Lóan er komin. Gleðilega páska!

 Það er sólarglenna og hæglætisveður hér á Ísafirði þennan páskamorgun. Í gær sást til heiðlóu á Holtsodda í Önundarfirði. Hrossagaukur sást í Haukadal í Dýrafirði og æðarkóngur við Höfða.

 Já, vorið er á næsta leiti - og vonandi fylgir því betri tíð fyrir land og lýð.

Aldrei fór ég suður hátíðin stóð fram eftir nóttu og við heyrðum daufan óminn berast yfir bæinn þegar við fórum að sofa í gærkvöld. Það virtist vera góð og vandræðalaus stemning í kringum tónleikana. Þegar ég kíkti var Hemmi Gunn að rifja upp gamla takta við mikinn fögnuð. Salurinn var troðfullur út úr dyrum.

Húsið hjá mér er fullt af gestum um hátíðarnar. Tvö barnanna minna komu að sunnan ásamt tveimur vinum sínum fyrr í vikunni. Hér hafa líka verið nætur gestir í tengslum við kosningastarfið, þannig að hér er hvert fleti skipað, eins og oftast um þetta leyti. Bara gaman af því.

Sjálfsagt munum við skella okkur á skíði seinna í dag. Svo verður kíkt á kosningamiðstöðina, og eldað eitthvað gott í kvöld.

Ég óska ykkur öllum gleðilegra páska kæru lesendur og vinir!

 

Athugasemdir

[Jóhannes Guðnason, 12.4.2009 kl. 11:07]

Sömuleiðis Ólína mín,ég sé að það er gull fallegt veður fyrir vestan,bið kveðju til Sigga,og njótið þið páskanna,Gleðilega Páskakveðja að Sunnan.

[Sigrún Jónsdóttir, 12.4.2009 kl. 11:15]

Páskakveðjur til ykkar allra

[Gísli Baldvinsson (IP-tala skráð) 12.4.2009 kl. 13:19]

Gleðiilega páska, sjáumst á lokasprettinum.

[Sigurður Þór Guðjónsson, 12.4.2009 kl. 13:31]

Gleðilega páska!

[Ingibjörg Hinriksdóttir, 12.4.2009 kl. 15:02]

Sæl Ólína, ég óska þér og þínum gleðilegrar páksahátíðar.

 Bestu kveðjur

[Kolbrún Baldursdóttir, 12.4.2009 kl. 15:32]

Gleðilega páska sömuleiðis Ólína mín og gangi þér vel í pólitíkinni. Þar eru ærin verkefni og þú einmitt rétta manneskjan til að takast á við þau.

[Sævar Helgason, 12.4.2009 kl. 16:46]

Gleðilega páska . Nú er vetri að ljúka og ilmur vorsins að boða nýtt líf og gróanda. Og nú er að vona að þjóðin fái hliðstæða vorboða í kosningunum 25. apríl, sem boða okkur nýtt upphaf og gróanda í þjóðlífinu.  Þú er einn af þessum vorboðum, Ólína... en við þurfum marga.

[Rakel Sigurgeirsdóttir, 12.4.2009 kl. 16:52]

Afi minn, sem er búsettur á Ísafirði, er vanur að segja ef maður spyr hann að veðri að það sé alltaf svo hroðalega gott veður fyrir vestan. Kannski ýkir hann bara ekkert þar um eftir allt saman

Gleðilega páska!

[Ía Jóhannsdóttir, 12.4.2009 kl. 17:23]

Gleðilega páskahátíð. 

[Guðrún Katrín Árnadóttir, 12.4.2009 kl. 18:43]

Það er svo gaman þegar svona mikið er um að vera í kringum mann.

Óska ykkur tilhamingju með þessa velhepnuðu hátíð fyrir vestan.

Takka fyrir síðast ( landsfundinn) og gleðilega páska.

Vona að framundan verði fengsælt vor fyrir Samfylkinguna.

Bið að heilsa manninum þínum

[Einar Áskelsson (IP-tala skráð) 12.4.2009 kl. 19:45]

Gleðilega páska Ólína, takk fyrir kveðjuna og gangi þér vel á lokasprettinum í kosningabaráttunni.

[Ásgeir Jóhann Bragason, 12.4.2009 kl. 19:53]

Mikið eru þetta fallegar fréttir Ólina og svo sannarlega vona ég að séu fyrirboði góðrar framtíðar fyrir land og þjóð ,er Æðarkóngurinn við Höfða Mývatni þar er fallegt.

[Emil Örn Kristjánsson, 12.4.2009 kl. 21:37]

Gleðilega páska. Sástu lóu?

[Hilmar Gunnlaugsson, 12.4.2009 kl. 23:56]

Gleðilega páska og gangi þér vel í kosningunum Ólína mín.

[Jóna Á. Gísladóttir, 13.4.2009 kl. 10:20]

Gleðilega hátíð Ólína. Langar að þakka þér fyrir fallegt komment mín megin. Það er varla að ég opni bloggið þessa dagana, en tek þó tarnir.

Gangi þér vel í kosningunum.