Nú gekk Spaugstofan of langt

Í gegnum tíðina hefur maður oft látið sig hlakka til laugardagskvölda með fjölskyldunni. Spaugstofan á sínum stað, nammi í skálum og svona. Maður kemur sér vel fyrir og nýtur þess með öðrum að horfa á samfélagið (og þar með sjálfan sig) í spéspegli.

Ég skal þó viðurkenna að í seinni tíð hefur þessum stundum farið fækkandi - þó Spaugstofan sé á sínum stað og mannskapurinn framan við sjónvarpstækið líka. Þeir eru bara farnir að missa húmorinn.

 Og í gær tók steininn úr.

Látum hnífaklisjuna vera - hún var þó bara leiðinleg. En atriðið um Ólaf Þ. Magnússon tók öllu fram í lágkúru. Það var svo niðurlægjandi -  fyrir Spaugstofuna - að mér er eiginlega brugðið.

Oft hef ég hlaupið í vörn fyrir Spaugstofumenn og staðið með þeim - enda tel ég að háðsádeilur séu oft beittustu og bestu uppeldistæki samfélaga gagnvart spillingu og hugsanaleti. En háð er vandmeðfarið - og ekki má mikið út af bregða til þess að hárbeittur húmor missi marks. Í gærkvöld brást þeim félögum algjörlega bogalistin.

Þetta var bara sorglegt - og eiginlega er vandséð hvort þeir Spaugstofumenn eiga sér viðreisnar von eftir þessa hraksmán.

Athugasemdir

[Ía Jóhannsdóttir, 27.1.2008 kl. 12:58]

Var að horfa á þáttinn núna rétt áðan.  Er ekki í lagi með þá!!!!!  Nú er kominn tími til að þeir pakki saman!  Hefðu reyndar átt að gera það fyrir löngu síðan.  Ósmekklegt ,,grín"

[Linda, 27.1.2008 kl. 13:00]

Alveg sammála þér, ég sat hér í sjokki mér þótti atriðinn um Ólaf svívirðileg og til háborinnar skammar, hvenær hefur það verið í lagi að gera grín af sjúkum "almennt" aldrei að mér vitandi.  En, kannski er siðferðis hugsjón mín og annarra sem hér hafa talað gegn þessum þætti sterkari en, svona almennt gerist og gengur, og hvað þá hugar maður? 

[Georg Eiður Arnarson, 27.1.2008 kl. 13:00]

Sammála , mér fannst þetta bara frekar dapurt hjá þeim spaugstofumönnum . kv .

[Kolbrún Baldursdóttir, 27.1.2008 kl. 13:11]

Sá ekki þáttinn í gær en hann er endursýndur í kvöld.
Mér finnst víðar verið farið að ganga of langt að þessu leytinu til. Æ minni virðing virðist vera borin fyrir persónunni og því sem maður hefur hingað til flokkað prívat mál. Þetta sér maður líka í dagblöðunum. Það virðist ekki vera nein takmörk lengur. Þetta er vond þróun svo mikið er víst.

[Stefán Friðrik Stefánsson, 27.1.2008 kl. 13:26]

Algjörlega sammála Ólína.

bestu kveðjur

[Jenný Anna Baldursdóttir, 27.1.2008 kl. 13:26]

Héðan í frá heitir þetta hundleiðinlega fyrirbrigði Saurstofan. Að taka veikindi manns og fíflast með þau er eins lágt og hægt er að leggjast.

Og sveiattann.

[Theódór Norðkvist, 27.1.2008 kl. 13:28]

Er allt í lagi að sverta þá sem eru ekki veikir? Davíði Oddssyni var líkt við mafíuforingja og Björn Ingi Hrafnsson var sýndur sem algert illmenni.

Ef Ólafur hefði verið að jafna sig eftir uppskurð, hefði þá mátt gera grín að honum á þennan hátt? Má ekki gera grín að neinum veikindum?

[Ingibjörg Hinriksdóttir, 27.1.2008 kl. 13:31]

Sæl Ólína, ég er algjörlega sammála þér. Þetta var fyrir neðan allar hellur. Spaugstofan hefur um nokkurra ára skeið mátt muna sinn fífil fegurri en í gærkvöldi sá maður hversu úrvinda, visnaðir og hugmyndasnauðir mennirnir eru. Ég læt það vera ef þeir hefðu sýnt Ólaf F. einu sinni í sjúkrasloppnum, eða Björn Inga einu sinni með hnífasett í bakinu en að endurtaka leikinn æ ofan í æ gerir atriðin að lágkúru sem ekki á að sjást í Ríkissjónvarpinu ... ohf. eða ekki!

[Hörður Björgvinsson (IP-tala skráð) 27.1.2008 kl. 13:31]

Minni bara á að ef t.d. Ólafur Stefánsson væri að koma inn í landsliðið eftir slæmt handleggsbrot myndi þessi spurning dynja á honum dögum saman frá fjölmiðlum:  Ertu viss um að handleggurinn þoli álagið?

Mér er slétt sama þótt sá Ólafur klúðri boltaleik, en stjórn borgarinnar er alvörumál.  Ef til vill voru Spaugstofumenn aðeins að tæpa á málum sem fjömiðlar hafa ekki fengið svör við.

[jón bragi (IP-tala skráð) 27.1.2008 kl. 13:48]

Alveg sammála ykkur. Þetta var langt fyrir neðan allt velsæmi að sýna Ólaf sem útúrruglaðan geðsjúkling.

Það er líklega orðið of langt síðan og fáir sem muna eftir því, en ættu náttúrlega að hafa lært um það í skóla, þegar Sjálfstæðismenn reyndu að klekkja á Jónasi frá Hriflu með því að fá hann úrksurðaðan sem geðveikan fyrir nærri áttatíu árum síðan.

[Þórdís Bára Hannesdóttir, 27.1.2008 kl. 14:02]

Þett var bara alltílagi nákvæm endurspeglun á samfélaginu.

[Tiger, 27.1.2008 kl. 14:56]

Ég er ekki sammála í einu og öllu. Er þó algerlega sammála að þeir hafi farið yfir strikið með veikindi Ólafs.

Mér finnst spaugstofan vera með mjög góða spretti af og til - alltof sjaldan reyndar en spretti samt. Síðasti þáttur var mjög spaugilegur að mínu mati - fyrir utan háðið í kringum veikindi núverandi borgarstjóra. Það hefði verið alveg nóg að gera hann örlítið "viðutan" og láta atkvæðatöluna njóta sín eins og hún gerði en sleppa með öllu veikindinafléttunni sem slíkri.

Ég er ekki harður stuðningsmaður spaugstofunnar og horfi bara á einn og einn þátt - hef ekki brosað og hlegið dátt af þeim í langan tíma. Síðasti þáttur fékk mig þó til að brosa mikið og hlægja dátt af einstaka atriðum. Ég kem til með að horfa á spaugstofuþætti næstu laugardaga með von um að fleiri góðir þættir skjóti upp kollinum - mér til kátínu og hláturs.

[Edda Agnarsdóttir, 27.1.2008 kl. 15:04]

Sá ekki þáttinn en verð víst að sjá hann eftir alla þessa lesningu!

[Baldvin Kristjánsson, 27.1.2008 kl. 15:18]

Horfði á þáttinn á netinu í gærkvöldi, hér í útlandinu.

Frábær þáttur með ruglið í Reykjavík.

Stundum eins og að fylgjast með revíu þegar maður er í svona smá fjarlægð og fylgist með landsmálunum, pólitíkinni, glamúrdýrkuninni og sjálfskipuðum dómurum samfélagsins.

Stórkostlegt alveg hreint og Pálmi Gestsson hitti naglann á höfuðið í Vísi fyrir helgi - hver þarf Spaugstofuna þegar samfélagið er svona?

[Grímur Kjartansson, 27.1.2008 kl. 15:18]

Þátturinn  Laugardagslögin var bara bráðskemmtilegur eftir að hafa horft á þennan afspyrnu neikvæða þátt með Spaugstofunni – þetta var ekkert grín bara fúlt og fyrirsjáanlegt og margendurtekið varla boðlegt fyrr en undir lokin á Þorrablóti þar sem áfengi hefur flætt ótæpilega.

[Ágúst H Bjarnason, 27.1.2008 kl. 15:31]

Ég er þér hjartanlega sammála. Ég upplifði Spaugstofuna á sama hátt og þú. Páll Magnússon útvarpsstjóri ætti að biðja Ólaf afsökunar.

