a. á að aðstoða við uppbyggingu s.s. húsnæðis, vegaframkvæmda, orkumála, rækta upp þurrkasvæði, tæknileg samskipti og miðlun landa á milli, gagnkvæma fræðslu og miðlun reynslu o.s.frv. Markmiðið er að viðhalda jafnvægi þannig að hvert ríki hafi nóg fyrir sig og sína að legjga og nýti hluta auðlinda sinna og umfram framleiðslu til milliríkjaviðskipta. 8. Samvinna gæti jafnvel byggst á nokkurs konar vöruskiptum að hluta til, þannig að vægi peninga minnkar þar sem sameiginlegt markmið allra ríkja er að uppfylla þarfir mannkyns fyrir mannsæmandi líf miðað við sammannlegar þarfir. 9. Þarfir í þróunarríkjum skilgreindar út frá lausnum sem byggir á sameiginlegum markmiðum allra ríkja heimsins 10. Þarfir fólks í svonefndum velferðarríkjum nútímans til borga og sveita  skilgfeindar út frá lausnum sem byggja á sameiginlegum markmiðum. 10. Auði ríkja jafnað út  þannig að bil milli ríkra og fátækra verði afnumið. 11. Breyting á viðhorfum og gildum , s.s. minnkandi þörf fyrir glæsibyggingar, stórkostleg minnismerki af öllu tagi, útlitsdýrkun, óhóf og prál mun ekki verða eftirsíknarvert og flokkast undir neikvæð gildi fyrir sameiginleg markmið. 12. Reglur og stjórnarákvarðnair ríkajatekna út frá sameiginlegum markmiðum allra ríkja, þ.e. Alheimsríkjabandalagsins. Amen.

[Hallgrímur Óskarsson (IP-tala skráð) 6.11.2008 kl. 02:54]

Ekki hætta að yrkja þó þú sért reið, Ólína!

   Orð til þín hér birtast blíð
   bágar vísna-sóttir.
   Yrktu meira yndisfríð
   Ólína Þorvarðardóttir.

[Gulli (IP-tala skráð) 6.11.2008 kl. 08:22]

Þó ég sé vissulega sammála því að hrekja spillingarliðið burtu þá festist ég svolítið við eina spurningu: "Verða einhverjir eftir til að stýra?"

[Guðrún (IP-tala skráð) 6.11.2008 kl. 10:48]

Sammála þér Ólína og vonandi verður það þannig að spillingaliðið fari. Sá Kastljós í gær þar sem Sigmar tók viðtal við formann VR og sá ég að sá maður hefur ekki snefil af sómatilfinningu en vona að félagar hans í VR sjái það.

[Ólína Kjerúlf Þorvarðardóttir, 6.11.2008 kl. 10:57]

Takk fyrir ykkar hressilegu og skemmtilegu athugasemdir.

Góð fannst mér ásláttarvillan hjá Nínu, þar sem bankar urðu "vankar". Það er sennilega réttnefni nú um stundir. Vankað lið sem stýrir fjármálastofnunum landsins.

Og ekki eru vísurnar hans Hallgríms af lakari endanum. Takk fyrir þær.

Orðin þó ég yrki fá
eiga nokkra von:
Að þau hafi hrifið á
Hallgrím Óskarsson.

[Ólína Kjerúlf Þorvarðardóttir, 6.11.2008 kl. 11:31]

Þá er ekki heldur amaleg vísan eftir Hallmund Kristinsson - takk fyrir hana Hallmundur. Gaman að fá hagmælta menn hér inn á síðna mína.

[Hákon Jóhannesson (IP-tala skráð) 6.11.2008 kl. 12:03]

Já það vekur sérstaka athygli, en ekki undrun þó hjá mér, m.v. stöðuna hér, að þeir sem stýrðu bönkunum haldi enn sínu gamla starfi - þar með taldir umræddir/ur bankastjórar/i.  Ég heyrði hér í gær að einn þeirra hafi fært sig yfir götuna í nýinnréttað skrifstofurými og sé með 10 manns til að snúast í kringum sig.

Umrædd rannsókn er nú í höndum innlendra aðila - í stað erlendra hlutlausa sérfræðinga; ekki það að nefnd endurskoðunarfyrirtæki séu ekki starfinu - skoðuninni - vaxin að flestu leyti, en þó lúrir enn hættan á tengslum, vinskap, fyrri viðskiptasambönd og svo framvegis, m.ö.o. það eru - líkur á því - þó þær þurfi ekki að vera miklar: Hafa ber í huga eðli verkefnisins sem er á þá lund að að er eðlileg krafa að  skoðunaraðilar séu hafnir yfir allan vafa um að tengjast á nokkurn hátt þeim fyrirtækjum sem þeir eru að skoða. Flóknara er það nú ekki.

Þessi staðreynd vekur hroll með mér, ég hef áhyggjur af því að ofangreind atriði komi til með að skekkja niðurstöður væntanlegrar rannsóknar og er ábyggilega ekki einn um það.

Þetta er ekki góð byrjun, ef byrjun skyldi kalla og sýnir enn og aftur það dómgreindarleysi sem ráðamenn opinbera reglulega.

Ég hef notið þeirra forrétinda að fá að vinna í mínu fagi yfir 20 ár hér á markaði og mínir viðskiptavinir eru og hafa verið harðduglegir, heiðarlegir atvinnurekendur sem sinna sínu starfi af einlægni og heilindum.  Þetta sem nú er að opinberast núna stig af stigi er af allt öðrum meiði - af öðrum heimi – óhugnanlegt.

Það sem er m.a. að gerast hér er að fólk upplifir ástandið sem kúgun, en það er einmitt það sem þetta er. Hluti af þeim prófíl er að nú á að knesetja þúsundir einstaklinga fjárhagslega og byrðar lagðar á herðar tugþúsunda sem verða til þess að fólk á ekki nokkra von með að greiða niður skuldir sínar niður, en eru þess í stað fastir í klafa skuldsetningar og vaxtagreiðslna um ókomna framtíð - næstu áratuga.  Nýyrði er komið fram: Efnahagslegt ofbeldi (sjá: http://stigamot.is ).

Að sjálfsögðu er það engin ástæða - fyrir neinn - að láta þetta ganga yfir sig án viðbragða - sem m.a. felur í sér:

• Ákall fólksins í landinu um það að óreiðufólkið sé kallað til ábyrgðar. M.a. það að viðkomandi greiði eigin skuldir en varpi þeim ekki yfir á fólkið í landinu.
• Að óhæfir stjórnendur víki fyrir hæfari fólki.
• Að fólkið í landinu komi saman og mótmæli.
• Að fólkið í landinu skrifi  og tali á opinberum vettvangi.

Málið er ekki alvarlegt - nei - það er grafalvarlegt; fólkið hér líður nú þegar fjárhagslega og það sem alvarlegra er að líðanin andlega versnar stöðugt. Börnin okkar líða mikið fyrir ástandið.Okkur ber að vernda þau og það gerum við ekki með því að sitja aðgerðarlaus.

Á mannamáli: Krafan er  Meiri hagsmunir fyrir minni - hingað og ekki lengra !

Kveðja [e-mail]

[Katrín Snæhólm Baldursdóttir, 6.11.2008 kl. 14:16]

Tek undir orð Eggerts...Hvar eru stóru samtökin eins og ASÍ og fleiri þegar verið er að fjötra öll heimilin í skuldir og setja þegnana í skuldafangelsi í nokkra næstu áratugina??

Er þögnin þeirra ekki að verða ærandi??? 

[S.H. (IP-tala skráð) 18.11.2008 kl. 15:14]

Skemmtilegra vaeri nú ad Ólina kynni ad rita Cato rétt sem sé med c og ekki med k. Og Auschwitz er stafad einmitt svona, ekki Auswitz . Hvar eru allir thessir vel menntudu Íslendingar? Ja, augljóslega ekki á Moggablogginu.