Skemmtileg áramót - og skaupið bara ágætt

Þetta voru skemmtileg áramót og skaupið bara ágætt. Ég hló að minnsta kosti, ekki síst þegar við bloggararnir fengum á baukinn. Mér fannst það bara smellið.

Annars var svona ýmist hvort þeir sem með mér voru hlógu - mamma er á níræðisaldri, og hún var ekki mjög hrifin. Krakkarnir voru svolítið spyrjandi á svip stöku sinnum. En svona í heildina var þetta bara ágætt. Það lá líka svo vel á öllum, að ég held við hefðum hlegið að hverju sem var.

Að þessu sinni héldum við áramótin hátíðleg á rólegu sveitahóteli í nágrenni höfuðborgarinnar - Völlum í Ölfusi - sem við höfðum alveg út af fyrir okkur. Ekki amalegt það  

Þarna reka systir mín og mágur hestaleigu og vistvæna ferðaþjónustu ásamt fleirum. Þau buðu okkur að koma og eyða gamlárskvöldinu með þeim í kyrrð og ró - hótelið autt yfir aðal hátíðarnar og nóg gistirými. Við þáðum það með þökkum og sjáum ekki eftir því.

 Eins og sjá má höfðu þau hjónin  (Sigurjón og Halldóra) í ýmsu að snúast í eldhúsinu meðan verið var að matbúa kalkúninn

Allir lögðu eitthvað í púkkið í mat og drykk - svo borðuðum við saman dýrindis kalkún og ýmsa eftirrétti, horfðum á fréttaannálinn og skaupið í sameiningu. Fjölskyldufeðurnir skutu upp flugeldum - og voru sýnu áhugasamari við þá iðju en afkomendur þeirra . Eftir miðnætti fór unga fólkið akandi í bæinn til þess að skemmta sér, en elsta og yngsta fólkið sló sig til rólegheita.

  Frændsystkinin gera sig klár fyrir brottför. Fv. bræðurnir Sigurjón Bjarni og Þorvarður Sigurjóns og Halldórusynir, þá Magdalena (Maddý), Pétur og Saga Sigurðar og Ólínubörn.  

Einhvern tíma hefði maður nú vakað (og sofið) lengur um áramót - öðruvísi mér áður brá. En tímarnir breytast og mennirnir með. Það var gott að vakna hress og endurnærður á nýjársdagsmorgun - með fögur fyrirheit og uppbyggilegar áætlanir fyrir nýja árið.

 

Áramót

 

Enn vaggar tíminn

nýfæddu ári

í faðmi sínum

 

við deyjandi glæður

af bálför þess liðna

horfa hvívoðungsaugu

í myrkar sjónir

óræðrar fyrndar

                                       (ÓÞ: Vestanvindur, 2007)

Athugasemdir

[Ragnheiður , 1.1.2008 kl. 17:32]

Missti af þessu skaupi vegna vinnunnar minnar en ég vildi óska þér gleðilegs árs og þakka fyrir árið sem er nýliðið. Les ansi oft en ég er léleg að kvitta.

[Brjánn Guðjónsson, 1.1.2008 kl. 19:02]

við og þið fengum á baukinn þarna. farsælt ár til handa þér.

[Hallgrímur Óskarsson (IP-tala skráð) 1.1.2008 kl. 20:52]

Vil óska þér gleðilegs nýs árs Ólína með kærum þökkum til þín fyrir áhugaverðar færslur og skoðanir hér á blogginu þínu.  Kveðjur, Hallgrímur Óskarsson

[Sesselja Fjóla Þorsteinsdóttir, 1.1.2008 kl. 21:28]

Megi gæfa og gleði fylgja þér á nýju ári !

[Jónína Benediktsdóttir (IP-tala skráð) 1.1.2008 kl. 23:08]

Thu varst lang besti álitsgjafin í Silfri Egils. Gleidilegt ár. kvedja Jónína Ben

[Jónína Benediktsdóttir (IP-tala skráð) 1.1.2008 kl. 23:10]

álitsgjafinn og Egils.... Gledilegt  svona er thetta á minni tolvu tómar stafsetningarvitleysur sem ég tholi alls alls ekki.

Vertu nú raunsae kona og skodadu samfélagid í naermynd!!!

[Jónína Benediktsdóttir (IP-tala skráð) 1.1.2008 kl. 23:14]

Sorry Ólína......álitsgjafinn og Egils Vitlaust stafad ... Gledilegt ár   svona er thetta á minni tolvu tómar stafsetningarvitleysur sem ég tholi alls alls ekki.

Vertu nú raunsae kona og skodadu samfélagid í naermynd!!! Thú tharft ad haetta ad flokka fólk med eda á móti Davíd!! Vid thurfum thad oll. Thín Jónína

[Þóra Sigurðardóttir, 1.1.2008 kl. 23:24]

Gleðilegt ár Ólína bloggvinkona mín

Mér finnst það eigi að skylda einn fjölskyldumeðlim í hverri fjölskyldu að reka hótel

Mín fjölskylda er orðin svo löt ( enda teljum við 50 + ) að engin nennir að hitta neinn og allir vilja bara vera heima hjá sér um áramótin nema..... þeir sem eiga tengdafjölskyldu sem ekki er dauð úr öllum æðum Kannski er það vegna þess að engin á hótel ! í þessari fjölskyldu minni

Takk fyrir góð og fróðleg blogg á liðnu ári, mín kæra.

[Guðrún Fanney Einarsdóttir (IP-tala skráð) 2.1.2008 kl. 04:43]

sæl frænka;) ætlaði að segja gleðilegt ár og er sammála að þetta var bara hið ágætasta skaup!! langaði líka að segja þér að ég náði loksins stúdentnum núna um jólin ásamt því að eiga barn 16. desember;) vonandi sjáumst við á þessu ári.

[Einar Bragi Bragason., 3.1.2008 kl. 00:28]

ááááááárrrrrrrrrrrrriiiiiiðððððððððððððððð

[Marta B Helgadóttir, 3.1.2008 kl. 01:03]

Email til þín.