... og hann hélst þurr

  Þegar ég í gærmorgun og horfði á rigningarsletturnar á rúðunni - þá stödd austur í Fellsmúla í Landsveit og framundan ferming þeirra frænda, Hjörvars míns og Vésteins hennar Halldóru systur - bað ég himnaföðurinn í hógværu hljóði um að gefa okkur svolitla uppstyttu rétt á meðan sjálf athöfnin stæði yfir - svo kirkjugestir kæmust nú þurrum fótum til og frá kirkju.

Hann hlustaði á mig blessaður - því rétt fyrir kl. 14.00 birti yfir Heklunni með uppstyttu í Landsveit.

Fermingin fór vel fram - eins og minnar systur var von og vísa. Skarðskirkjan vel setin og fermingardrengirnir prúðmannlegir í fasi, fóru hátt og skýrt með kærleiksboðorð, litlu biblíuna og fyrstu fjögur boðorðin. Tóku í hönd hvers manns sem heilsaði þeim og báru sig vel.

Á eftir nutum við samvista við fjölskyldu, vini og vandamenn í Laugalandsskóla og enn hélst hann þurr.

Ég er mínum himnaföður þakklát fyrir uppstyttuna ... og þennan góðan dag. Þakklát systur minni fyrir fermingarathöfnina, fjölskyldu minni og vinum fyrir að vera með okkur á þessum hátíðisdegi.

 

 

  

 

 

 

 

Athugasemdir

[Sigríður Gunnarsdóttir, 5.5.2008 kl. 12:10]

En gleðileg bloggfærsla, til hamingju með drenginn og að vera vel tengd við himnaföðurinn;-)

[Tiger, 5.5.2008 kl. 12:11]

Til hamingju með unga manninn þinn Ólína mín. Stórglæsilegir þessir frændur tveir, enda nú komnir í fullorðinna manna tölu. Megi Guð og gæfa fylgja þeim inn í framtíðina mín kæra og leiðbeina þeim svo vel farnist þeim í hverju sem þeir taka sér fyrir hendur - og knús á þig ljúfust.

[Katrín, 5.5.2008 kl. 14:56]

Til hamingju með soninn og frænda.

[Ólína Kjerúlf Þorvarðardóttir, 5.5.2008 kl. 14:59]

Bestu þakkir fyrir þessar góðu kveðjur

[Ingunn Ósk Sturludóttir (IP-tala skráð) 5.5.2008 kl. 15:17]

Innilegar hamingjuóskir til ykkar. Megi drengnum farnast vel í framtíðinni. Kv. Ninna

[Ásdís Sigurðardóttir, 5.5.2008 kl. 17:31]

Yndislegt, þarna sérðu sjálfur himnafaðirinn stendur með þér og þínum. Hafðu það sem best elsku Ólína mín.  Góðum hlýst gott.  til hamingju með þennan fallega dreng.

[Ásdís Sigurðardóttir, 5.5.2008 kl. 17:34]

.... þessa fallegu drengi ætlaði ég að segja.     

[Yngvi Högnason, 5.5.2008 kl. 20:30]

Takk fyrir innilega færslu.

[Sigrún Jónsdóttir, 5.5.2008 kl. 21:05]

Flottir þessir strákar.  Til hamingju með þá

[Ylfa Mist Helgadóttir, 6.5.2008 kl. 00:26]

Innilega til hamingju. Fallegar myndirnar. Sjálf fermdist minn elsti sonur fyrir skemmstu og það var reglulega skemmtilegt. Ég bjóst satt að segja ekki við því að ég kæmi til með að hafa neitt sérstaklega gaman að þeim degi þar sem fermingar "martröð" vinkvennanna hefur oftar en ekki lent á eldhúsglöðu vinkonunni mér, en dagurinn var bara æði!

[Guðrún Jónína Magnúsdóttir (IP-tala skráð) 6.5.2008 kl. 09:32]

Nei! nú er ég hissa! Þó ég sé alltaf að reka mig á hvað landið er lítið.

Til hamingju með drenginn þinn og frænda. Það er svo prófasturinn minn sem er að ferma þá báða, Halldóra er indæl kona og sniðug tilviljun en ég var kokkur fyrir hóp frá Eldhestum sem fór yfir Sprengisand árið 1999, þá bjó ég á Akureyri og renndi ekki grun í að ég ætti eftir að festa rætur á Hellu. En sem sagt, þá eldaði ég súpu í eldhúsi systur þinnar fyrir hópinn áður en haldið var upp á hálendið, en fyrsti viðkomustaður var heima hjá henni og manni hennar.

[Kristín Björg Þorsteinsdóttir, 6.5.2008 kl. 14:52]

Til hamingju með drenginn þinn og frænda þinn. Sú eldri fermdist hjá okkur í fyrra og sú yngri er næsta vor. Það var svoooo gaman í fyrra þegar Anna Krsitín fermdist og ekki verður það síður skemmtilegt þegar Bryndís Sæunn fermist frá Langholtskirkju.......

[Högni Jóhann Sigurjónsson, 6.5.2008 kl. 23:48]

Sjá fleiri enn ég 3 fermingadrengi á myndunum?

[Ólína Kjerúlf Þorvarðardóttir, 7.5.2008 kl. 09:53]

Já, vissulega eru þeir þrír. Ég þekki bara ekki þann þriðja. Veit þó að hann heitir Hannes og er barnabarn Pálma í Hvammi. Myndarstrákur.

[Högni Jóhann Sigurjónsson, 7.5.2008 kl. 12:06]

Og Hannesar Kristmundssonar í Hveragerði ókey veit hver þau eru afar ög ömmur og mamman er Solla (Pálma) hárgreiðslu, eins og við Hvergerðingar kölluðum hana þegar hún var í Hveragerði og faðirinn, man ekki nafnið, (Hannesar) - ókey þá er sú saga öll komin, en mig mynnti að í blaðinu hafi bara verið tveir fermingadrengir enn mig mismynnir bara og óska þá bara öllum dreingjunum, sem eru allir myndarstrákar, þremur og þeirra fólki til hamingju með áfangann - svo það sé á hreinu.

[Solveig Pálmadóttir, 7.5.2008 kl. 13:19]

Sæl Ólína og takk fyrir síðast,

þetta var yndislegur dagur og drengirnir okkar ljómuðu og stóðu sig frábærlega vel, yndislegir allir. Alltaf jafn notalegt að koma í Skarðskirkju og hlusta á séra Halldóru, hún er frábær á allan hátt.

Bestu kveðjur Solveig

[Magnús Geir Guðmundsson, 7.5.2008 kl. 23:53]

Bestu kveðjur og hamingjuóskir að norðan Óína mín!

Örlítið síðbúnar þó, en þú afsakar það!