Hvað segja konurnar í ríkisstjórninni?

  Formaður samningarnefndar ríkisins hefur haldið því fram að kjaradeila ljósmæðra snúist ekki endilega um menntun ljósmæðra heldur "eðli starfans". Eiginlega veit ég ekki hvort er meiri móðgun við ljósmæður að halda því fram að eðli starfs þeirra eða menntunin sé ekki launahækkunar virði.´

Sem margra barna móðir þekki ég af eigin raun  - líkt og fjölmargar kynsystur mínar - hið djúpa þakklæti sem hver kona finnur í garð sinnar ljósmóður þegar barn er farsællega fætt inn í þennan heim. En kannski verður slík tilfinning aldrei útskýrð fyrir karlmanni í samninganefnd ríkisins eða fjármálaráðuneytinu. Karlmenn þar á bæ hafa kannski engar forsendur til að skilja helgi fæðingarstundarinnar og mikilvægi ljósmóðurinnar í aðdraganda hennar. Að minnsta kosti verður það ekki ráðið af orðum þeirra eða gjörðum.

Í þessu myndbandi sem Lára Hanna Einarsdóttir setti saman má heyra Björgvin G. Sigurðsson  viðskiptaráðhera marglýsa yfir stuðningi við málstað ljósmæðra. Hann talar um að "allir" hafi ríkan skilning á þeirra stöðu enda sé á næsta leyti "myndarlegt" útspil af hálfu ríkisins inn í kjaradeiluna.

Hmm... næstu fréttir eru lögsókn fjármálaráðherra á hendur Ljósmæðrafélaginu.  Sannarlega útspil í lagi.

"Sínum augum lítur hver á silfrið" segir máltækið. Það er augljóst af öllu að hinn "ríki" skilningur stjórnvalda á stöðu ljósmæðra er ekki af einum toga.

Fjármálaráðherra og formanni samninganefndar ætlar að takast það ótrúlega - að skipa allri íslensku þjóðinni í sveit með ljósmæðrum í þessari kjaradeilu. Það er í sjálfu sér þarft verk - en aðferðin óneitinalega óhefðbundin, þ.e. að ganga fram af af fólki með lítilsvirðandi ummælum og óbilgirni.

Skyldu konurnar í ríkisstjórninni engu fá ráðið í þessu máli? Ég trúi því ekki að þeim sé skemmt núna.

Athugasemdir

[Hólmdís Hjartardóttir, 12.9.2008 kl. 12:18]

Ólína Samfylkingin á að slíta þessu stjórnarsamstarfi strax

[Rut Sumarliðadóttir, 12.9.2008 kl. 12:23]

Takk Ólína, tek undir með Hólmdísi, þessu samstarfi á að slíta ef Samfylkingin á að lifa þetta af.

[Jón Snæbjörnsson, 12.9.2008 kl. 13:09]

styð heilshugar ljósmæður sem og alla þá sem eiga rétt á leiðréttingu launa sinna,

vissulega eiga konur að njóta sama launaréttar eins og karlar bara slæm tímasetning eins og staðan er núna, en hugsið nú, sennilgega einn besti tími til skemmdarverka en líka sá versti - hvaða læti eru í ykkur konur

[ljosmodirin (IP-tala skráð) 12.9.2008 kl. 13:22]

Takk Ólína,  þetta er svo sannarlega gott innlegg í okkar baráttu.   Já, myndarlegt var tilboðið frá ríkisstjórninni nenfilega nákvæmlega engin leiðrétting og að auki málssókn í ábót.  Er hægt að fara fram á meira?

Kæri Jón !  Það hefur marg, marg komið fram að tíminn til kjarabóta handa konum er aldrei réttur - hann er hvorki réttur eða rangur núna - henn er einfaldlega NÚNA!!!

[Jón Snæbjörnsson, 12.9.2008 kl. 14:03]

kanski, en gangi ykkur vel - sjálfsögðu styð ég ykkur sem og eflaust mjög margir/flestir  en "fíla" ekki þessi læti öll út um allt - hálfgert umsáturs ástand - fólk fer í skotgrafirnar og gleymir sjálfu sér

vona samt að þið náið fram þessari viðurkenningu/leiðréttingu og að endirinn verði ljúfur fyrir alla

[Ragnheiður , 12.9.2008 kl. 14:07]

http://visir.is/article/20080912/FRETTIR01/27105826/-1/FRETTIR

Hérna kemur eitthvað af því sem KONURNAR í stjórninni segja..

[Jenný Anna Baldursdóttir, 12.9.2008 kl. 15:02]

Já konurnar hafa talað.

[Ólína Kjerúlf Þorvarðardóttir, 12.9.2008 kl. 15:05]

Er ég að missa af einhverju? Hafa fleiri talað en Ingibjörg Sólrún?

Á þessu myndbroti er viðtal við hana eina - hún setur ofan í við fjármálaráðherrann.  Það mættu fleiri gera á þeim bænum.

[Ragnheiður , 12.9.2008 kl. 20:21]

Nei hinar þegja en er það ekki yfirlýsing í sjálfu sér ?

[Axel Jóhann Hallgrímsson, 12.9.2008 kl. 20:21]

Samfylkingin er komin á válista hjá mér og ég hugsa að ég sé einn af mörgum sem þannig er ástatt um.  Ég varð reyndar svo reiður þegar þessi ríkistjórn var mynduð, án þess að reynt væri að uppfylla kosningaloforð um annað, að ég sagði mig úr flokknum sama dag. Ég gat ekki hugsað mér að Sjálfstæðisflokkurinn yrði  leiddur til valda eitt kjörtímabilið enn, með mínum stuðningi.

[Jenný Anna Baldursdóttir, 12.9.2008 kl. 22:12]

Það var haft eftir Steinunni Valdísi nánast það sama og ISG sagði. Ég heyrði ISG bera í bætifláka fyrir Árna.

[Hólmdís Hjartardóttir, 12.9.2008 kl. 22:41]

Óskar....enda var ungbarnadauði mikill og sængurkonur hrundu niður

[Þorsteinn Briem, 13.9.2008 kl. 02:39]

Barnalegur þessi formaður.

[Þórður Runólfsson, 13.9.2008 kl. 03:18]

Hrossabrestina út!

Ljósmæðurnar inn!

Því að það er það sem þessi þjóð þarf, styrka handleiðslu Ljósmæðranna.

Tími kominn á almennan baráttufund! 

[Þórarinn Þ Gíslason (IP-tala skráð) 13.9.2008 kl. 08:59]

Sæl.

Það er nefnilega það.

Hvað segja konurnar í Ríkisstjórninni ?