Of langt gengið

 Í fyrstu var ég hrifin af aðgerðum flutningabílstjóra - fannst þetta svona svolítið "franskt" hjá þeim að loka bara leiðum, þeyta flautur og láta að sér kveða.

En svo fóru að renna á mig tvær grímur. Þeir virðast ekki bara vera að mótmæla háu eldsneytisverði. Þeir vilja líka undanþágur frá evrópskum öryggis- og vinnuverndarreglum um vökutíma atvinnubílstjóra. Þeir vilja fá að aka lengur og sofa minna. Eins og hálfsofandi, útkeyrðir þungaflutningabílstjórar séu það sem okkur vantar á vegi landsins? Nóg er nú samt að mæta þessum gríðarstóru tækjum á fullri ferð á vegum utan þéttbýlis, þó maður þurfi nú ekki að eiga á hættu að þeir séu sofandi við stýrið.

Nú bætast við fréttir af ryskingum og handtökum - konur með börn á handlegg á hlaupum undan piparúða lögreglunnar, sem er orðin "grá fyrir járnum" ef svo má að orði komast.

Eiginlega er þetta farið að ganga fram af manni - og framganga allra hlutaðeigandi er orðin aðeins of ýkt. Þá á ég bæði við lögreglu, bílstjórana og svo ýmsa sem virðast hanga utan á þessum mótmælum og ýta undir ókyrrðina.

Lögreglan virðist ganga fram af óþarfa hörku - ef marka má fréttamyndir og frásagnir vitna.

Og það gera líka þeir sem kasta grjóti. Hvað eru menn að kasta grjóti? Hvurslags er þetta eiginlega?

„Alltof harkalegar aðgerðir“

Athugasemdir

[Ólína Kjerúlf Þorvarðardóttir, 23.4.2008 kl. 16:10]

Þessi tengill er ekki að virka - því miður.

[Heiða B. Heiðars, 23.4.2008 kl. 16:32]

Ég er í sömu sporum... Varð uppveðruð af aðdáun til að byrja með. Hef tekið U-beygju í áliti mínu á þessari framkvæmd þeirra

[Heiða B. Heiðars, 23.4.2008 kl. 16:33]

http://thrainn.eyjan.is

[Tiger, 23.4.2008 kl. 17:04]

Ég er alfarið á því að ef trukkabílstjórar hefðu lagt frá upphafi bílum sínum á allar bensínstöðvar höfuðborgarsvæðisins og stöðvað verzlun með bensín og olíu - þá væru fá sem engin vandamál í gangi í dag. Í gær var "óþolinmóður" bílstjóri sem sat fastur í teppunni handtekinn fyrir að reyna, á vitlausan hátt reyndar, að komast leiðar sinnar!! Nú verður hann kannski dæmdur í sekt eða something. Bara útaf hamagangi trukkakarla í umferðinni. Að mínu mati eiga trukkakarlar að borga þá sekt!

Núna logar allt í þjóðfélaginu og allir þeir sem áður hafa haft eitthvað á móti lögum og reglu eða lögreglu  yfir höfuð - saman komnir til að atast og hamast í lögreglunni??? Bíddu við - allt þetta vegna lögbrota trukkabílstjóra og hamagangs þeirra í umferðinni... við hverju hreyfir þetta? Engu sem skiptir máli og er löngu komið út fyrir það sem málið á að snúast um.

Allir kjánar, lögbrjótar, unglingar og óvitar höfuðborgarsvæðisins eru nú komnir til að leika með - ekki til að styðja mótmæli eða trukkabullur - nei - til að kasta eggjum og grjóti í lögreglu eins og gert er erlendis! Þetta er afrakstur þess að trukkabílstjórar hamast uppvið vitlaust tré að mínu mati.

Ef þeir hefðu blokkað bensínstöðvar og stoppað verzlun með bensín- og olíu - þá hefðu þeir strax hreyft við þeim sem sannarlega geta eitthvað gert í málunum. Lykil- og topp menn olíufélaganna hefðu ekki setið aðgerðalausir og brosandi, líkt og þeir gera núna, ef trukkarnir hefðu stöðvar þeirra bizzness. Þeir hefðu strax herjað á ráðamenn og ríkisstjórn í þeim tilgangi að gera eitthvað í málunum, gruna ég. Lykilmenn í þessum málum og toppmenn eru þeir einu sem geta gert eitthvað, ýtið við þeim og þá fer boltinn af stað - engin óþolinmóður eða óður á götum borgarinnar og engir fávitar að kasta eggjum og grjóti í lögreglu sem nú berst við að halda reglu og lögum réttum. Allur glundroði og sundurleiti það sem einkennir landann núna er það sem trukkabullurnar eru núna búnar að framkalla! En ... auðvitað kenna flest allir lögreglu um, ekki satt? Ég styð mótmæli sé að lögum farið og æsingur ekki til staðar, en ég er á móti svona óráðsíu. Takk fyrir mig Ólína og eigðu ljúfan dag.

[Jón Aðalsteinn Jónsson, 23.4.2008 kl. 17:45]

Sagan hefur kennt okkur að þegar almúginn fær loksins nóg skeður hitt og þetta rétt eða rangt ef almúgi i Frakklandi hefði ekki risið upp þá væri ekki lýðveldi í Frakklandi. Þar sátu stjórnvöld sofandi og fræg eru orð drottningar af hverju sveltandi almúginn borðað ekki bara kökur Kannski hefur Íslenskur almúgi loksins verið klipin of mikið Svo má velta fyrir sér hvað lánshæfismatið versnar þegar  berst um heiminn óeirðir á götum Reykjavíkur. Eg er ekkert sérstaklega fylgjandi málstað trukkabílstjora en ég virði rétt þeirra til að mótmæla. Það hefur ekki verið talað mikið um það að þegar reglugerðin um hvíldartíma var tekin upp var einnig i henni heljar pakki sem að  stjórnvöld áttu að uppfylla  sá hluti hefur aldrei verið uppfylltur heldur bara það sem sneri að lýðnum og það er þannig viðar að stjórnkerfið reynir að sleppa og vera stykkfri á allan mata en riðlast á almúganum.

[Bárður Örn Bárðarson, 23.4.2008 kl. 18:28]

Að sumu leiti er ég fyllilega sammála þér sem oftar, Bloggaði um þetta hjá mér. Þar sem ég tala um að ég get að stutt málstaðinn en ekki aðgerðir að þessu tagi.

Í þessu máli gerist ég frekar talsmaður lögreglunnar. Þegar grjót fara að fljúga á hún ekki um marga kosti að velja. Við verðum að gera okkur grein fyrir því að lögreglan var þarna við skyldustörf og sinna því hlutverki sem við borgarnir ætlumst til af henni. Það voru vörubílstjórar ekki að gera. Þegar henni er síðan sýnt slíkt ofbeldi sem grjótkast er þá getur hún ekki undir nokkrum kringumstæðum gengið á braut eða látið það viðgangast. Meira um þetta hjá mér.

[Georg P Sveinbjörnsson, 23.4.2008 kl. 20:20]

Er á móti grjótkasti og skrílslátum en hafa ber í huga að grjótið flaug löngu eftir að löggan hafði beitt kylfum og úða af litlu tilefni og gengið fram alltof harkalega miðað við ástandið.

[Georg P Sveinbjörnsson, 23.4.2008 kl. 20:25]

Einnig virtist ungu lögreglumennirnir sem harðast gengu fram í notkun piparúðans og öskruðu vitfirringslega GAS GAS GAS alls ekki í andlegu jafnvægi og spurning hvort að einungis allra reyndustu og yfirveguðustu löggur ættu að fá að nota slíkan búnað....maður bara þakkar fyrir að þeir voru ekki með rafbyssur.

[Sigurður Jón Hreinsson, 23.4.2008 kl. 20:51]

Sammála síðasta ræðumanni.  Eftir að hafa séð myndir af vetvangi, hefur lögreglumaðurinn með grjótið, síst meiri samúð en aðrir á vetvangi. 

Annars hef ég talið að táragas og piparúði væri varnartæki, ekki árásartæki eins og hann var greinilega notaður.  Skotið á fólk af handahófi.   =

[Guðrún Jóhannsdóttir (IP-tala skráð) 23.4.2008 kl. 20:51]

Guð hjálpi okkur ef lögreglan fær skotvopn í hendur. Þeir voru ekki alveg að höndla þetta í dag. Það er ekki stórmannlegt fyrir yfirvaldið að láta almenning sjá þá 5 eða 6 saman berja á manni sem búið er að skella í götuna. - Baráttan var  bílstjórar gegn löggum og yfirvöldum, en er núna að verða lögregluríkið gegn almenningi.

Á hvaða plánetu eru þeir menn staddir sem við kusum til alþingis? Eru þeir allir í sama feluleiknum? Á bara að láta Björn Bjarnason vaða uppi og láta berja á fólki?

Þarf ekki að fara að auglýsa eftir ráðamönnum þjóðarinnar?

[Ása (IP-tala skráð) 23.4.2008 kl. 22:02]

Einhvern veginn hefur maður á tilfinningunni að það hafi ekki verið tilviljun hversu rosalega vígbúin lögreglan mætti á staðinn - eins og hún hafi planað að búa til tækifæri til svona uppþots og árásar í dag - en ef taka átti á málum og fjarlægja í þetta skipti bílstjóra og bíla þarf ekki svona vígbúnað - ég hef áhyggjur af þeirri ásýnd sem lögreglan fær núna, sérstaklega gagnvart ungu fólki þessa lands.