Óstjórn í Vikulokunum á Rás-1

Í morgun hlustaði ég á seinni hluta Vikulokanna á Rás-1 undir stjórn (eða óstjórn) Hallgríms Throsteinssonar. Þarna sátu  Egill Helga, Dagur B, og Júlíus Vífill ásamt stjórnandanum blaðrandi og þrefandi hver ofan í annan. Hallgrímur hafði nákvæmlega enga stjórn á umræðunum og þetta var óþolandi áheyrnar.

Menn ímynda sér kannski að svona skvaldur sé eitthvað "líflegt" eða "skemmtilegt". En það er það ekki fyrir þann sem hlustar. Það er bara pirrandi að heyra ekki mannsins mál fyrir blaðri. Heyra menn rífast og pexa hvern í kapp við annan. Það er eins og enginn geti unnt öðrum þess að tala svo hann skiljist. 

Hvað er þetta með íslenska þáttastjórnendur? Af hverju geta þeir ekki stjórnað umræðuþáttum  og unnið fyrir kaupinu sínu?

Þáttastjórnendur eiga að hafa stjórn á umræðunni - þeir eiga að tryggja það að þátttakendur fái tjáð sig um það sem til umræðu er. Annað er bara dónaskapur - ekki bara við þá sem koma í þáttinn heldur líka hina sem hlusta. Greiðendur afnotagjalda og hlustendur RÚV.

Svo voru umræðuefnin í þessum hluta þáttarins nánast öll með neikvæðum formerkjum um bæði menn málefni. Hrútleiðinlegt.

Athugasemdir

[sandkassi (IP-tala skráð) 23.8.2008 kl. 14:46]

yes....Þetta er hressandi pistill hjá þér Ólína. haha....Er ekki fínt að láta bara vaða?

[Helga Kristín (IP-tala skráð) 23.8.2008 kl. 14:58]

Eins og talað út úr mínu hjarta. Mér hefur lengi fundist þetta óþolandi einkenni á íslenskum umræðuþáttum og er að færast í vöxt.

 Hallgrímur og Egill Helgason eru verstir. Takk fyrir hressandi pistil Ólína.

[Jenný Anna Baldursdóttir, 23.8.2008 kl. 15:25]

Mér finnst þessir strákar stöðugt tala hvor við annan, ofaní hvern annan og þeir eru í eldheitu ástarsambandi við sjálfa sig.

Reyndi að fara inn á Ruv og hlusta en þar er eitthvað bilað, þ.e. ekki hægt að hlusta á þáttinn.

Kannski er ég ekki að missa af svo voðalega miklu.

[Jenný Anna Baldursdóttir, 23.8.2008 kl. 15:26]

Þátturinn var á Rás 1

[Egill (IP-tala skráð) 23.8.2008 kl. 15:36]

Hvernig var aftur með þættina sem þú stjórnaðir á INN Ólína? Það var væntanlega engin óstjórn á þeim.

[Ólína Kjerúlf Þorvarðardóttir, 23.8.2008 kl. 15:39]

Takk Jenný - ég laga þetta með rás-1.

Egill, ég stjórnaði nokkrum þáttum á ÍNN fyrir ári síðan, var þá eini stjórnandinn, og þar talaði einn í einu.

[Egill (IP-tala skráð) 23.8.2008 kl. 18:00]

Já en af hverju urðu þeir svona vinsælir, fyrst þú hefur svona mikla þekkingu á þessu?

[Sigurbjörn Friðriksson, 23.8.2008 kl. 18:10]

Við hverju býst þú?  Með Egil Helgason sem þátttakanda, eins og hann gjörsamlega eyðilagði áður skemmtilegan og fræðandi þátt "Silfur Egils".  Þar talað hann yfirleitt langmest sjálfur, þáttarsjórnanndinn, og með sífelldum framígrípingum þegar ég vildi endilega að fá að heyra hvað viðkomandi ætlaði sér að segja.  Ég tel að þessar framígrípingar, rétt þegar viðmælandi er að hefja svör sín, séu ekki aðeins dónaskapur, heldur einnig aðdróttanir að leyfa ekki svör við vafasömum spurningum.  Verstur af öllum er Helgi Seljan í Kastljósinu.   

Nú er ég farinn að hlusta á Útvarp Sögu til að hlusta á oft vandaða umræðuþætti, með góðum og kurteisum þáttastjórnendum.

Kær kveðja, Björn bóndiïJð  

[Margrét Hrönn Þrastardóttir, 23.8.2008 kl. 19:48]

Þér hjartanlega sammála Ólína ... og mér þóttu þættirnir þínir á ÍNN góðir áheyrnar

[Ragnheiður , 23.8.2008 kl. 19:48]

Já ég hjó eftir þessu líka í morgun. Þátturinn var ómögulegur áheyrnar.

[Emil Hannes Valgeirsson, 23.8.2008 kl. 20:38]

Ég hlustaði reyndar ekki á umræddan þátt, en svona almennt þá var þessi þáttur „Í Vikulokin“ bestur fyrir mörgum árum þegar Páll Heiðar Jónsson, stofnandi þáttarins sá um hann. Þá fékk hann einungis fólk í þáttinn sem tengdist ekkert persónulega því sem var til umræðu og út úr því kom oft skemmtilegt spjall. Síðar þróaðist þátturinn með nýjum stjórnendum yfir í þetta venjulega þras sem einkennir svo marga spjallþætti þar sem þáttakendur eru innvinklaðir í málefnin.

[Lára Hanna Einarsdóttir, 23.8.2008 kl. 21:45]

Ég var í þessum þætti um daginn með tveimur séntilmönnum og enginn talaði ofan í aðra, ef ég man rétt... 

Annars var ég að ergja mig yfir svona sjónvarpsumræðum fyrr í sumar, sjá hér. Þetta er ótrúlega pirrandi! 

[Ásdís Sigurðardóttir, 23.8.2008 kl. 23:23]

Kær kveðja vestur og ÁFRAM ÍSLAND     

[Jens Guð, 23.8.2008 kl. 23:59]

  Ég heyrði ekki Vikulokin.  Hinsvegar hef ég nú í dag og gær í tvígang séð bút af spjallþætti á ÍNN.  Ég veit ekki hvað hann heitir.  Hann virðist vera í höndum Kolfinnu Baldvinsdóttur,  Ellýar Ármanns,  Sigríðar Klingebergs og einnar til viðbótar sem ég veit ekki hvað heitir.  Þær eru með gesti.  Allt konur.  Sem er mjög góð tilbreyting frá öllum karlaþáttunum.

  Nema hvað.  Blessaðar konurnar tala 2,  3 og 4 samtímis á fullu þannig að erfitt er að greina hvað hver segir.  Það er óþægilegt fyrir mann með aðeins 30% heyrn að hlusta á þetta.   

[Lára Hanna Einarsdóttir, 24.8.2008 kl. 00:11]

Hvað kemur ÍNN Vikulokunum á Rás 1 við? 

[ASE (IP-tala skráð) 24.8.2008 kl. 09:45]

Tek fullkomlega undir þetta, alltof algengt í íslenskum umræðu- og viðtalsþáttum, hvort sem er í útvarpi eða sjónvarpi.  Silfur Egils er dæmi um þátt sem oft rosalega erfitt / þreytandi að hlusta á.  Sem fúlt af því yfirleitt áhugaverðir gestir og umræðuefni, vantar bara að einn tali í einu og umræðunum stýrt. 

[Edda Agnarsdóttir, 25.8.2008 kl. 00:39]

Ég hef ekki verið ánægð með einn þátt í umsjá Hallgríms og hef því lítið eða ekkert hlustað í sumar. Þetta er auðvitað smekksatriði, en ég kann ekki að meta hans stíl í þessum þáttum. Hlustaði á hverjum lagardegi áður en hann byrjaði.