Kærleiksstjórnun á Litla-Hrauni

 Margrét Frímannsdóttir er að gera góða hluti á Litla-Hrauni. Endurhæfingardeildin sem hún hefur komið upp, þar sem fangar fá tilsögn í húshaldi, matreiðslu og þessháttar til að undirbúa þá fyrir athafnir daglegs lífs, er í mínum huga dæmi um betrunarviðleitni þessarar stofnunar sem svo allt of lengi hefur verið geymslustaður fyrir afbrotamenn. Staður þar sem þeir áttu litla möguleika á að skapa sér tækifæri til endurkomu inn í samfélagið. Vonandi er að verða breyting á núna.

Síðasta tiltækið - að fá Margréti Sigfúsdóttur, hússtjórnarskólaskólastjóra og kennara, til þess að kenna föngunum um almennt húshald - á þann hátt sem henni einni er lagið - er frábært framtak. 

"Kærleiksstjórnun" er hugtakið (eða nýyrðið) sem mér kom til hugar þegar ég las um þessa nýjung á Hrauninu. Þessir stjórnunarhættir Margrétar Frímannsdóttur bera vott um umhyggju og uppbyggingu sem er allt of sjaldséð í opinberri stjórnsýslu.

Kærleikurinn er mikils megnugur þar sem hann fær notið sín. Ég óska Margréti Frímannsdóttur til hamingju með það sem hún er að gera og sendi henni og hennar skjólstæðingum bestu velfarnaðaróskir.

 

Athugasemdir

[Ragnheiður , 28.5.2008 kl. 16:08]

Það er satt hjá þér Ólína, hún er að gera merkilega hluti þarna fyrir austan.

[Jenný Anna Baldursdóttir, 28.5.2008 kl. 16:53]

Sammála með Margréti, hún á eftir að gjörbreyta og bæta starfsemina á LH.

[Ía Jóhannsdóttir, 28.5.2008 kl. 18:57]

Tek ofan fyrir Möggu Frímanns!  Ég vona svo innilega að hún fái að halda starfinu sem lengst.   

[Katrín Snæhólm Baldursdóttir, 28.5.2008 kl. 19:49]

Vona að sem flestar stofnanir og fyrirtæki landsins fari að setja kærleiksstjórnun efst á lista hjá sér....það er ekkert sem umbreytir eins miklu og hann. Möggurnar eru bara frábærar!!!!

Áfram kvenorka....

[Þorsteinn Briem, 28.5.2008 kl. 19:55]

Það þyrfti að koma upp svona kærleiksskýli á Austurvelli. Fyrrverandi fangar chilla þar dag hvern ásamt Jóni kallinum Sigurðssyni með fugladrit á kollinum. Gott ef þeir fara að kúra með bangsann sinn á kveldin og fyrst Möggu tókst að koma Samfylkingunni heim og saman eru henni allir vegir færir.

Og á morgun verður frægasti fyrrverandi fangi landsins, Sævar Marinó Ciesielski, íslenskur ríkisborgari:

http://www.althingi.is/altext/135/s/1112.html

[Axel Jóhann Hallgrímsson, 28.5.2008 kl. 20:29]

Tek undir það að taka ofan fyrir Margréti. En er hún ekki að leysa af þarna? Hætt við að það sigi fljótt í gamla farið þegar kerfismöppurnar taka aftur við og láta duga að tala um hlutina á tyllidögum til að allt líti vel út  útávið.

[Kalli (IP-tala skráð) 29.5.2008 kl. 08:20]

www.edrumenn.blogspot.com  

 Þarna eru að gerast góðir hlutir, ekki spurning

[Líney, 29.5.2008 kl. 12:43]

Sammála   þér 'olína, þarna  er verið að gera  góða hluti.

[Ingibjörg Hinriksdóttir, 29.5.2008 kl. 20:31]

Hjartanlega sammála þér Ólína, þarna er verið að gera góða hluti.

[Þorsteinn Briem, 31.5.2008 kl. 20:53]

http://www.edrumenn.blogspot.com/

[Tiger, 1.6.2008 kl. 02:53]

  Já, hún er sannarlega mikið súper hún Margrét Frímannsdóttir. Tek sannarlega undir með því að taka ofan fyrir henni og verkum hennar. Hún er að gera góða hluti og ég veit að málin eru í öruggum og góðum höndum hjá henni.

Eigðu ljúfa helgarrest mín kæra.

[Ásdís Sigurðardóttir, 1.6.2008 kl. 21:09]

Magga Frí er sko snillingur.