Skellurnar með gullið -- og Ísafjörður með Öldungamótið!

   Skellurnar (blakliðið mitt ) komu heim af Öldungamótinu sem haldið var í Garðabæ um helgina með GULL og FARANDBIKAR. Þær gerðu sér lítið fyrir og UNNU (sína deild)  Engar smá (S)kellur!

Ekki nóg með þetta - fyrir mótið sóttum við um að fá að halda Öldunginn hér vestur á Ísafirði á næsta ári - og það var samþykkt! Þetta eru góðar fréttir fyrir Ísafjörð.

 Nú naga ég mig í bæði handabök fyrir að hafa ekki skellt mér með þeim: En ég hugga mig við að ég fékk þó að vera með í þvi að semja þakkarræðuna fyrir það traust sem okkur er sýnt með því að úthluta okkur Öldungamótinu á næsta ári. Þær sömdu efnispunktana ég fékk að koma þeim í  bundið mál, og lagði þar með mitt af mörkum - eða þannig .

Öldungamótið er ekkert smáverkefni. Þarna koma saman um 100 keppnislið karla og kvenna af öllu landinu - svo auðvitað erum við hrærðar og þakklátar (og strax farnar að stressa okkur auðvitað), eins og vera ber:   

•  Heiður stór og æra er
• Öldungsmót að halda 
• því hátíðlega heitum vér
• höfðinglega að valda.

 

• Fjörður ísa fagur blár 
• fagnandi nú bíður
• til leiksins mætir eftir ár 
• Öldungshópur fríður!

 

Athugasemdir

[Haukur Snorrason (IP-tala skráð) 2.5.2007 kl. 13:07]

Til hamingju með þetta allt saman.  Við í Rimum Dalvík erum strax farin að hlakka til næsta árs.