Erfiður dagur í þinginu

vín Gærdagurinn var býsna viðburðaríkur í þinginu. Fram undir kvöld stóðu linnulausar ræður um þingsályktunartillögu ríkisstjórnarinnar um að þingið samþykkti aðildarumsókn að ESB sem síðan yrði að loknum aðildarviðræðum borin undir þjóðaratkvæði. Fjölmargir voru á mælendaskrá, og komust færri að en vildu.  Umræðan heldur áfram á morgun svo málið er ekki fjarri því að vera fullrætt.  

Ég komst ekki að með ræðu í dag, en fór upp í einu andsvari (sjá hér).

Um kvöldmat var gert hlé á umræðunni, en að því loknu voru tekin fyrir öllu erfiðari mál. Þar á meðal hækkun á áfengi, tóbaki, olíu og bensín. Um þetta spunnust miklar umræður sem vonlegt er.

Þetta er því miður aðeins byrjunin - því fleira mun á næstunni fylgja í kjölsogið.


« Síðasta færsla | Næsta færsla »

Athugasemdir

1 Smámynd: Guðbjörg Elín Heiðarsdóttir

Sæl Ólína. Segðu mér eitt, klukkan hvað í þinginu í gærkvöldi var samþykkt að hækka bensínið eða klukkan hvað gekk samþykktin í gegn ? Ég spyr vegna þess að kl: 23 í gærkvöldi kom ég á N1 í Mosfellsbæ til að ná mér í bensín á gamla verðinu en þá var N1 búinn að hækka bensínið í 168 kr. lítrinn. Þannig að ég fékk ekki bensín á gamla verðinu.

Guðbjörg Elín Heiðarsdóttir, 29.5.2009 kl. 08:52

2 identicon

Þjóð verður að taka höndum saman og fara í greiðsluverkfall og það strax.

Það er eina leiðin til þess að koma okkur upp úr þessum forapytti sem verðtrygging er.

Krafan er leiðrétting á lánum og afnema verðtrygginguna.

Það er sorglegt að þið hafið ekki getað tekið á þessum málum. Og það er eingöngu vegna þess að þessi hugmynd kom fyrst frá Framsóknarflokki.

Það er orðið lífsspursmál fyrir þessa þjóð að leggja fjórflokkana niður og komast upp úr þeim pólitískum skotgröfum sem þjóðmálin hafa verið í.

Það er hætta á alvöru byltingu hér í landi - ég segji hættum frekar að borga og gerum það með bros á vör. Sleppum öllu ofbeldi og reiði. Hættum bara að taka þátt í þessu.

Með vinsemd og virðingu.

Björg F (IP-tala skráð) 29.5.2009 kl. 08:59

3 Smámynd: Hörður Valdimarsson

Ótrúlegt að menn skuli hald að hlutirnir komi til með að ganga betur ef við göngum í ESB. Menn eiga bara að horfa hvernig ástandið er í mörgum þessum löndum. Þótt ekkert sé bankahrunið í þessum löndum er ástandið síst skárra en á Íslandi í mörgum þeirra og það á ekki eftir að skána. Að vísu komu góðar atvinnuleysistölur út í Þýskalandi í gær. Skildi nokkurn undra en þeir borga mönnum fyrir að henda nýlegum bílum til að geta framleitt nýa. Stærsta iðnframleiðsla Þýskalands er m.ö.o atvinnubótavinna. En eins og allir vita þá er Þýskaland drifkrafturinn í Evrópu. 

Hörður Valdimarsson, 29.5.2009 kl. 09:46

4 Smámynd: Páll A. Þorgeirsson

Ég tek undir með Björg F. varðandi "alvöru byltingu" hér á landi, það kraumar reiði sem aldrei fyrr í almenningi.

Vandamál þjóðarinnar verða ekki leyst með pólitísku þrasi misvitra manna á þingi sem margir hverjir hafa ekki sjálfstæða skoðun á málefnum dagsins.

Í stað þess að slátra "vísitöluskrímslinu" með einni setningu í neyðarlögum er meira fóður sótt í vasa almennings sem minnst hefur og "skrímslið" fóðrað enn betur og fleiri vandamál sköpuð.

Í stað þess að draga þúsundir heimila frá bjargbrúninni var þeim ýtt á ystu nöf.

....og fleira mun fylgja í kjölsogið segir þingmaður sem virðist vera útkeyrð eftir "erfiði" dagsins.

Ég verð að vera hreinskilinn við þingmanninn sem á víst að vera "þjónn fólksins" og segja; Mér sýnist þú og margir þínir félagar á þingi langt frá "raunveruleikanum" og vitrænum aðgerðum fyrir þjóðfélagið og þegna þess.  

Páll A. Þorgeirsson, 29.5.2009 kl. 10:10

5 Smámynd: Bumba

Ólína. Ég held þið ættuð nú að fara að hætta þessu horngrýtis kjaftæði um ESB. ESB hefur engan áhuga á Íslandi, allra sízt síðan þetta Icesavedæmi kom upp. Það er fimm önnur lönd sem fyrr verða tekinn inn og hafa raun og veru meiri rétt en Ísland. Reynið þið heldur að hjálpa þeim sem um sárt eiga að binda, fjölskyldurnar sem eru að missa húsnæðið. Það skyldi þó aldrei verða að þessi "félagshyggjuríkisstjórn" yrði minnst síðar meir í sögunni, ríkisstjórnin sem tók ALLT af þeim sem ekkert áttu. Með beztu kveðju.

