Bíddu við ... ??

Þorsteinn Már Baldvinsson, stjórnarformaður Glitnis, hefur nú sent frá sér yfirlýsingu þar sem hann hvetur alla hluthafa til að samþykkja boð íslenska ríkisins um kaup á 75% hlut í bankanum - og fagnar nú ummælum forsætisráðherra og Seðlabankastjóra um að hag viðskiptamanna Glitnis verði borgið þar með.

Er þetta örugglega sami Þorsteinn Már og sá sem ég sá í Kastljósi fyrir fáum dögjum titrandi af bræði yfir því að ríkið skyldi hafa lýst vilja til að kaupa bróðurpartinn í Glitni? Þá talaði hann um "mistök lífs síns" að hafa gengið á fund Seðlabankans - eða var Kastljóssviðtalið kannski mistök?

Þorsteinn Már hefur kannski verið vansvefta þann daginn - en þessi kúvending er vægast sagt furðuleg.

Það er eitthvað á bak við þetta.

Hvetur hluthafa Glitnis til að samþykkja tilboð ríkisins

Athugasemdir

[Frelsisson (IP-tala skráð) 3.10.2008 kl. 15:15]

þeir hafa fengið einhver loforð um að kaupa bankann til baka eins sorglega og það hljómar... það yrði mikill afleikur ef svo væri. Við eigum að græða (almenningur í landinu) ef einhver á að græða eitthvað). Nægu eigum við eftir að tapa allavega ef við erum að taka RISA lán á næstunni til að bjarga því sem bjargað verður.

[Ólína Kjerúlf Þorvarðardóttir, 3.10.2008 kl. 15:26]

Já, það hvarflar að manni að nú sé verið að beita einhverjum bolabrögðum á bak við tjöldinn. En fæst orð bera minnsta ábyrgð. Það er eitthvað á bak við þetta. Við sjáum hvað setur.

[Ragnheiður , 3.10.2008 kl. 15:34]

Ég varð að lesa fréttina tvisvar til að skilja hvað þarna stóð og er ég þó ágæt í lesskilningi. Ég er viss um að þarna hefur farið fram "vinna" bakvið tjöldin. Þetta kemur fram í dagsljósið seinna, það er ég viss um

[Ragnheiður Arna Magnúsdóttir (IP-tala skráð) 3.10.2008 kl. 15:35]

Já þetta er stórfurðulegt!  Var einhverjum mútað?

[Guðmundur Jóhannsson, 3.10.2008 kl. 15:43]

Þorsteinn kom inn í Glitni og hófst handa strax, hann brást strax við þegar hann sá að bankinn gæti ekki staðið við skuldbindingar sínar.  Hann barði stóru hluthafana til hlíðni aðfararnótt mánudags og á mánudagsmorgun, hann gerði rétt þó svo að hann gerði sér ekki grein fyrir atburðarásinni sem fór á stað.  Þetta viðtal í Kastljosi var mistök og það sást á honum, þarna var hann undir mikklu álagi og sagði samt eitthvað sem hann vildi ekki segja.  Þeir sem þekkja Þorstein sáu að eitthvað passaði ekki, hann átti ekki að láta draga sig í viðtal á þessum tíma heldur setjast við tölvuna og skrifa.  Því er alltaf hægt að breyta og eða eyða.

[Heimir Lárusson Fjeldsted, 3.10.2008 kl. 15:48]

Ef Geir H. Haarde ætlar að gefa þeim eina einustu krónu fyrir tilmæli Samfylkingarinnar og hótunar um stjórnarslit, þá segi ég mig úr samfélaginu, flyst brott og sæki um pólitískt hæli í vinveittu og siðuðu landi!

[Calvín, 3.10.2008 kl. 16:24]

Það er merkilegt að gefa það í skyn að eitthvað sé á bak við þessa yfirlýsingu Þorsteins Má? Var þá eitthvað óeðlilegt bakvið yfirlýsingar hans í Kastljósi?

Getur ekki verið að Þorsteinn Már hafi einfaldlega farið á taugum vansvefna og áhyggjufullur þarna í viðtalinu í Kastljósi? Það hvíla miklar áhyggjur af mönnum eins og honum sem þurfa að taka erfiðar ákvarðanir og við skulum ekki vera með dylgjur um eitthvað þegar menn sjá að sér. Þetta undirstrikar hins vegar að Jón Ásgeir og félagar hafa farið hamförum í hatri sínu á Davíði Oddssyni og Þorsteinn Már lenti þar á milli. Sjá blogg mitt um þetta.

[Sævar Helgason, 3.10.2008 kl. 16:38]

Er þetta nokkuð annað en að stjórnarformaður Glitnis er búinn að fara vandlega yfir stöðuna og endurmeta ?  Hann hefur augljóslega verið undir gríðarlegu álagi síðustu daga .  Ennþá finnst mér að það rétta hafi verið gert í ljósi þeirra upplýsinga sem ríkisstjórnin hefur látið frá sér fara um málið. Þetta er bara fyrsta skrefið á langri vegferð í þessu efnahagsfárviðri sem yfir okkur gengur núna...

[Emil Örn Kristjánsson, 3.10.2008 kl. 16:44]

Hvað var í stöðunni? Að Seðlabankinn lánaði eða tryggði Glitini lán? Nei takk, ekki af mínum skattpeningum. Ég teysti þessum mönnum ekki það vel.

Að Glitnir væri látinn rúlla? Kannske rökrétt en myndi bitna á sparifjáreigendum sem voru í góðri trú.

Að ríkið gerist hluthafi í Glitni? Já, enda þyki sjálfsagt að nýjir hluthafa, s.s. skattborgarar, geti hagnast á þessari fjárfestingu rétt eins og hver annar fjárfestir.

[Salvör Kristjana Gissurardóttir, 3.10.2008 kl. 17:29]

það er skrýtið viðtal við hann í DV núna og allar þessar yfirlýsingar undanfarna daga. Ekki mjög trúverðugt. En þett er örugglega vænsti maður og undir miklu álagi. Kannski er ágætt að hann hvíli  sig bara og einhver annar í betra jafnvægi verði stjórnarformaður. Mér finnst sniðugast að skipta út þeim sem voru þarna t.d. Illuga. þetta fólk var ekki að standa sig sérstaklega vel.

[Valdimar Guðjónsson (IP-tala skráð) 3.10.2008 kl. 22:20]

Mér þykja nú æ fleiri staðfesta að þetta hafi verið það rétta í stöðunni.
Bestur fannst mér þó þessi frá London School of Economics í Speglinum í
kvöld. Hann hældi þessari ákvörðun Seðlabankans en sagði hluthöfum og
eigendum Glitnis færi best að halda kjafti!

Það er samt varla hægt annað en dást að Baugsmönnum. Þeim tekst alltaf
gegnum allt að auglýsa sig og spinna sína áróðursvefi. Veifa Bónuspoka inn
í Hæstarétt að myndavélum. Hvetja fólk til að versla grimmt
(hamstra). Og nú..., skarpt athugað Ólína. Ef til vill fengið Samfó í
lið til að lofa einhverju síðar? Ég veit ekkert frekar en aðrir.

[Jón Snæbjörnsson, 4.10.2008 kl. 10:04]

keypti hann ekki einusinni togara og útgerð af Ísfirðingum sem hann sagði að færi ekki úr byggðarlaginu - kanski var hann vansvefta þá líka