Hitað upp fyrir Hornstrandir

 

Síðustu dagar hafa verið helgaðir útivist og göngutúrum hér á Costa del Ísafjörður. Ekki seinna vænna að liðka sig aðeins og mýkja upp gönguskóna fyrir Hornstrandaferðina sem framundan erum næstu helgi  Það er hinn vaski gönguhópur "Höldum hæð" sem leggur þá í sína fjórðu ferð um Hornstrandafriðlandið.

Heiti hópsins tekur breytingum frá einu ári til annars eftir því hvað hæst ber í ferðum hverju sinni.  Þannig hefur þessi hópur borði heitin "Skítugur skafl" (2004),  "Ropandi örn" (2005) og nú síðast "Höldum hæð" (2006) - og verður forvitnilegt að vita hvaða nafngift ævintýri næstu helgar munu færa okkur. 

Eitt er víst að þessar ferðir eru tilhlökkunarefni - enda ferðafélagarnir frábærir í alla staði.

Til stóð að setja inn nokkrar myndir af upphituninni undanfarna daga þar sem veður og náttúrufegurð hafa verið með miklum eindæmum. Af einhverjum ástæðum gengur það brösuglega að koma myndunum inn, svo það verður að bíða betri tíma.

PS: Ég er að velta fyrir mér hvort myndirnar geti verið of stórar úr vélinni hjá mér - því myndir af netinu smella inn á síðuna án fyrirhafnar, hmmm.........   Þarf að finna út úr þessu.

 

 

Athugasemdir

[Aðalheiður Ámundadóttir, 16.7.2007 kl. 01:12]

   Nýkomin af Costa del vestfjörðum... og mig langar strax aftur. Helst á morgun!

[Ágúst Atlason (IP-tala skráð) 16.7.2007 kl. 10:14]

Sæl Ólína. Í sambandi við myndirnar þínar að þá er það rétt hjá þér, myndirnar eru of stórar beint úr myndavélinni. Ættir að finna þér hugbúnað sem býður upp á að minka myndir. 500-1000 pixlar á vídd er ágætis stærð til að "uploada" á netið.

Hérna er forrit frá Microsoft sem minnkar myndir með því að hægrismella á mynd eða myndir og velja svo stærð. Muna bara að copy-a fyrst orginal myndirnar svo þú minnkir ekki upprunalegar myndir ef þú vilt eiga þær þannig.

Vona að þetta hjálpi. 

[Fanney Björg Karlsdóttir, 16.7.2007 kl. 15:44]

Óska þér góðrar ferðar á Hornstrandir.. gekk þarna fyrir nokkrum árum og þetta er allveg himneskt

[Ólína Kjerúlf Þorvarðardóttir, 16.7.2007 kl. 17:23]

Takk fyrir góðar kveðjur - og Ágúst, bestu þakkir fyrir leiðbeiningar og góð ráð varðandi myndvinnsluna