Dimmitantar vekja gamla skólameistarann sinn

  Ég vaknaði við hávaða í morgun, gaul og trommuslátt. Klukkan ekki nema rétt rúmlega sex. Hundurinn var órólegur og þegar ég nuddaði stírurnar úr augunum rann það upp fyrir mér að vorboðarnir voru komnir fyrir utan húsið mitt. Dimmitantarnir úr Menntaskólanum á Ísafirði að kveðja gamla skólameistarann sinn.

Þegar ég kom út á svalirnar, heldur úfin og argintætuleg í morgunsárið, höfðu þau raðað sér upp. Um það bil fjörtiu sætir, litlir póstmenn - eða voru þau Super Mario ? - ég er ekki viss. En svo mikið er víst að þau brustu þau í söng: 

"Það er sárt að sakna, einhvers - lífið heldur áfram til hvers" sungu þau sterkum rómi, og héldu áfram: "Er ég vakna, Ó - Ólína þú er ekki lengur hér!"

Það var þung áhersla á Ó-ið og svo aukataktinn í Ólína. Augljóslega vel æft. Svo skelltu þau sér beint í "Gaudeamus" sem þau sungu með prýði og virtust kunna ágætlega.

Eins og fyrri daginn hlýnaði mér um hjartaræturnar. Eftir nokkrar kærleikskveðjur héldu þau svo för sinni áfram, og ég stóð eftir með kveðjuþela fyrir brjóstinu, og eitthvað í auganu.

Ennþá finnst mér ég eiga svolítið í þeim - og svo sannarlega eiga þau heilmikið í mér.

Takk fyrir heimsóknina elskurnar - megi lífið brosa við ykkur eins og sólin gerði í morgun.

Athugasemdir

[Aðalheiður Ámundadóttir, 25.4.2008 kl. 08:48]

Yndislegt, ég get vel skilið hvers vegna þú færð eitthvað í augað þegar þessir fyrrum skjólstæðingar þínir sýna þér svona kærleika.

[Jenný Anna Baldursdóttir, 25.4.2008 kl. 08:50]

Fallegt og ég varð öll svona búhú innan í mér

En mikið svakalega líður tíminn, finnst eins og ég sé nýlega búin að lesa um dimmitanta síðasta árs.

Njóttu dagsins.

[Lára Hanna Einarsdóttir, 25.4.2008 kl. 09:28]

Mikið var þetta fallegt...    Mér segir svo hugur um að það sem þú fékkst í augað hafi verið í vökvaformi.

Gleðilegt sumar, Ólína, og takk fyrir veturinn.

[Sigurlaug B. Gröndal, 25.4.2008 kl. 10:29]

Yndisleg ungmenni. Þetta hefur verið  óvæntur en sá yndislegasti vorboði sem hægt hefði verið að hugsa sér. Gleðilegt sumar og velkomin í bloggvinahópinn minn.

[Sigrún Jónsdóttir, 25.4.2008 kl. 11:07]

Þetta var ljúft.

[Gísli Baldvinsson (IP-tala skráð) 25.4.2008 kl. 11:28]

Rétt að rifja upp hinn sígilda stúdentasöng og hlusta svo:

Gaudeamus igitur

  : , : Gaudeamus igitur,
 iuvenes dum sumus! : , :
 Post iucundam iuventutem,
post molestam senectutem
 : , : nos habebit humus : , :

: , : Vivat academia,
 vivant professores! : , :
 vivat membrum quodlibet,
vivant membra quaelibet,
: , : semper sint in flore : , :

http://www.youtube.com/watch?v=08GTGKvR5ZQ

[Landfari, 25.4.2008 kl. 13:16]

Ég er greinilega ekki einn um að hafa haft svolítið álit á þér sem skólastjóra, þó ég hafi aldrei haft þig sem einn síkan.

Til hamingju með þetta.

[GG (IP-tala skráð) 25.4.2008 kl. 14:36]

Þú varst góður skólameistari Ólína - það sakna þín margir úr skólanum.

[Guðbjörg Stefanía Hafþórsdóttir (IP-tala skráð) 25.4.2008 kl. 22:03]

Það er ekkert betra en að koma góðu fólki á óvart :)

Ég man eftir því þegar ég var í þessum sporum og leit við hjá þér og Sigga og fékk lýsi ásamt góðum hafragraut.

[Ólína Kjerúlf Þorvarðardóttir, 25.4.2008 kl. 22:16]

Ég man það líka Guðbjörg mín

[Marta B Helgadóttir, 26.4.2008 kl. 00:34]

Þetta var frábært !