[Hans Magnússon (IP-tala skráð) 27.1.2008 kl. 15:56]

Þetta er sennilega fyrsti þátturinn sem ég hef séð til enda:)

[Heidi Strand, 27.1.2008 kl. 15:58]

Ágúst, Ég er algjörlega sammála þér.

[Heimir Lárusson Fjeldsted, 27.1.2008 kl. 16:05]

Ólafur Eff þar ekki að gera mikið til að lyfta áliti fólks á sér. Andstæðingarnir sjá um það.

[halkatla, 27.1.2008 kl. 16:54]

ég trúi því vel að þetta hafi verið viðurstyggilegt þótt ég hafi ekki séð þetta. 

Vitiði annars afhverju fjölmiðlar og margir eru svona mikið að velta sér uppúr þessu? Það er af því að þetta selur, svona ljótleiki er að virka á fólk. Ef þið hættið að hlusta á þá fjölmiðla sem eru stöðugt að velta sér uppúr lágkúru þá hljóta þeir að hverfa, ekki satt?

en ég verð samt að segja að kolbrjálaðir geðsjúklingar eru ekkert minna fólk en aðrir, það á ekki að vera neitt sérstaklega hræðilegt að vera líkt við þá, amk ekki eins og að vera líkt við Bush eða eitthvað þannig ógeðslegt.

[Þorsteinn Ingimarsson (IP-tala skráð) 27.1.2008 kl. 17:12]

Þetta finnst mér tepruskapur Ólína. Ólafur gaf sjálfur veiðileyfi á sér með falsi og lygum.  Þetta var með skárri þáttum í lengri tíma og sýnum hans sem oftazt

[Jóhanna Magnúsar- og Völudóttir , 27.1.2008 kl. 17:15]

Ég varð fyrir miklum vonbrigðum með þáttinn í gær. Sömu þrír  - fjórir  ,,brandarar" tuggðir upp aftur og aftur... Raunveruleikinn er fyndnari en Spaugstofan. 

[Magnús Jón Aðalsteinsson (IP-tala skráð) 27.1.2008 kl. 18:40]

Þegar RÚV biður Ólaf afsökunar, þá getum við kysst okkar svokallaða málfrelsi bless..

[Brynjar (IP-tala skráð) 27.1.2008 kl. 18:55]

Ekkert að þessu. Nákvæmlega ekkert. Þegar þú ert í stjórnmálum verður hreinlega að þola að vera skotskífa. Menn eru fljótir að finna veikleika á fólki og nýta sér það, þannig er fólk og Ólafur F fær svo sannarlega að finna fyrir því og hvað þá Vilhjálmur sem virðist vera dottinn úr sambandi kall greyið og hegðar sér eins og sauður og þar af leiðandi eru menn ekki lengi að jarða hann, réttilega. Það væri mestu mistök sem hægt væri að gera að fara biðja einhvern afsökunar.

[Svanhildur Karlsdóttir, 27.1.2008 kl. 19:37]

Mér fannst spaugstofan góð, nema þetta síendurtekna atriði með Ólaf. Var ekki nóg að koma með eitt atriði með honum þar sem hann var veikur? Nei, þeir veltu sér upp úr því fram og aftur,og af hverju? Jú, því hann var þunglyndur.

Ég er sjálf að berjast við þunglyndi og hef verið nokkrum sinnum á geðdeild, það er ekkert gamanmál......ef Ólafur hefði farið á sjúkrahús vegna botnlangabólgu,og botnlanginn tekinn úr, hefðu þeir þá velt sér upp úr því ? Nei. 

[ThePlayer (IP-tala skráð) 27.1.2008 kl. 19:51]

Mér finnst spaugstofan oft hitta á naglann í gríni sínu en þátturinn í gær var jú mjög rætinn. Þarna var ekki bara gert grín að fólki með geðræn vandamál. Það var líka gert grín af sjúklingum með alzheimer eða fólki sem á við minnisleysi.

 Semsagt mjög rætinn spaugstofuþáttur sem var í gær og því skiljanlegt að þetta hafi farið í brjóstið á sumum.

[Egill Rúnar Sigurðsson, 27.1.2008 kl. 20:03]

Sammála því að Spaugstofan hafi þarna farið yfir strikið, var annars skemmtilegur þáttur að mínu mati, fyrir utan þessi atriði mað Ólafi, sem voru mjög ósmekkleg.

[Benedikt Sigurðarson, 27.1.2008 kl. 20:38]

N'u er ég aldeilis hissa á þér Ólína (alin upp við skötu og vanin við kæst orðbragð frá Vestfjörðum).  Ekki hefur nú hingað til þótt ástæða til að verja það dómgreindarleysi sem verið var að gera grín að í þættinum.

Sá sem gengur út á völlinn með þeim hætti sem Ólafur - (með Vilhjálmi og Kjartani sem virðast ekki vita hvað þeir gerði í hastinu á endanum) - hlýtur að vera tilbúinn að mæta "sjálfum sér" - - og það að sýna slíkt dómgreindarleysi sem hér er á vettvangi á að vera skotspónn fyrir grínmaskínur samfélagsins - ekki síst þar sem fjölmiðlar fá ekki eða finna ekki svör...

Mér fannst Spaugstofan grimm - - en málefnaleg og síðasti brandarinn með valtarann var háskalega beinskeyttur

Svona svona. . . . . grín gagnvart þeim sem valdahlutverkum gegna - á alltaf rétt á sér  og beitt þegar menn fara einhvers staðar á jaðarinn eða út af honum

[Jónína Benediktsdóttir (IP-tala skráð) 27.1.2008 kl. 21:30]

Benedikt það var verið að gera grín að geðsjúkum! Fannst þér það í lagi ? Þetta grín kom síst niður á Ólafi F., hann er frískur,

Þetta voðagrín kom mest niður á aðstandendum og þeim sem vita ekki sitt rjúkandi ráð og sjá ekki leið út úr þeirri líðan sem einkenndi sjúklinginn sem við horfðum upp á í Spaugstofunni.

En ótrúlegt hvað margir vinstrimenn eru ómanneskjulegir í viðmótinu til geðsjúkra nú þegar þið hafið misst völdin í borginni sem þið unnið með samskonar brögðum og núverandi meirihluti.

Ólína er í það minnsta hugrök að mótmæla þessu eins og við mörg í Sjálfstæðisflokknum þorðum að segja nei við REI/GGE málinu og fengum bágt fyrir.

Það mætti nú vissulega gera Spaugstofu um ýmsa í þinni sveit Benedikt þannig að undan svíði. Eða?

[Marta B Helgadóttir, 27.1.2008 kl. 21:57]

Mér fannst þátturinn í heild allt í lagi og bara nokkuð góður.  Ólafur er ekki fyrsti stjórnmálamaðurinn til að fá á sig grín.

[ee (IP-tala skráð) 27.1.2008 kl. 22:10]

Kom önnur frétt í sambandi við sjúkraskýrslur, þeir hafa fullt upp við að afsaka sig og greinilegt er að það er verið að reyna að breiða yfir þá sérhagssinnavæðingu, sem kom upp í sambandi við opinberunar sjúkraskýrslna. Hér hafa þeir tekið ameriskan lækni til að tala fyrir sig og má með því hugsa til spurningar um í hverra höndum ríkissjónvarpið og sjálfstæðisflokkurinn er.  Er sjálfstæðisflokkurinn búinn að selja bandaríkjamönnum aðgang að íslenskum gögnum.

Skemmtileg tilviljun að þessi læknir á nafna í Svíþjóð, nefnilega fyrrum dómsmálaráðherra Thomas Bodström, svo gætu þeir verið frændur?

[Svala Jónsdóttir, 27.1.2008 kl. 22:18]

Er eitthvað verra að gera grín að veikindum en öðru? Er í lagi að sýna DO sem mafíuforingja, en ekk Ólaf F. í sjúkrarúmi eða Villa sem minnislausan? Af hverju?

Nú segist Ólafur ekki hafa verið haldinn geðsjúkdómi, hvernig er þá hægt að segja að spaug um hann geri um leið grín að geðsjúkum? Og er eitthvað verra að gera grín að geðsjúkdómum en einhverju öðru? Eru þeir sérstakt feimnismál?

Mér finnst þetta full mikil viðkvæmni og meðvirkni, satt að segja. Ekki er fólk að segja að það eigi að taka á Ólafi með meiri silkihönskum en öðrum stjórmmálamönnum.

