Ástin læknar allt

  Þetta er hugljúfasta saga sem ég hef lesið lengi - og sætasta mynd sem ég hef séð.

Vesalings litli apaunginn, aðeins 12 vikna gamall, missti móður sína og var að veslast upp úti í náttúrunni þegar honum var bjargað og komið fyrir á dýraspítala í Goangdong héraði í Kína. Hann var svo aðframkominn af ástleysi að hann sýndi ekki batamerki og var að dauða kominn.

Þá birtist hvíta dúfan - sem líka var sjúklingur á dýraspítalanum - og  varð honum til huggunar. Nú eru þau óaðskiljanleg, og sá litli tekinn að braggast. 

Þetta gæti verið barnasagan í ár. Frásögnin í heild sinni er  HÉR

 

Athugasemdir

[Greta Björg Úlfsdóttir, 14.9.2007 kl. 14:19]

En krúttlegt!!!

[Sigurður Þór Guðjónsson, 15.9.2007 kl. 12:18]

Hvað ætli margar miljónir barna standi í sporum apabarnsins og finna aldrei neinn svan? Þau deyja kannsi ekki líkamlega. En þau deyja nú samt. Hvað ætli þau séu mörg á Íslandi?

[Ólína Kjerúlf Þorvarðardóttir, 15.9.2007 kl. 12:37]

Já, Sigurður. Þau eru áreiðanlega mörg börnin í heiminum sem engan eiga að. Þetta litla apabarn og dúfan hans eru í mínum augum tákngerfingar fyrir svo margt - önnur börn heimsins, afleiðingar ástleysis og lækningarmátt kærleikans.

 Eigðu góðan dag - kveðja til kisa.