Bumba, 29.5.2009 kl. 12:01

6 Smámynd: Garún

Hey Ólafur slakaðu á!  Þoli ekki svona dónaskap!  Ertu að fara að keppa á Egilsstöðum í að leggja fólki orð í munn eða?  Málefnalegt! 

Garún, 29.5.2009 kl. 12:55

7 Smámynd: Ólína Kjerúlf Þorvarðardóttir

Guðbjörg - þetta sem þú segir finnst mér afar athyglisvert, svo ekki sé meira sagt. Umræðunni lauk kl. 23.28 í gærkvöldi, og það er með ólíkindum ef menn hafa þá þegar verið búnir að hækka bensínverðið hjá N1.

Ólína Kjerúlf Þorvarðardóttir, 29.5.2009 kl. 14:21

8 Smámynd: Marteinn Unnar Heiðarsson

Ólína þú ert greinilega að tala sennilega fyrir borgun en ekki frá hjartanu.Í kvöldfréttum var sagt að Baugur og tengd félög hefðu stutt SF landráðaflokinn með rúmlega 40 millum,er kannski tenging á milli 40 milljóna og þessa einharða áhuga á inngöngu í ESB ég spyr bara???Baugur og tengdar verslanir hér á landi eru sennilega um 60-80% af öllum verslunum hér á landi og þeirra mesti gróði væri að komast í ESB geta flutt inn vörur ódýrt og ekki versla við innlendan iðnað og framleiðslu og þar með setja það á hausinn.Þetta er manni farið að gruna án þess að vita,kannski vita einhverjir eitthvað meira hérna á blogginu??Mér finnst nú helvíti hart af þessari aumu ríkisstjórn að ætla að láta okkur borga fyrir fjárglæframennsku þessara manna og líka að koma okkur í ESB galeiðuna.Er ekki nóg komið nú held ég að þjóðin þurfi að taka völdin og koma landinu í lag aftur,það erum við sem getum það en ekki ESB einsog kvislingarnir halda eða reyna að segja þjóðinni það með hvítum lygum.

Marteinn Unnar Heiðarsson, 29.5.2009 kl. 21:30

9 Smámynd: Ólína Kjerúlf Þorvarðardóttir

Marteinn - þér finnst hart að "láta okkur borga fyrir fjárglæframennsku þessara manna". Þarna erum við sammála. En ríkisstjórnin á bara því miður ekkert val. Fjármálakerfi landsins er hrunið og framundan eru hækkanir, álögur og gífurlegur niðurskurður hjá hinu opinbera. Ekkert okkar vill vera í þessari stöðu, en nú er komið að því að borga brúsann. Það lendir á þjóðinni. Og þú skalt ekki halda að nokkur önnur ríkisstjórn myndi skipta þeim byrðum betur. Eða treystir þú Sjálfstæðisflokki og Framsókn til þess - flokkunum sem bera meginábyrgð á því hvernig komið er?

Ég sé hinsvegar ekki ástæðu til að svara fúkyrðum um þann flokk sem ég tilheyri. Uppnefni eru ekki svara verð.

Ólína Kjerúlf Þorvarðardóttir, 30.5.2009 kl. 09:22

10 Smámynd: Anna Benkovic Mikaelsdóttir

Takk Ólína fyrir að segja sannleikann!

Munu börn "útrásarvíkinganna" í Londn og Swiss líka borga skuldir þeirra, eins og minn sonur (6 ára)??

Anna Benkovic Mikaelsdóttir, 31.5.2009 kl. 19:45

11 Smámynd: Anna Benkovic Mikaelsdóttir

Af hverju er Ísland ekki "núllstillt" og allir beina stefnu sinni í eitt?  Það er eina leiðin að fá "límið" í samfélagið aftur!  Það eru fáir sem munu sætta sig við fyrir hönd barna og barnabarna að taka á sig skuldir glæpammanna (þótt íslenskir séu).

Anna Benkovic Mikaelsdóttir, 31.5.2009 kl. 19:50

12 Smámynd: Anna Benkovic Mikaelsdóttir

Jón Frímann, ég sætti mig við sjálf (þótt ósiðlegt sé) að borga skuldir glæpamanna, en ég sætti mig ALLS EKKI VIÐ að sonur minn og hans verðandi börn geri það!

Ómögulegt, segir þú en einfalt segi ég!  Ef raunin verður sú flyt ég burt, með son minn og við mundum halda sterkum tenglsum við Íslend, enda elskum við þetta land og þessa þjóð!

Þegar drengurinn verður 18 ára getur hann sjálfur "valið" hvort hann borgar skuldir glæpamanna og börnin hans.

Anna Benkovic Mikaelsdóttir, 31.5.2009 kl. 21:40

13 Smámynd: ThoR-E

Guðbjörg:

olíufélögin ákváðu að skella á 4 kr. hækkun á bensínverð, rétt áður en ríkið hækkaði álögurnar á eldsneytið.

Þannig að þá fór verðið greinilega í 168 kr.

Eftir 10 kr. hækkun ríkisins sem sett var inn daginn eftir,  er almennt verð á bensíni 178 kr. ..

Það stefnir allt í hálf nöturleg lífssikilyrði hér á landi í framtíðinni.. spurning um að koma sér héðan bara ... tala nú ekki um ef þetta er bara byrjunin.

ThoR-E, 31.5.2009 kl. 22:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband