Falleg mynd úr heimabyggð

Loksins tókst mér að setja inn í heimasíðuhausinn hér fyrir ofan, fallega mynd úr heimabyggðinni.  Hef stefnt að því lengi, enda leiddist mér þessi fjallgarður sem ég hef setið uppi með hingað til - og taldi víst að væri landslagsmynd frá Ameríku. Góður maður hefur nú reyndar bent mér á að þetta séu fjöllin við Landmannalaugar - en hvað um það, vestfirsk voru þau ekki. 

Nú er semsagt komin viðeigandi mynd sem sýnir Pollinn okkar í ljósaskiptunum og hinni rómuðu ísfirsku kvöldkyrrð. Myndin er tekin af Ágústi Atlasyni, sem var svo einstaklega elskulegur að hjálpa mér að koma henni inn á síðuna - því án hans hefði mér ekki tekist það. Svo mikið er víst.

Ágúst tekur frábærar myndir. Hann er með ótrúlega flotta myndasíðu á netinu, sem er vel þess virði að skoða.

Athugasemdir

[María Anna P Kristjánsdóttir, 20.10.2007 kl. 17:31]

Þetta yrði pabbi ánægður með enda fæddur og uppalinn í Djúpinu.

[Ólína Kjerúlf Þorvarðardóttir, 20.10.2007 kl. 17:39]

Nú jæja - eru það Landmannalaugar?  Þær eru svosem ekki alveg "næsti bær" við Ameríku - en nógu langt frá Vestfjörðum til að virka framandi. 

[Hallgerður langbrók (IP-tala skráð) 20.10.2007 kl. 17:58]

Gæti ekki unnið mér það til lífs að segja hvaðan myndin er,en falleg er hún.Mikið er ég svekt að hafa ekki aðgang að stöðinni hans Ingva Hrafns,er nokkuð klár á að þátturinn þinn verðu góður.Þú ætlar að ræða við nokkrar konur,konur sem eru ekki endilega áberandi á síðum dagblaða eða glanstímarita,konur sem hafa örugglega mikið að segja.Trúlega fer ég af bæ til að fylgjast með,veit að þetta verður athyglisvert.

[Ásdís Sigurðardóttir, 20.10.2007 kl. 21:51]

Falleg nýja myndin þín. Ég fór á linkinn og skoðaði myndirnar þar, rosalega fallegar.

[Halldór Sigurðsson, 20.10.2007 kl. 22:10]

Og falleg er myndin - og hvar er tengillin á nýju sjónvarpstöðina hans ingva hrafns ?

[Jóna Á. Gísladóttir, 21.10.2007 kl. 00:07]

Ofboðslega falleg mynd

[Marta B Helgadóttir, 21.10.2007 kl. 01:13]

Gullfalleg mynd.

[Bros, 21.10.2007 kl. 01:19]

Stórkostleg mynd og ekki eru myndirnar hans á "flickrinu" síðri

[Þórarinn Þ Gíslason (IP-tala skráð) 21.10.2007 kl. 02:08]

Ekki neita ég því að POLLURINN og KUBBURINN séu flott saman.Óneitanlega hugljúf mynd úr heimahögum.

[Ólína Kjerúlf Þorvarðardóttir, 21.10.2007 kl. 12:23]

Takk fyrir öllsömul.

Varðandi tengilinn á nýju sjónvarpsstöðina (ÍNN, rás-20 á Digital Ísland) - þá er hún ekki komin á netið enn. Þessir fyrstu útsendingardagar ganga eitthvað brösuglega vegna tæknivandamála sem ég kann ekki að nefna. En ég mun tengja á stöðina um leið og hún kemur á netið.

[Heimir Lárusson Fjeldsted, 21.10.2007 kl. 12:54]

Fallegur Skutulsfjörður,

firn er hann spegilsléttur

[Sigurbjörg Sigurðardóttir, 21.10.2007 kl. 13:38]

Mjög fallegar mindir,hvernig fer ég að að komast inn á síðuna hans?,ætla að senda vinum mínum úti svo þau geti notið þessi dírðindi.

[Óskar Þorkelsson, 21.10.2007 kl. 15:28]

Afskaplega falleg mynd sem vekur upp minningar að vestan og textan hans bubba : Það var kyrrlátt kvöld við hafið, ryðgað bárujárnið.....

[Ólína Kjerúlf Þorvarðardóttir, 21.10.2007 kl. 23:28]

Það er tengill inn á síðuna hans Gústa hérna vinstra megin, undir yfirskriftinni "áhugavert".

[Ólína Kjerúlf Þorvarðardóttir, 21.10.2007 kl. 23:46]

Úbbs ... fyrriparturinn hans Heimis Fjeldsted fór næstum framhjá mér:

Fallegur Skutulsfjörður

firn er hann spegilsléttur

(ég botna) 

Í kyrrðinni sefur svörður,

svífur andvarinn léttur.