Fellur stjórnin líka?

Fellur gengi, fellur náð,
fellur kusk á ríka.
Falla lauf og fimbulráð.
Fellur stjórnin líka?

Orðrómur um yfirvofandi stjórnarslit er ekki til þess fallinn að róa mann eins og á stendur. Nóg er nú samt.

Best að anda núna í gegnum aðra nösina og út um hina - eins og í jóganu.

Athugasemdir

[Ben.Ax. (Benedikt Jóhannes Axelsson), 3.10.2008 kl. 18:29]

Í upphafi allt var hér skapað
og ekki að neinu var hrapað.
   Rauðahafið er rautt
   og það Dauða er dautt
en enginn veit ennþá hver drap það.

Hverjir fóru að skapa heiminn eftir að guð hætti því?

[Ía Jóhannsdóttir, 3.10.2008 kl. 19:51]

Rétt, anda inn, anda út!  Veistu ég er soddan svartsýnismanneskja að það háfa er nóg en núna held ég að orðatiltækið sem sonur minn er búinn að nota síðan hann lærði að tala geti bara virkað.  Þetta reddast!  Verðum við ekki bara að hugsa þannig.  Við höfum jú lent í kröppum dansi fyrr á lífsleiðinni.  Góða helgi Ólína mín.

[Rauða Ljónið, 3.10.2008 kl. 20:24]

Sæl. Ólína.

Ris upp nú styrk er stjórni.

Rístu  nú upp með dug og dáð

Láttu verki þín tala,

léttu nú á aumri þjóð

og léttu á skuldahala..

Svig.

Kv. Sigurjón Vigfússon

.

[Jenný Anna Baldursdóttir, 3.10.2008 kl. 21:17]

Ég sinni barnabörnunum.  Það bjargar mér frá andlegu þroti.