[ee (IP-tala skráð) 27.1.2008 kl. 23:14]

Finnst eins og hervæðingadeild bandaríkjamanna sem styður sjálfstæðisflokkinn á Íslandi hafi líka Landsspítalann í sínum höndum. Er menntamálaráðherra sú eina sem talar núna fyrir hönd sjálfstæðisflokksins. En greinilegt er að þær fréttir sem hafa borist hafa í ríkissjónvarpið  og eru þeir þemaháðir núna, eru eingöngu til að skýla yfir að læknar eru notaðir þegar þeirra þarf til að sinna sérhagsmunaefnum sjálfstæðisflokksins.

Sú sem sá um kynninguna fyrir hönd landsspítalans reynir að réttlæta að  - tekur dæmi um aldraða sjúklinga með 15 sjúkdóma að það megi nota upplýsingar um þá á sama hátt og í bönkum og við flugferðir. Svo var greining hennar og skilningur fyrir muninum á upplýsingum í bönkum og trúnaðarupplýsingum um sjúklinga.

Getur það verið til skýrara dæmi á hvað illa það stendur til, hvað varðar lög til verndunar trúnaðarupplýsinga.

Thomas E Eden - heimalæknir, jæja, ...................síðan hvenær..............................

[Gísli Guðmundsson, 27.1.2008 kl. 23:24]

Uhhh...missti ég af einhverju???? Ólafur sjúkur? Er hann ekki sá eini í borgarstjórnarmeirihlutanum sem hefur skilað inn læknisvottorði sem sannar að hann sé heilbrigður..........heilbrigðastur a.m.k. Smá grín.

Að mínu skapi er langt síðan Spaugstofan hætti að vera þeim megin línunnar sem skilur á milli fyndnni og lágkúru....er löngu hættur að horfa á þá því ég fyllist óþægilegum tilfinningum sem eiga ekkert skilt við gleði við að glápa á þá. Væri meir að segja löngu búinn að segja upp áskrift af Sjónvarpinu ef það væri val.

Þetta er búið hjá þeim, þeir eru löngu búnir að grafa sína eigin gröf.....

[Júlíus Valsson, 28.1.2008 kl. 00:58]

Hvar er Randver?
Hann hafði þó húmor!

[eiki (IP-tala skráð) 28.1.2008 kl. 01:56]

Ég er hægri maður. Einkavæðum og leyfum meira frelsi í menntun og frjálsræði með eftirlaun og allt það. 

Það var ekkert að þessum þætti. Sjálfstæðisbatteríið í Rvk eru glæpamenn. Ef eitthvað af þessu liði væru hægrimenn væru þeir á móti Villa og Co. 

 Ólína er ekki hægra meginn eða vinstra meginn við miðju. Hún hún er aðeins í annari vídd.  

[Ingimar Eydal, 28.1.2008 kl. 09:05]

Mér fannst þetta frábær þáttur, einn sá besti í langan tíma. 

Takið eftir því að engin hér gerir athugasemd þótt Birni Inga hafi verið lýst sem manni sem stingur mann og annan !!  Enda hefur verið veiðileyfi á Framsóknarmenn svo árum skiptir, sbr. hvernig "týpu" Spaugstofan gerði úr Halldóri Ásgrímssyni.

Spaugstofan gerði ekki annað en að sýna það sem almenningur og fjölmiðlar hafa mest velt fyrir sér, veikindi ÓBM og hvort hann væri orðin nægilega frískur (og hættuna fyrir meirihlutan ef hann veikist !!).

Þeir sem standa í framlínu stjórnmálana verða að vera menn til að þola þetta.  Ef ekki þá hafa þeir ekki heilsu til að vera í pólitík !!.

[ViceRoy, 28.1.2008 kl. 09:39]

Sá nú ekki þáttinn, en það er jú svolítið leiðinlegt að þeir skuli gera grín að andlegum sjúkdómi.... sem vonandi að Ólafur sjálfur hafi getað hlegið með þessu (þarf jú reyndar að kíkja á þennan þátt)

En ég verð að segja að það er svo fyndið við suma Íslendinga, þeir hafa talað mikið um það að Spaugstofan sé löngu búin að missa það, séu ekkert fyndnir lengur... en samt horfa þeir alltaf á hana???  Til að taka dæmi þá er þetta eins og að horfa t.d. á Leiðarljós og finnast þátturinn alltaf jafn hundleiðinlegur, sem er jú þá lítið annað en tímasóun.

En ætli þetta sýni ekki Íslendinginn í hnotskurn.... Alltaf það sama sem þjakar hann, situr heima og nöldrar alltaf yfir því en mikið meira gerir hann ekki í málunum :Þ

[Number Seven, 28.1.2008 kl. 10:02]

Vildi gjarnan fá að segja hér nokkur orð. 

 Í fyrsta lagi hefur spaugstofan í gegnum árin oft talað mjög persónulega um menn og málefni.  Til að mynda var iðulega gert grín að Halldóri Ásgrímssyni sem hálfgerðum heimskingja.  Ekki var það talið ósiðlegt var það?

Í öðru lagi hefur verið gert grín af veikindum fólks í spaugstofunni áður.  Til að mynda var Örn Árnason í samskonar klæðnaði þegar hann lék Davíð Oddson þegar hann lennti í sínum veikindum.  Ekki var það talið ósiðlegt var það?

 Í þriðja lagi - og hérna komum við kannski að máli málana.  Þunglyndi.  Af hverju má ekki ræða um það eins og aðra sjúkdóma?  Er það háð öðrum lögmálum?  Er ástæða til fyrir að fela það eitthvað frekar en að menn hafi verið skornir upp við bottlangabólgu?  Hversu mikil er hræsni fólks sem talar hér um ósiðlega framkomu spaugstofunnar?  Af hverju má ekki ræða um þunglyndi eða gera grín að þunglyndi?  Hvers vegna er það tabú í okkar þjóðfélagi að fjalla um þunglyndi þegar um er að ræða einkenni sem hrjáir 15-20% fólks einhverntíman á lífsleiðinni?

Sjálfur hef ég átt við þunglyndi að stríða.  Ekki ætla ég að gera á nokkurn hátt lítið úr veikindum þess sem lendir í þeim andskota.  Hins vergar ná margir sér upp úr þeim og komast til fullrar heilsu með hjálp sérfræðiaðstoðar og lyfja.  Hitt er annað mál að þunglyndi eru andleg veikindi.  Það þarf vonandi ekki þunglyndissjúkling til að skýra fyrir fólki að andlegt álag, stress og ónóg hvíld eru þættir sem ýta undir þessa "tilfinningu".  Allt eru þetta þættir sem ég þarf að huga að og veit mæta vel sjálfur að langtíma álag eykur líkurnar á endurtenknum veikindum.  Sjálfur þekki ég þá daga þegar maður "dettur örlítið niður" og einnig þá daga þegar maður kemur sér ekki fram úr rúminu. 

 Ég ætla ekki að dæma það hér hversu viturlegt það var af Ólafi að taka að sér starf borgarstjóra.  Hins vegar vona ég að þetta verði til þess að umræðan um þunglyndi aukist í kjölfar þess og hún verði opin og hreinskilin.  Og hvað bannar þá að gera grín af því eins og hverju öðru. Ósiðlegt að gera grín að botnlangabólgu?  Kannski.  Hinsvegar var ekki verið að gera grín að sjúkdómnum heldur fyrst og fremst persónunni.  Ég hlæ reglulega að vitleysunni í sjálfum mér.  Það er ekki eins og þunglyndissjúklingar geti ekki hlegið eða hafi ekki húmor.  Raunar er það besta "lækningin" Ef fólk er hinsvegar að aðgreina það þegar um andleg veikindi er að ræða í stað líkamlegra, þá ætti það kannski að velta fyrir sér eigin hræsni.  Eða þá að viðurkenna það að andlegir sjúkdómar hafa áhrif á persónu manna meira en líkamlegir sjúkdómar. 

Ég óska Ólafi velfarnaðar í starfi þrátt fyrir augljósa eiginhagsmunasemi í þessum meirihlutaviðrlæðum sem sannast kannski helst á því að hann situr nú einn og yfirgefin, með nánast ekkert bakland til að styðja sig í þeim mikilvægu málum sem framundan eru.  Það er hans mál.  Ekki mitt.  Ég hef nóg með mig.

Spaugstofan er ekki hafin yfir gagnrýni.  Hins vegar finnst mér engin ástæða til þess að gagnrýna hana meira eftir þennan þátt heldur en aðra þætti. 

