Sumar í borginni

Nokkrir góðir dagar í Reykjavík standa yfir núna. Við hjónakornin brugðum okkur af bæ og höfum verið í borgarleyfi þessa viku. Þá sjaldan við gefum okkur tíma í bænum er svosem alltaf nóg að gera. Við höfum verið að dytta að húsinu okkar hér á Framnesveginum, hirða garðinn og stússast. Þannig að "frí" er auðvitað ekki rétta orðið yfir þessar borgardvalir. En það samt afslappandi að taka til hendi þegar tími gefst til og ákveðin hvíld að fást við eitthvað annað en atvinnuna (þó hún sé nú sjaldnast langt undan).

Veðrið hefur leikið við okkur og fyrir vikið kemur maður ekki eins miklu í verk og upphaflega var áætlað. En hvað um það - sólin skín og nú er sumar í borginni. Smile


« Síðasta færsla | Næsta færsla »

Athugasemdir

1 Smámynd: Jenný Anna Baldursdóttir

Sólarkveðjur til þín.

Jenný Anna Baldursdóttir, 12.6.2008 kl. 13:01

2 Smámynd: Aðalheiður Ámundadóttir

Mig langar svo í garð. Nei annars mig langar í heila sveit. Helst fyrir vestan...

Aðalheiður Ámundadóttir, 12.6.2008 kl. 15:26

3 Smámynd: Ía Jóhannsdóttir

Væri alveg til í að vera núna heima og spássera um Austurvöll og nágrenni.  Njóttu sólardaga og borgarlífs.

Ía Jóhannsdóttir, 12.6.2008 kl. 18:01

4 Smámynd: Edda Agnarsdóttir

Hafðu það gott í borginni!

Edda Agnarsdóttir, 12.6.2008 kl. 18:50

5 Smámynd: Bjarni Kjartansson

Þú skrifaðir um ljót hús sem urðu á lið þinni inn í borgina.

Um þetta skalt þú rífast við R-lista-liðið sem gerspillti allmörgum stöðum í Rvík og eru þessi hús sko ekki verstu hervirkin sem unnin voru á okkar fögru borg.

 EÞtta lið samþykkti hverja bommertuna af annarri svo sem breytingarnar við Lindagötuna,  þar sem ,,stúdentaíbúðir án bílastæða" áttu að rísa.

Risin eru húsin (semað mínum smekk eru einfaldlega ljót) en bílar fylgja þeim líkt og öðrum, munurinne r, að íbúarnir sem áður höfðu ,,sín" stæði geta nú ekki róði á mið lengur og árekstrar eru tíðir þarna.

 Víaðr í grónum hverfum er þetta uppi.  Jafnvel við Sóleyjargötu, t´kst þessu liði að breyta einbýlishúsi, sem var með tveimur einkastæðum í 8 íbúða(gistirýma) hús með EINU bílastæði, þar sem annað fór undir ramp fyrir hjólastóla.

Skýringin var sú, að það væri svo gaman að fólk kæmi til Rvíkur og gæti gengið allra sinna ERINDA frá dvalastað.

Komuð þið nokkuð áeinkabíl????

Gangið þið ekki allra ykkar ferða??

Nei Blessaðir kennararnir sem orlofshúið sækja eru í standandi vandræðum með bílastæði og svo einnig íbúarnir sem búa við Fjólugötuna og Sóleyjargötuna, þeir sem ekki búa svo vel að á EIGNARLÓÐUM þeirra sé bílastæði.

Nota bene; tila ð þessi gernigur stæðist skipulagslög, var einbýlishúsinu breytt í ,,Frístundahús" sem er kerfis-nafn á Sumarbústöðum.

Semsé vilji og hagsmunir íbúa er Rlistaliðinu gersamlega í léttu rúmi, líkt og oft er með vinstra liðið.

Schásescku var einmitt svona, hann VISSI hvað var almenningi fyrir bestu.

Lestu greinagerðir núverandi ráðherra skipulagsmála með frumvarpi til laga um skipulagsmál sveitafélaga og ,,Landsskipulag".

Þar er félagi Schásescku í fullu fjöri.

Vonandi líður þér sem best hér syðra en þegar ég bjó fyrir vestan, var þetta hvað fallegasti tíminn, dauðalogn á miðunum og yndislegt að skaka undir myndlistasýningu Drottins þá Sólin snerti hafflötinn og fjöllin breyttu um liti og karakter.

Tímdi sjaldan að fara ,,suður" á þessum tíma, nema þegar skyldan kallaði, svo sem endurmenntunar námskeið hjá KHÍ en þa´var ég við kennslu í raungreinum.

Mundu bara, að vinstra liðið er nánast ætíð í ofstjórnunargír.

Miðbæjaríhaldið

fyrrum Vestfjarðaríhald

Bjarni Kjartansson, 13.6.2008 kl. 09:30

6 Smámynd: Tiger

Já mín kæra Ólína, veðrið undanfarið hefur verið stórkostlegt. Sjálfur hef ég notið þess að hafa tíma öðru hvoru sem ég hef eytt útivið og er orðinn bara kaffibrúnn. Það er víst frekar blaut spá framundan samt - en maður vonar nú að sumarið verði bara ljúft og sæmilega þurrt. En, eigðu ljúfa helgarrest mín kæra og vegni þér vel í góðviðrinu.

Tiger, 14.6.2008 kl. 23:13

7 identicon

Sæl Ólöf.

Er allt í Vestur hjá ykkur hjónunum?

Þórarinn Þ Gíslason (IP-tala skráð) 16.6.2008 kl. 02:53

8 Smámynd: Ólína Kjerúlf Þorvarðardóttir

Þú meinar sjálfsagt ÓLÍNA  Þórarinn.

Vestrið er góð átt - þaðan koma stundum hressandi vindar og mildur blær. Þar sest sólin í fögrum litum að kvöldi. Þangað stefndu íslendingar áður og fyrr í leit að betra lífi og fundu margir hverjir uppfyllingu drauma sinna.

Í Vesturbænum hafa skáldin ort um fegurð vorkvöldsins og á Vestfjörðum er fagurt um að litast.

 

Ólína Kjerúlf Þorvarðardóttir, 16.6.2008 kl. 12:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband