Naktir vegagerðarmenn: Frábær mótmæli!

 Vestfirskir vegagerðamenn hafa ákveðið að  mótmæla með afar athyglisverðum hætti afleitum vegsamgöngum í fjórðungnum. Þeir segja að nú sé mælirinn fullur, þeir geti ekki lengur setið aðgerðarlausir með hendur í skauti. Vegasamgöngur á Vestfjörðum séu klárt brot á mannréttindum.

Og hvað ætla mennirnir að gera? Haldið ykkur! Þeir ætla að láta mynda sig nakta á vegum úti, og fylgja þannig fordæmi kanadískra karlmanna. Þetta kemur fram á skutull.is í dag.

Með þessu vonast þeir til að vekja athygli sem flestra á að samgöngubóta sé mikil þörf, svo Vestfirðingar komist inn í 21stu öldina. Í framhaldinu ætla þeir að láta útbúa dagatal með myndunum og fer ágóðinn af dagatalinu í jarðgangasjóð sem þeir hafa stofnað. Ljósmyndarinn Spessi hefur lagt verkefninu lið og mun mynda vegagerðamennina á næstu misserum, en dagatalið sem er fyrir árið 2009 kemur út í haust.

Spessi segir þetta vera spennandi verkefni. Hann hefur tekið nokkrar prufur sem hann segir að komi vel út - sjá til dæmis þessa hér.

Athugasemdir

[Gísli Baldvinsson (IP-tala skráð) 1.4.2008 kl. 10:40]

Ég styð berar vegaframkvæmdir á vestfjörðum. Hér á Akureyri fara allir í sund, sjá blogg.

[Jenný Anna Baldursdóttir, 1.4.2008 kl. 15:59]

Úlalala, ég er á leiðinni vestur.

[Guðrún Helgadóttir, 1.4.2008 kl. 16:40]

Hraustir menn, vegagerðarmenn á Vestfjörðum - spurning hvort þetta er ekki hugmynd sem lifir daginn af?

[Steini Briem (IP-tala skráð) 1.4.2008 kl. 17:23]

Eitt sinn gekk ég áleiðis til Bolungarvíkur frá Hnífsdal og á leiðinni stöðvar ung rauðhærð dama sjálfrennireið sína og býður mér far. Ég sagðist því miður ekki hafa tíma til að ferðast með henni eftir veginum, því það væri mikið fljótlegra fyrir mig að fara þessa leið í jarðgöngum og ég ætlaði því að bíða eftir þeim. Og nú eru þau loksins að koma. Þá var ég ungur og vitlaus en nú er ég bara ungur.

[Lára Hanna Einarsdóttir, 1.4.2008 kl. 17:35]

  Vonandi verður af þessu einhvern tíma í alvöru! 

[Steini Briem (IP-tala skráð) 1.4.2008 kl. 17:50]

Eða Bolungavíkur. Hún heitir víst eftir íbúunum eða íbúanum þar, Bolungunum eða Bolunginum, og ég man aldrei hvort þeir eru einn eða tveir.

En ég held að vestfirskar yngismeyjar myndu bara aka út af veginum í blöskrun og forundrun, ef þær sæu bera ókvænta karlmenn fyrir vestan. Þær hafa ekki séð svoleiðis svo lengi og fara annað hvort suður eða til útlanda til þess.

[Lilja Einarsdóttir, 1.4.2008 kl. 19:43]

Ég verð fyrsta manneskjan á staðinn að skoða gripina ;)

[Lára Hanna Einarsdóttir, 1.4.2008 kl. 20:44]

Hver segir að þeir þurfi endilega að vera ókvæntir, Steini Briem...? Hvers eiga hinir kvæntu að gjalda? 

[Steini Briem (IP-tala skráð) 1.4.2008 kl. 22:51]

Lára mín Hanna. Það er nú nóg af kvæntum mönnum fyrir vestan, þannig að ég reikna fastlega með því að vestfirskar ungmeyjar hafi séð þá fáklædda. Alla vega einhverja, en það er allt búið með unga og ókvænta menn fyrir vestan, nakta eða ekki nakta. Þeir eru annað hvort farnir í verið fyrir sunnan, eða þá að spóka sig allsberir í útlöndum, því þar eru nú hlýindin og endalaus þurrkurinn.

[Ásdís Sigurðardóttir, 1.4.2008 kl. 23:30]

Hefði ég séð þetta í morgun þá væri ég komin vestur