[Jón Snæbjörnsson (IP-tala skráð) 28.1.2008 kl. 10:07]

lágkúrlegt "grín" í garð Ólafs Þ hjá Spaugstofumönnum - mjög dapurt að þurfa að borga fyrir svona lagað, hafi þeir skömm fyrir

[Björn H Hermannsson, 28.1.2008 kl. 10:13]

Mér fannst margt í þættinum alveg ágætt. Varðandi þátt Ólafs F þá er ég sammála því að það hafi verið gengið of langt.

Það að verða veikur er ekkert sem maður velur sér og getur ekki breytt. Því finnst mér ekki rétt að vera draga fólk sundur og saman í háði vegna þess. Það er í lagi að gera grín gerðum fólks og alveg óhætt að taka stjórnmálamenn fyrir. Þeir eru jú að vinna í opinberum málum og eiga að vera fulltrúar okkar og hafa að vissu leiti gefið út á sig veiðileyfi. Það bara fyrlgir starfinu nú til dags.

En að taka menn fyrir vegna sjúkleika þeirra þar finnst mér vera farið yfir mörkin.

BHH

[Ólína Kjerúlf Þorvarðardóttir, 28.1.2008 kl. 10:21]

Sælt veri fólkið - og takk fyrir þessi líflegu skoðanaskipti. Ég held ég hafi aldrei séð fleiri heimsóknir á síðuna mína en í þessari hrotu núna.

Hvað um það - ég reiddist við þessum þætti vegna þess að Ólafur F. Magnússon á ekki skilið að vera útmálaður sem útúr ruglaður geðsjúklingur þó hann eigi við andleg vandamál að stríða. Geðsjúkt fólk er ekki endilega "bilað" fólk (þó það komi auðvitað fyrir í veikindaköstum þess að sumir hverjir missi veruleikatenginguna).

Ég tek undir að tepruskapur gagnvart geðsjúkdómum er ekki vænlegur til árangurs. Ef Ólafur Stefánsson væri að koma til leiks eftir meiðsli á handlegssvöðva sæi auðvitað enginn neitt athugavert við það þó hann væri spurður um hvort hann treysti sér leikina framundan. Á sama hátt er ekkert óeðlilegt að þó að Ólafur F sé spurður um sitt andlega heilsufar í samhengi við brogarstjórastarfið.

En að djöflast á honum með þessum hætti - það er bara of langt gengið fyrir minn smekk. Þessvegna framkallaði þessi Spaugstofuþáttur ekki réttu viðbrögðin hjá mér. Mér leið ekki vel eftir þáttinn, hló ekki. Og þá er nú "grínið" ekki beint að hitta í mark.

Annars eru Spaugstofustrákarnir oft góðir - og mér þykir vænt um þá alla, þó að þetta hafi gengið fram af mér.

[Vilhelmina af Ugglas, 28.1.2008 kl. 10:41]

Ég hef skrifað margar athugasemdir á blogginu gegn fólki sem notar sjúkdóm Ólafs sem barefli í pólitískum tilgangi. Það er lágkúra af verstu sort.

Ég hlýt hinsvegar að hafa horft á annan þátt en þú? A.m.k. sá ég ekkert sem benti í þá átt að Karl Ágúst og félagar væru að gera grín að sjúkdómi Ólafs. Ég held að fólk lesi hluti inní samhengi sem ekki er til.

Það er auðvita fáránlegt að ekki megi gera at í Ólafi bara vegna þess að hann hafi einu sinni verið veikur.

Slík aumingjagæska er engum til góðs. Allra síst Ólafi.

Það er ákveðið úrval fólks sem tjáir sig um Spaugstofuna á blogginu. Ef hún er orðin svona léleg, hvers vegna er hún þá ennþá vinsælasta sjónvarpsefni á Íslandi?

[Marta B Helgadóttir, 28.1.2008 kl. 10:51]

Þegar menn kveikja elda allt í kringum sig eins og Ólafur hefur núna gert í borgarpólitíkinni, þá verða menn að taka þeim reyk sem því fylgir.

[Stefán (IP-tala skráð) 28.1.2008 kl. 11:00]

Mér fannst þessi marg umræddi þáttur Spaugstofunnar vera þeirra langbesti í vetur. Hárbeittur húmor svona svipaður og boðið var upp á í Áramótaskaupinu síðasta. Ætlar hluti þjóðarinnar að missa húmorinn með þunglyndum borgasrstjóra ?  

[Stebbi (IP-tala skráð) 28.1.2008 kl. 11:03]

Daginn!!

Ég get nú ekki annað en hlegið að ykkur vitleysingunum. Allir tala um að Spaupstofan sé ömurlegt sjónvarpsefni, en svo horfiði öll á þetta aftur og aftur. Það er ekki heilbrigt hvernig mál hafa þróast í Reykjavík. Blái hnefinn greinilega á lofti. Ef þið væruð með grínþátt í sjónvarpi hvernig hefðu þið gert grín af þessu? Er kannski ástæða fyrir því að þið eruð ekki með grínþátt í sjónvarpi? Þetta var bara frábært framtak og hefði mátt gera mikið meira grín af þessum aumingja, honum Ólafi. Ef hann höndlar ekki þetta grín þá á hann bara að vera ennþá uppi á Kleppi í sínu "andlega mótlæti". Ég segi bara fussumsvei á ykkur, og Ólína......skammastu þín rækilega fyrir að vera svona hvöss við Spaugstofumenn. Þú verður að passa þig annars gætu þeir endað við hliðina á Ólafi F. á Kleppi, allir með "andlega mótlætið" sjúkdóminn  

[Jón Ó Vilhjálmsson (IP-tala skráð) 28.1.2008 kl. 11:20]

Ég er sammála því að þeir ganga allt of langt, ekki bara núna hvernig léku þeir Halldór Ásgrímssson  öll síðustu ár hans í pólitík.þeir eru allt of pólitískir hvenær taka þeir Steingrím J eða Össur þeir eru greinilega vinstri sinnar ekki framsóknar menn en svolítið íhald. Ég vil grín sem er hlutlaust varðandi persónur allt í lagi að gera grín af málefnum en sleppa að meiða persónur.

[Ingibjörg Hinriksdóttir, 28.1.2008 kl. 12:03]

Sæl aftur,

eftir að hafa lesið þær ólíku skoðanir sem koma glögglega fram hér á spjallinu þá ákvað ég að hlusta aftur á Spaugstofuna. Verð að segja hún er miklu fyndnari í eyrum en augum! Náði líka gríninu um Marg-gréti og valtarann en vegna óbeitar minnar á útliti borgarstjórans í LSP fötunum þá missti ég eiginlega af þessum bröndurum. Hvet alla til að HLUSTA á Spaugstofuna aftur, þetta verður miklu fyndnara þannig.

[Marinó Már Marinósson, 28.1.2008 kl. 12:23]

Sammála þér. 

Mér finnst dapurlegt að sjá menn, eins og Spaugstofumenn skemmta sér og öðrum á kostnað veikinda annarra.

Það er ljótt að spotta þá sem hafa orðið svo óheppnir að veikjast.  Hvernig haldið þið að börnunum hans líði? 

Gátu þeir ekki t.d. haft atriði þar sem þeir hefðu þurft að elta hann t.d. í bíó og bannað honum að fara út úr borginni og svoleiðis.  Sett verði á alla götur.  Sett á hann ól um fótinn til að fylgjast með honum bara svo ég nefi eitthvað.

[Gísli Guðmundsson, 28.1.2008 kl. 12:36]

Gauksklukkan, náðu menn þeim brandara??????? Gú, gú segir klukkan (eða var það gaga). Sömuleiðis sagði Ólafur.

Ólafur F þú ert vitleysingur, alveg gaga.....skýr skilaboð frá Spaugstofumönnum með aðstoð RÚV. Er þetta ókei??? Nei, þetta er óþverri og þetta stunda þeir trekk í trekk.......Jesús minn góður......fær ekki einu sinni frið fyrir þeim.

[Gísli Baldvinsson (IP-tala skráð) 28.1.2008 kl. 14:23]

Ég er í skoðanahópi Bensa Sig og Mörtu Helga. Annað eins fýkur um á Kjálkanum. Bendi þér á þessa grein: http://finnurvilhjalmsson.blogspot.com/2008/01/styrmir-br-til-strmann.html

[Number Seven, 28.1.2008 kl. 17:00]

Marinó

 Ef Ólafur hefði verið skorinn upp við botnlangabólgu nokkrum dögum fyrir myndun nýs meirihluta - og spaugstofan sýnt hann í sjúkragallanum og í rúminu.... Hefði það breytt einhverju?   Var verið að gera grín að sjúkdómnum eða aðstæðum og persónu? Ef það væri verið að gera grín að þunglyndi sem slíku væri mér ekki skemmt.  Hins vegar er mér alveg nokk sama þar sem ekkert af því sem ég sá þarna lýsti á nokkurn hátt því sem ég hef gengið í gengum í mínum veikindum sem tengist þunglyndi. 

