Laufskálinn með Lísu Páls í gær

 Í gær var ég í Laufskálanum hjá Lísu Páls. Þátturinn var tekinn upp á svölunum hjá mér hér í Miðtúninu - ég í sumarfríi og svona. Við Lísa höfðum komið okkur vel fyrir í sólinni með kaffibollana og hún byrjuð að taka viðtalið þegar brast á með hvimleiðum hávaða. Það var íslenska sumarhljóðið sem hvín um allar götur í þéttbýli: Vélorf!  Ungur maður í bæjarvinnunni hafði sett í gang með miklum tilþrifum hinumegin götunnar og var nú tekinn til við að slá gras af miklum móð. 

Við Lísa heyrðum vart hver í annarri og hrökkluðumst inn í stofu, þar sem viðtalið hélt áfram.

Þetta gekk bærilega held ég. Við ræddum allt milli himins og jarðar - dvöl mína hér vestra, viðskilnaðinn við Menntaskólann, framtíðarhorfur og fleira.

Hinsvegar láðist mér - eins og stundum áður - að láta vini og vandamenn vita í tíma (mamma verður alltaf jafn svekkt við mig þegar þetta gerist). Þannig að eftir þáttinn höfðu ýmsir samband sem höfðu ýmist misst af honum eða stórum hluta hans. Laufskálinn er ekki lengur endurtekinn á kvöldin (þó það hafi verið auglýst í Svæðisútvarpinu í gær, fyrir einhvern misskilning) - þannig að þeir sem áhuga hafa geta smellt á tengilinn hér fyrir neðan.  Þátturinn er 35 mínútur í flutningi - fyrst heyrist svolítið í Bjarna Fel (6 sekúndur) en svo kemur viðtalið.

Njótið vel.

http://dagskra.ruv.is/streaming/ras1/?file=4341304 

 

Athugasemdir

[Guðrún Jónsdóttir (IP-tala skráð) 18.7.2007 kl. 13:22]

Takk fyrir þennan Laufskálaþátt Ólína - ég hlustaði á hann í gærmorgun, fyrir tilviljun. Þetta var góður þáttur og gaman að hlusta.

[Ásthildur Cesil Þórðardóttir, 18.7.2007 kl. 16:42]

Þú stendur alltaf fyrir þínu Ólína mín.

[Skafti Elíasson, 18.7.2007 kl. 22:46]

Þetta voru orfararnir okkar

[Stefán Friðrik Stefánsson, 18.7.2007 kl. 22:56]

Skemmtilegt viðtal við þig Ólína. Hlustaði á þetta viðtal í morgun. Alltaf gaman af innihaldsríku spjalli.

mbk.

[Þóra Sigurðardóttir, 19.7.2007 kl. 01:15]

Þegar ég fer að sofa þá hef ég það fyrirreglu að hlusta á þætti eða leikrit eða framhaldssögur á Rás 1 og núna ætla ég að hlusta á Laufskálann með Lísu Páls og hlusta á þig Ólína. Ég hlakka mikið til. Ég er alveg að klára að pakka niður fyrir Austfjarðarferðina þar sem ég á mínar rætur.

Núna er ég og fartölvan komnar upp í rúm.

[Jón Steinar Ragnarsson, 19.7.2007 kl. 03:42]

Það má hlusta á þáttinn í töluverðan tíma á ruv.is - allavega átti eg svipað viðtal við Lísu mína í fyrra, með svipuðu ónæði, og gat vísað á ruv.is fyrir þá sem misstu af.  Svo....nú ætla ég að fara að finna þitt viðtal.

[Jón Steinar Ragnarsson, 19.7.2007 kl. 04:00]

LaufskálinnVona að þetta virki sem linkur.  Allavega má finna Linkinn HÉR.  Skemmtilegt viðtal.

[Jón Steinar Ragnarsson, 19.7.2007 kl. 04:06]

Fyrirgefið bullið. Pointið datt alveg úr þessari frábæru tæknimennsku hjá mér enda er linkurinn á blogginu það sem ég vildi benda á að klikka á dagatalið á síðunni (17.) Þar ætti að vera hægt að heyra þetta a.m.k. út mánuðinn. Sorry

[Ólína Kjerúlf Þorvarðardóttir, 19.7.2007 kl. 11:52]

Þakka ykkur öllum fyrir hlýlegar athugasemdir og þér Jón Steinar fyrir hjálparviðleitnina.  

Þá eru komnar MINNST FJÓRAR tengingar á þáttinn í þessu spjalli okkar  (tvær í færslunni minni og tvær í atugasemdum).  

Það er þá lítil hætta á að hann fari framhjá neinum sem á annað borð vill hlusta.

Hafið það svo reglulega gott í dag.