Vísan bara braust fram

 

• Leikar æsast meir og meir,
• margt er lífsins tálið,
• bréfið samdi Geir frá Geir
• en Geir veit fátt um málið

                          

• Já, bréfið samdi Geir frá Geir,
• glæstu lofi þrungið
• vegna þess að greyið Geir
• getur ekki sungið
•                            ...... tja, nema Nancy aðstoði hann

Geir Ólafs hafnar ásökunum um falsað bréf

Athugasemdir

[Sveinn Arnarsson, 3.7.2007 kl. 16:14]

BWAHAHAHAHA, frábær

[Jenný Anna Baldursdóttir, 3.7.2007 kl. 16:43]

Snilld.  Gæti maður fengið smá í viðbót.  Þú ert svo asskoti mögnuð í þessari deild.

[Kolbrún Baldursdóttir, 3.7.2007 kl. 17:07]

Ég hef ákveðna samúð með þessum strák, held hann sé að reyna að gera góða hlutin en er eitthvað óheppinn. En jú vísan er góð

[Gísli Bergsveinn Ívarsson, 3.7.2007 kl. 17:10]

Vísan er góð

[Ólína Kjerúlf Þorvarðardóttir, 3.7.2007 kl. 17:52]

Sæl verið þið.

Geir Ólafs er fínn strákur - og hugmyndin að fá Nancy Sinatra til Íslands er góð. Það væri mjög skemmtilegt og nostalgískt að mæta á tónleika hjá henni, ég tala nú ekki um ef hann fengi að syngja með henni eitt lag eða tvö.

Þetta bréfamál er hinsvegar eitthvað óskiljanlegt - og hvernig í ósköpunum komst DV í þetta bréf, ef það hefur aldrei farið út tölvunni hjá Geir? Mjög skrítið alltsaman.

En það var púkinn á vinstri öxl sem samdi þessa vísu og setti hana inn. Vona bara að Geir hafi það góðan húmor fyrir sjálfum sér að hann fyrirgefi mér.

[Edda Agnarsdóttir, 3.7.2007 kl. 19:51]