Maðurinn er ný stiginn upp úr veikindum.  Af hverju má ekki fjalla um það af því um er að ræða andlega heilsu?  Eða er þunglyndi eitthvað sem þarf sérstaklega að fela ?  Er það ?  

[Þórður Ingi Bjarnason, 28.1.2008 kl. 17:28]

Ég er ekki sammála þér Ólína Ólafur hefur boðið upp á að það sé gert grín af honum á þennan hátt. Þessi myndun á nýjum meirihluta er hlægileg og ef maðurinn hefði nú komið fram og sagt hvað var að og að hann sé búinn að ná tökum á sjálfum sér þá væri þetta ekkert mál.  Hann bíður uppá þetta.  Hann verður að sætta sig við það að vera opinber persóna sem spaugstofna mun gera grín af reglulega sem er gott.  Ég hef sjaldan haft eins gaman að spaugstofunni eins og á laugardaginn.  Hún var farinn að vera liðinleg en ég held að þeir séu að fakna aftur til lífsins.

[Ásdís Sigurðardóttir, 28.1.2008 kl. 19:39]

Ég held að ég verði bara að sjá þáttinn.

[Svala Jónsdóttir, 28.1.2008 kl. 19:43]

Afskaplega finnst mér leiðinlegt að sjá Ólínu í Kastljósinu að taka þátt í þessum smjörklípuáróðri Sjálfstæðismanna varðandi borgarstjórann.

[Siggi (IP-tala skráð) 28.1.2008 kl. 19:47]

Það tala margir í dag um hvað Spaugstofan gekk of langt í að gera grín að borgarpólitíkinni.  Þetta kom mér fyrir sjónir sem eintómt grín.  Hversu fyndið grín er bara hvað hver og einn metur.  Það er gert óspart grín að Dick Chaney í Bandaríkjunum og hans hjartasjúkdómi.  Núna er einhver að gera grín að geðsjúkdómi og þá fara allir hjá Geðhjálp upp á háa C-ið og segja að menn séu með fordóma gagnvart geðsjúkdómum.  Ef að þeir vilja að geðsjúkdómar séu flokkaðir með öllum hinum sjúkdómunum eins og t.d. hjartasjúkdómum, lugnasjúkdómum, kynsjúkdómum þá verða þeir að þola að gert sé grín af þeim.  Mér finnst Spaugstofumenn ekki hafa sýnt neina fordóma gagnvart geðsjúkum heldur finnst mér þeir sem hafa gagnrýnt þá fyrir að hafa sýnt fordóma einfaldlega sýnt hvað þeir sjálfir eru hörundsárir og feimnir við að tala opinberlega, eða gera grín, að þessari tegund sjúkdóma.  Grínið og lengd grínsins er síðan bara í höndum atvinnuhúmorista að gagnrýna.  Einhvern sagði af hverju var þá ekki gert óspart grín að Davíð Oddsyni þegar hann var veikur.  Ég held persónulega að þá hafi menn ekki gert grín útaf því að það voru miklu meiri líkur á því að Davíð mundi ekki hafa það.  En úr því að Ólafur var búinn að ná sér, þá held ég að Spaugstofumenn hafi fundist það allt í lagi að gera grín að geðsjúkdómi.  Hefði hins vegar Ólafur ekki verið búinn að ná sér þá held ég að Spaugstofumenn hefðu aldrei gert svona grín að honum.  Ég tel þá því hafa mjög góða dómgreind á því hvenær hægt sé að gera grín að fólki og hvenær ekki.  Húmoristar vita að tímasetning skiptir mjög miklu máli.  Núna virðist Davíð hafa náð sér að fullu og því væri alveg hægt að koma með Spaugstofuþátt um hann.  En þar sem hann er farinn úr pólitík þá er það erfiðara.

[Adam (IP-tala skráð) 28.1.2008 kl. 20:11]

Ég var líka að horfa á Kastljósið og ég skil ekki hvernig Ólína getur alhæft um að þátturinn hafi ekki verið fyndinn. Húmor er margslungin og mismunandi milli fólks og mér fannst þátturinn frábær. Hún segir líka að Spaugstofumönnum hafi mistekist ætlunarverk sitt sem var að gera grín að fjölmiðlafárinu í kringum þetta allt. Aftur spyr ég, hvernig getur hún alhæft það? Ég áttaði mig á því sem þeir voru að segja, líka hann Árni hérna á undan og fleiri.

Spurningin um hvort að þeir hafi farið yfir strikið er persónulegt mat hvers og eins og ég vona bara að Spaustofan haldi sínu striki.

Þakka fyrir mig

[Georg P Sveinbjörnsson, 28.1.2008 kl. 20:31]

Number Seven segir "Í fyrsta lagi hefur spaugstofan í gegnum árin oft talað mjög persónulega um menn og málefni.  Til að mynda var iðulega gert grín að Halldóri Ásgrímssyni sem hálfgerðum heimskingja.  Ekki var það talið ósiðlegt var það?"

Nei, enda vita allir að maðurinn er ekki heimskur, væri hann það hefði "grínið" algerlega misst marks.

Wihelmína af Uglas skrifar "Slík aumingjagæska er engum til góðs. Allra síst Ólafi."

Eru þá geðsjúklinga aumingjar?

[Theódór Norðkvist, 28.1.2008 kl. 20:43]

Það er hægt að hafa mjög einfalda reglu í svona málum, þegar talið er að einhver hafi farið yfir strikið í gríni:

Ef sá sem háðið beindist að hefur verið misboðið, þá var farið yfir strikið. Ólafur F. hefur lýst því yfir að hann hafi upplifað þetta sem árás á sig og þá var þetta árás á hann. Í því ljósi ættu Spaugstofumenn að biðjast afsökunar.

Góð frammistaða hjá þér í Kastljósi, Ólína. 

[Þorkell Sigurjónsson, 28.1.2008 kl. 20:46]

Sæl Ólína. Gaman að sjá þig í Kastljósinu og þú ert ávallt jafn tígurleg. Spaugstofuþátturinn á laugardaginn var nokkuð góður, betri en þættir undanfarið. Það sem virðist fara mest fyrir brjótið á fólki  er hvernig meðhöndlun Ólafur F. fær hjá þeim spaugstofumönnum. Hún virðist nokkuð harkaleg því get ég verið sammála, en þegar fólk talar um fordóma vegna sjúkdóms Ólafs og að grín sé gert af honum þess vegna, dettur mér í hug þegar í Spaugstofunni voru þeir oft hér áður fyrr, alkóhólistarnir Bogi og Örvar og menn höfðu gaman af. Má ekki segja um þann flutning í þáttunum um rónanna (alkóhólistar), að það hafi þá verið fordómar gegn sjúkdómi þeim, sem  alkóhólismi heitir í dag? Þar er nú svo, að ég stríði við báða þessa sjúkdóma og fer ekki í grafgötur með það, að ég hefi orðið fyrir mun meiri fordómum, að vera alkóhólisti en þunglyndissjúklingur.

[Eysa (IP-tala skráð) 28.1.2008 kl. 20:58]

Það er búið að reka Dorrit úr forsetahjónunum...

Blooogg blogg blogg blogg blogg blogg blogg,

blogg blogg blogg blogg blogg blogg blogg

[Jóhanna B G. (IP-tala skráð) 28.1.2008 kl. 21:42]

Sæl

Ég sá þennan þátt og fannst hann hvorki betri eða verri en hinir þættirnir. En varðandi umræðuna í dag hvenær var talað um að Halldór Ásgrímsson ætti börn eða barnabörn þegar hann var tekinn fyrir nánast í hverjum þætti síðustu 2-3 ár.  Aldrei heyrðist talað um að of langt væri gengið. Oft var þó farið langt yfir strikið. 

[fyrrum nemandi úr MÍ (IP-tala skráð) 28.1.2008 kl. 21:43]

Ólína, ég er innilega sammála. Fannst gott hjá þér að koma fram í Kastljósi og standa á þínu. hins vegar fundust mér tilsvör karls svo hrá og röklaus, hann var allt að því dónalegur á köflum. Sumt á auðvitað ekki að grínast með og ég kalla það gott að þeim hafi misfarist svona hrikalega að gera grín að viðbrögðum fjölmiðla en ekki sjálfum veikindum Ólafs. Það segir sig sjálft að ef maðurinn væri fyrrum krabbameinssjúklingur, þá myndu þeir ekki gera grín að krabbameinssjúkum. Þetta var til háborinnar skammar hvernig var staðið að þættinum.

 All staðar stendur þú þig með sóma, hvort sem það er í skólastjórasæti, starfi rithöfundar eða sem gestur í Kastljósi. takk fyrir!

[Marinó Már Marinósson, 28.1.2008 kl. 22:28]

Ólína! Þú varst flott í kvöld og komst skilaboðunum á framfæri.  Af hverju gat Karl Ágúst bara ekki beðist afsökunar enda tók hann eiginlega undir að þeir hefðu gengið aðeins of langt?

[Brynjar (IP-tala skráð) 28.1.2008 kl. 22:47]

Það er deginum ljósara að smekkur manna fyrir húmor er mjög misjafn.  Sjálfum fannst mér þátturinn á laugardaginn með þeim betri í vetur hjá Spaugstofumönnum og ég náði alveg gríninu hjá þeim.  Það gerðu líka þeir sem horfðu á þáttinn með mér.  Það að fólki skuli vera misboðið hlýtur þá að vera vegna þess að það skildi ekki grínið eða þá að húmorstandard þeirra er annar en t.d. minn.  Þátturinn var hárbeittur. 

Menn verða líka að átta sig á því að þeir sem ætla sér að vera í forystuhlutverki í samfélaginu mega og eiga að búast við því að á þá verði skotið. 

 Mig langar síðan að benda ykkur á að lesa eftirfarandi pistil og hugsa málið svo:

http://harpa.blogg.is/2008-01-28/hvad-er-ad-mer/

[Marta B Helgadóttir, 28.1.2008 kl. 23:13]

Þú varst auðvitað hreint frábær í Kastljósinu í kvöld Ólína.

[Benedikta S Steingrímsdóttir, 28.1.2008 kl. 23:24]

Ég er alveg sammála þér Ólína. Þú varst frábær í Kastljósinu.

[Gísli Bergsveinn Ívarsson, 29.1.2008 kl. 00:23]

Ég stend með Spaugstofumönnum í þessu máli.

Fannst bæði þú Ólina og Karl Ágúst koma ykkar sjónamiðum vel frá ykkur og var ánægjulegt að sjá að þið bæði gátum rætt þessi mál opinskátt án þess þó að fara yfir um vegna þessa.

Þetta fannst mér vera heilbrigðar og uppbyggilegar umræður.

Ég vona að þessar deilur verði ekki til þess að draga máttinn úr Spaugstofunni og hlakka mikið til að sjá næsta þátt hjá þeim.

[Brynjar Jóhannsson, 29.1.2008 kl. 00:49]

Mér blöskraði hvernig þeir tóku á málum varðandi Ólaf F Magnússon. Það hlítur að teljast viðkvæmt að hafa verið inni undir eftirsjá geðlækna og átt við þunglindisvandamál að stríða sér í lagi ef maður er læknir eins og í tilfelli Ólafs F Magnússonar... en þess fyrir utan sá ég ekkert athugavert þennan þátt fyrir utan það að mér fannst ekkert sérlega fyndinn og fullur af aulahumor. Mér fanst líka dálítið þreitt þetta með Björn Inga Hrafnsson og ofnotaður humor. Ég er sammála þér Ólafía að þeir náðu ekki að koma hæðninni nógu vel til skila og mér fannst þetta hálf misheppnað hjá þeim. Hitt er að mér finnst þetta vera stormur í vatnsglasi og í raun tilvistunarflótti frá hinu raunverulega vandamál sem er STJÓRNUN BORGARINAR og hvernig Sjálfstæðisflokkurinn KOMST AFTUR TIL VALDA.

[Ólína Kjerúlf Þorvarðardóttir, 29.1.2008 kl. 00:51]

Takk öll fyrir skoðanaskiptin.

Mér líður snöggtum betur eftir að hafa tjáð mig augliti til auglitis við Karl Ágúst. Það er einhvernveginn betra að horfa í augun á fólki þegar maður ræðir það sem betur má fara - um leið var ágætt að heyra hans sjónarmið, og finna að hann er leiður yfir því að hafa sært Ólaf sem persónu. Ég trúi honum þegar hann segir að það hafi aldrei verið ætlun þeirra félaganna.

Spaugstofumenn eru frábærir grínarar þegar þeim tekst vel upp - vonandi verða þeir glimrandi næst  Ég óska þeim alls hins besta.  

[Magnús Hákonarson (IP-tala skráð) 29.1.2008 kl. 01:00]

Ég tek ofan fyrir Spaugstofumönnum.  Frábær þáttur hjá þeim.

[Magnús G (IP-tala skráð) 29.1.2008 kl. 01:26]

Þetta var frábær þáttur - þessi hjá Spaugstofumönnunum, einn sá betri um langa hríð (þeir eru nú oft ekki upp á marga fiska). Ég hló dátt þegar sjálfstæðismennirnir voru að vandræðast með nýja borgarstjórann rúmliggjandi og gera allt til að passa upp á að hann myndi nú ekki veikjast því þá myndi Margrét sko sprengja! Reyndar setti Villi sprengju Margrétar óvart í gang í lok þáttarins ... Þetta er spéspegill sem speglar umræðuna í samfélaginu, einkum eins og hún birtist í fjölmiðlum. Ekki skil ég vælið í Ólafi eftir þáttinn, það er engin hemja að borgarstjóri skuli barma sér yfir meðferð í grínþætti, maðurinn hefur tekið við þriðja valda- eða virðingarmesta embætti í landinu, hann á að vera maður til að þola svona. Ég blæs á allt tal um sjúkdóma, það eru fjölmiðlar sem hafa gert sér mat úr veikindafríi Ólafs, hann er ekki veikur eða óhæfur út af veikindum eins og augljóst er og allir vita. Ég man þegar Halldór Ásgrímsson fór eitthvað að kveinka sér undan Spaugstofunni (hann var alltaf sýndur þar sem heilalaus strengjabrúða Davíðs), það þótti heldur aumt af hans hálfu enda hætti hann því strax. Það er ekki gæfulegt hjá Ólafi að byrja á svona kveini og ásökunum um einelti og svo á hann auðvitað að vera búinn að undirbúa börn sín (sem eru víst flest fullorðið fólk) fyrir alls konar umtali um sig í fjölmiðlum og víðar í stað þess að gera kröfu til þess að allir, fólk og fjölmiðlar, þegi um hann sjálfan og hans valdatöku og tali aðeins um málefnin hans góðkunnu og verkin sem eigi eftir að tala. Ég er algjörlega á öndverðum meiði við þig Ólína og skil í rauninni ekki hvað þú og þínir fylgjendur eru að fara, á að ritskoða spaugarana? Hvernig á að setja mörkin? Viltu kannski koma á einhverri stefnumótun í grínframleiðslu þar sem til dæmis þú og þínir viðhlæjendur fái að setja reglurnar, myndirðu vilja það?

[Þórður Runólfsson (IP-tala skráð) 29.1.2008 kl. 01:40]

Er ekki tími til kominn að hætta þessu súkdóma- og spaugstofutali. Sjáið þið ekki Íhaldið sitjandi hér allt í kring, skellihlæjandi. Fólk að beina púðrinu að allt öðru en aðalatriðunum sem er framganga Íhaldsins í borginni. Gleymið því ekki að það var Vilhjálmur fyrrverandi og næstkomandi borgarstjóri sem kom fyrstur með þessa ásökun um aðför að heilsu Ólafs F. núverandi borgarstjóra. Það seigir okkur að sumir eru tilbúnir að notfæra sér aðra og þeirra veikleika sér til varnaðar.

Það er gott að vita að hér er fólk sem lætur sér velferð annarra skipta sig máli.

[Svanfríður Lár, 29.1.2008 kl. 01:46]

Aldrei sá ég í fjölmiðlum fyrir Spaugstofuþáttinn, Ólaf F. úthrópaðann sem útúr ruglaðaðan geðsjúkling svo etv. gæti einhver rökstutt betur fyrir mig þessa afsökun Karls Ágústs "grín að viðbrögðum fjölmiðla".  Þetta var fyrir neðan beltisstað gagnvart Ólafi og særði greinilega siðferðiskend margra sem á áhorfðu.  Það er nóg til að segja..of langt gengið. Og hvernig sem ég reyni þá sé ég ekki grínið á fjölmiðla, sá ekki Agnesi Braga, Agli í Silfri eða Sigmundi Erni bregða fyrir í þættinum.  Etv. bregður Karl Ágúst sér í hlutverk Ólínu Þorvarðar í næsta þætti?

Ólína kom annars sjónarmiðum annars hópsins hér fyrir ofan vel á framfæri í Kastljósinu og það er ekki rétt sem einhverjir hér fullyrða að hún hafi talað fyrir sig eina.  Það eru tvær hliðar á öllum málum og þar erum við ótal mörg sammála henni.

Og hvað Spaugstofumenn varðar þá lifa þeir allt af og hafa nú séð ölduna hærri en þetta.... Það er sagt að illt umtal er betra en ekkert umtal! Það verða met áhorf eftir viku.....

[Adam (IP-tala skráð) 29.1.2008 kl. 08:43]

Ég get rökstutt það betur. Í að ég held öllum blöðum var minnst á veikindi hans og þetta alræmda veikindavottorð sem hann var beðin um að skila inn. Umræðan í kringum það óx og óx og í DV var grein sem fjallaði mikið um heilsu hans og daginn sem nýji meirihlutinn var kynntur var Ólafur spurður um heilsu sína af fréttamönnum.

Þannig að Spaugstofan hafði úr nógu að moða og stóð sig frábærlega. En af einhverjum ástæðum virðist alltaf heyrast meira í þeim sem finnast hlutirnir leiðinlegir og misheppnaðir (eins og eftir áramótaskaupið).

Ja of af hverju er þetta verra en eitthvað annað sem þeir hafa gert.

[Number Seven, 29.1.2008 kl. 10:07]

Var að horfa á kastljósið rétt í þessu.  Var bara nokkuð sáttur við þá umfjöllun og fannst hún auka enn frekar á skemmtanagildi spaugstofuþáttarins.  Þú stóðst þig vel í að koma sjónarmiðum þínum á framfæri Ólína.  Ég er líka ánægður með þá umræðu að umfjöllun um geðræn vandmál eigi ekki að byggjast á einhverjum feluleik.  Það er jú kannski mál málana.  Mér finnst það mjög miður að læknirinn Ólafur F Magnússon skuli reyna að fara með veikindi sín sem eitthvert tabú sem ekki má fjalla um.  Þá er ég alls ekki að gera lítið úr alvarleika geðrænna vanamála en hinsvegar en alveg eins og líkamleg veikindi geta þau verið margvísleg og mis alvarleg.   Ég hef enga ástæðu til að ætla að Ólafur F Magnússon sé ekki hæfur til þess að sitja sem borgarstjóri Reykjavíkinga.  Alveg eins og Vigdís Finnbogadóttir var fullkomlega hæf sem forseti Íslands þrátt fyrir að hafa greinst með krabbamein einhverntíman á lífsleiðinni.  Ekki ætla ég að gera lítið úr hennar veikindum en hún fjallaði opinskátt um þau enda var það alveg sjálfsagt mál.  Hins vegar þótti Ólafi F það óhæfa að hann í opinberu starfi skildi vera spurður um sín veikindi.  það þykir mér mjög miður því það lýsir fordómum í stað þess að skapa opna umræðu um málið.

Mér finnst eftirfarandi ummæli lýsa því kannski best hversu mikil vanþekking ríkir í garð fólks sem verður fyrir geðrænum veikindum. 

Number Seven segir "Í fyrsta lagi hefur spaugstofan í gegnum árin oft talað mjög persónulega um menn og málefni.  Til að mynda var iðulega gert grín að Halldóri Ásgrímssyni sem hálfgerðum heimskingja.  Ekki var það talið ósiðlegt var það?"

Nei, enda vita allir að maðurinn er ekki heimskur, væri hann það hefði "grínið" algerlega misst marks.

Sama má segja um Ólaf F Magnússon er það ekki?  Vita ekki allir að hann er ekki geðveikur (þar að segja ekki alveg   GAGA).  Hann greindist með þunglyndi.  15% íslendinga lenda í þeim veikindum einvherntíman á lífsleiðinni.  Stór hluti fólks nær fullum bata.  Er ekki tímabært að greina aðeins á milli og gera sér grein fyrir að geðræn vandamál eru ekki einn flokkur (ekki bara alveg  GAGA).  Það fannst mér sem einstaklingi sem hefur átt við þunglyndi að stríða, best við spaugstofuþáttinn.  Það var látið líta svo út að maðurinn væri gjörsamleg út úr heiminum.  Það lýsir kannski best þeim fordómum fólks og hörðum viðbrögðum ef það getur ekki séð kaldhæðnina í því. 

Bloggið hennar Hörpu er frábært. http://harpa.blogg.is/2008-01-28/hvad-er-ad-mer/

Og hún hittir líka akkurat naglann á höfuðið þegar kemur að fjölskyldunni og geðrænum veikindum.  Það er mikið lagt á fjölskyldu þess sem greinist með geðræn veikindi.  Mest megnis byggist sú þunga byrgði á þeim fordómum sem eru í þjóðfélaginu gagnvart þeim veikindum.  Það er litið á sjúkdóm eins og þunglyndi sem einhvern " GAGA" sjúkdóm. Mér þótti það mjög miður að heyra þig segja í gær að þetta gæti átt eftir að bitna á börnum Ólafs.  Nú veit ég mjög lítið um hans fjölskylduhætti.  Sjálfur get ég nánast fullyrt að fjölskylda Ólafs hefur nú þegar fengið sinn skerf af fordómum.  Og ég reikna fyllilega með því að það sé frekar vegna þess að farið er með þetta sem fjölskylduleyndarmál frekar en að um það sér rætt opinskátt.  Hins vegar vona ég að við séum komin upp úr því fari að ræða ekki opinskátt um þessa hluti innan skólakerfisins.  Alla vegana get ég fullyrt að í mínu tilfelli hef ég haft mun meiri skilning frá yngri kynslóðum en hinum eldri.  Og þar liggur kannski kötturinn grafinn. 

Við höfum öll ákveðna fordóma gagnvart geðrænum veikindum.  Ég skammast mín fyrir mín veikindi.  Ég skil viðbrögð Ólafs en veit jafnframt að þau eru ekki rétt.  Alveg frá upphafi hefur hann farið í feluleik með þessi mál.  Og þegar hann fékk tækifæri til þess að benda fólki á að þunglyndi er ekki það sama og  GAGA veiki, eins og hann fékk tækifæri til með þessum spaustofuþætti - þá fór hann akkurat hina leiðina og leit á það sem persónulega árás.  Það finnst mér mjög miður.  Ólafur er nú í opinberu starfi og hafði fullkomið tækifæri til þess að ræða opinskátt um málið.  Hann gerði það ekki. 

 Að lokum vil ég benda þeim sem fræðast vilja um þunglyndi á eftirfarandi hlekk.  Það kemur vonandi til með að opna augu einhvers um sjúkdóminn.  Og ég get alveg lofað ykkur því að umræða um Þunglyndi og fordómar eiga ekki heima innan um þá pólitísku "geðveiki" sem nú ríkir í borgarmálum í Reykjavík. 

http://www4.landspitali.is/lsh_ytri.nsf/htmlpages/index2.html#fraedsla_thunglindi.html

[Þórður Runólfsson (IP-tala skráð) 29.1.2008 kl. 11:02]

Góðir punktar hjá þér Number Seven. Loksins kemur einhver sem er ekki gaga og veit nákvæmlega hvað hann/hún er að tala um. Við þennan lestur dettur manni í hug alkaholismi og þá byrði sem hann leggur á fjölskyldur vegna þess að hann má ekki vitnast út fyrir fjölskylduna vegna fordóma í þjóðfélaginu. Að alkaholismi sé aumingjaháttur en ekki sjúkdómur. Sjúkdómur sem tengist oft geðrænu ástandi fólks sem líka er tabú að tala um.

Hvaða aðilar líða þá mest í fjölskyldunni?

[TSig (IP-tala skráð) 29.1.2008 kl. 14:28]

Jú náttúrlega Ólína, nú þegar valdagráðugir og siðlausir stjórnmálamenn/konur eru búin að traðka lýðræðinu niður í sorann, sem talað er svo fallega um í fínu ræðunum, þá verður að sjálfsögðu að loka fyrir að sauðsvartur almúginn fái að skemmta sér yfir öllu saman. Niður með Spaugstofuna, fréttaflutning af sukkinu, því sem stendur í blöðunum - hvernig eigum við að komast fyrir allt bloggið!!! Já nú eru góð ráð dýr!!!

[Stefán (IP-tala skráð) 29.1.2008 kl. 14:35]

Já Ólína ég sá að Karl Ágúst bræddi þig í Kastljósinu og þið voruð nú bara krúttleg andspænis hvort öðru. Hins vegar virðist borgarstjórinn vera með alveg ólæknandi húmorsleysi , en við því fást víst engin lyf.

[Gunnhildur (IP-tala skráð) 29.1.2008 kl. 17:00]

Jæja, Spaugstofan er venjulega mögulega leiðinlegasta sjónvarpsefni sem völ er á á laugardagskvöldum og hefur verið það síðastliðin 12 ár. Hins vegar dett ég inn í einstaka þætti og þátturinn sl. laugardag er sá fyrsti í mörg ár sem ég horfði á frá upphafi til enda. Og ég skemmti mér konunglega. Það var ekkert að þessum þætti. Þeir voru að taka fyrir opinberar persónur, eins og þeir gera alltaf. Af hverju í ósköpunum á Ólafur að fá eð vera eitthvað undanskilin því að vera tekinn fyrir? "Æi, af því að hann er búin að vera í veikindafríi, awww, aumingja hann."

Ég skil ekki þetta húmorsleysi sem hefur skyndilega gripið moggabloggara (og kannski nokkra í viðbót) núna.

"Æjæ, búhúhú, aumingja Ólafur að Spaugstofan gerði grín að honum."

Ég verð nú bara að segja það að ef að hann getur ekki tekið því að það sé verið að gera grín að umtölum um meint veikindi hans þá ætti hann nú bara að íhuga það að fá sér vinnu á bensínstöð (þar sem hann er í rauninnni best geymdur) þar sem enginn veit hver hann er heldur en að gegna opinberri stöðu sem þessarri. Hann bauð upp á þetta illa umtal með því að taka þátt í þessu, ef hann getur ekki tekið gagnrýni þá á hann ekki eftir að endast lengi.

Svo verðið þið öll búin að gleyma þessu á morgun.

[Vendetta, 29.1.2008 kl. 20:44]

Ég er ósammála Ólínu. Mér fannst Spaugstofan velheppnuð, aldrei þessu vant. Þeir gengu ekki of langt, þvert á móti. Húmorinn, háðið, gagnrýnin verður að vera beinskeyttari að mínu áliti. Það á ekki að hlífa stjórnmálamönnum.

[Eiríkur St. Eiríksson (IP-tala skráð) 30.1.2008 kl. 00:37]

Sæl öll.

Það að ætla að hafa hemil á fyndni er ekki á færi fólks nema sem hefur til þess völd. Skólameistarar geta reynt að banna slíkt innan veggja viðkomandi skóla og jafnvel gamlir skólameistarar geta staðið sig að því að reyna að hafa vit fyrir fólki, jafnvel þótt það sé komið til vits og ára. Eftir stendur að allt er þetta spurning um smekk. Utan allra stofnana, jafnvel RÚV, fær málfrelsið að njóta vafans.

Þótt mér finnist að Spaugstofan hafi gengið fram á ystu nöf í síðasta þætti sínum hvað varðar Ólaf F. Magnússon þá tel ég grínið réttlætanlegt. Það voru ekki Spaugstofumenn, sem gáfu upp boltann, þeir einfaldlega spörkuðu í hann. Telji einhverjir, sem eiga hagsmuna að gæta, að Spaugstofan hafi gengið of langt þá væri miklu betra fyrir viðkomandi að fara í mál við þá félaga í stað þess að væla hér á vefnum. Auðvitað er því ekki svo farið. Það kostar ekki neitt að viðra skoðanir sínar hér á vefnum - nema menn fari yfir strikið.

[Ólína Kjerúlf Þorvarðardóttir, 30.1.2008 kl. 09:04]

Þetta eru líflegar og skemmtilegar umræður - og augljóst að skoðanir eru skiptar.

Ég vil bara segja eitt að lokum í þessari lotu: Spaugstofumenn verða að geta tekið gagnrýni eins og aðrir. Mér fannst þeir ganga of langt, það er staðreynd - og ég er ekki ein um þá skoðun eins og sjá má. En það er líka ágætt að þeir Spaugstofumenn eiga sér verjendur, þeim veitir ekkert af því.

Málflutningur þeirra sem vilja að við þegjum yfir skoðun okkar á því sem okkur er boðið upp á í pólitík og sjónvarpi er ekki sannfærandi finnst mér. Síst þegar menn tala nú um það í öðru orðinu að nær sé bara að "fara í mál".  Þeir sem þannig tala eru of uppteknir af boðum og bönnum.

Eitt er að lýsa skoðun á skemmtiefni - það er langur vegur frá því annarsvegar og dómsölum hinsvegar.

[Geir Guðbrandsson, 30.1.2008 kl. 13:39]

Ósammála þér, sammála Magnúsi og öðrum, ekkert að þessu, besti þáttur spaugstofunar í langan tíma, ég sat í veislu þegar þátturinn var sýndur og þar var veikt fólk sem hraust, meðal annars afi minn sem er með krabbamein og að jafna sig eftir blóðtappa eða tvo og telst því frekar veikur maður, bæði líkamlega og andlega augljóslega líka og heyrðist ekkert í mannskapnum nema hlátrasköll og ég veit ekki betur en að veikasti maðurinn í húsinu, hann afi, hafi hlegið manna hæst.

Að skammast yfir þessu er hreinn tepruskapur og húmorsleysi.

 Ef Spaugstofan gerist svo undirgefin að biðjast afsökunar á þessu, ÞÁ FYRST eru þeir búnir að kasta frá sér því sem þeir standa fyrir og ÞÁ FYRST mun ég hætta að horfa á þá.

[Gísli Sigurðsson, 30.1.2008 kl. 22:57]

Ólína ég var að horfa á kastljósið á netinu, veistu ég held bara að þú sért að verð svona gömul húsmóðir úr Vesturbænum.

[Þórbergur Torfason, 31.1.2008 kl. 00:53]

Rakst á þessi ósköp á flakki mínu um bloggið.

Ég verð bara að taka undir með honum Gísla hér fyrir ofan mig.

Las fyrstu kommentin og lét það duga. Alveg óskiljanlegt þetta sjónarmið að ekki megi taka fullfrískan manninn til endurskoðunar í Spaugstofunni. Nú maðurinn var allavega fullfrískur samkvæmt læknisvottorði fyrir skömmu og hvað er þá að.

Hins vegar var annað verra í þessum þætti. Ég hef tekið eftir því margoft hvernig bíómyndir sem sýndar eru í ríkissjónvarpinu eru flokkaðar. Þar virðist ekki vera gerður mikill greinamunur á því hvort menn eru skotnir, stungnir eða barðir til bana eða óbóta, öllum aldursflokkum er fullkomlega heimilt samkvæmt siðapostulum kvikmyndaeftirlits að fylgjast grannt með því hvernig fólk er drepið og það helst sem flestir og á sem fjölbreyttastan hátt. Sjáist hins vegar ástaratlot eins eðlileg og hugsast getur, er umsvifalaust komið gult merki á skjáinn ég tala nú ekki um ef sést í bert hold annað en hendur og andlit þá kemur eldhnöttur á skjáinn eins og sjálfur svartidauði sé mættur. Sitt er nú hvað siðferðið í pílitísku samfélagi ja svei.

[Þórbergur Torfason, 31.1.2008 kl. 00:55]

Bara eitt að lokum.

Ert þú kannske í kvikmyndaeftirlitinu Ólína?

[Borkur Sigurdsson (IP-tala skráð) 31.1.2008 kl. 09:49]

Ólafur F er borgarstjóri í Reykjavík og að sjálfsögðu á að gea grín að honum jafnt sem öðrum stjórnmálamönnum sem eru í sviðsljósinu. Hvað varðar grín um veikindi einstaklinga og þá sérstaklega geðheilsu þá er það á gráu svæði. En ef maðurinn er frískur, hvert er þá vandamálið, ef ekki hvaða erindi á hann þá sem borgarstjóri? Mér fannst þátturinn á laugardaginn ekki fyndinn en mér ofbauð ekki.

[Ólína Kjerúlf Þorvarðardóttir, 31.1.2008 kl. 10:08]

Jæja, er þetta nú ekki orðið ágætt bara? Mér sýnist öll sjónarmið vera komin fram.