... og "negri sást í Þistilfirði"

Athyglisverð fyrirsögn hjá mogganum: "Náttúrufræðingur fær fálkaorðuna". Ætli það hafi sumsé aldrei gerst áður? Vantar bara formálann: "Sá fágæti viðburður hefur nú átt sér stað að ...."

 Hmmm.  Minnir mig á fyrirsögn sem eitt sinn birtist í íslensku dagblaði svohljóðandi "Negri sást í Þistilfirði" - átti raunar að vera "hegri" en stafir víxluðust og útkoman varð þessi .

Jack Ives er raunar vel þekktur fyrir rannsóknir sínar hér á Íslandi - mogganum hefði verið alveg óhætt að setja nafnið hans í fyrirsögn.

 

 

Náttúrufræðingur fær fálkaorðuna

Athugasemdir

[Gísli Bergsveinn Ívarsson, 18.9.2007 kl. 17:25]

Þessi misritun er algjör snilld

[Þorleifur Ágústsson, 18.9.2007 kl. 20:57]

Við höfum alltaf verið vanmetnir - við náttúrfræðingarnir. Sammála að rétt hefði nú verið að nafnið kæmi fram í fyrirsögninni. Hér er jú ekki um "óþekkta" náttúrfræðinginn að ræða.

[Ólína Kjerúlf Þorvarðardóttir, 18.9.2007 kl. 21:04]

... því þá hefði þetta verið "fálkaorða hins óþekkta náttúrufræðings"

[Ásdís Sigurðardóttir, 18.9.2007 kl. 21:20]

Einkennilegt hversu fyrirsagnir eru oft klaufalegar, kannski er maður ekkert betri sjálfur. Manstu þegar hermenn af vellinum gerðu eitthvað, eða lentu í einhverju hér á landi, þeir voru alltaf hermenn, nema ef þeir voru svartir, þá var það tekið sérstaklega fram, furðulegt.

[Hamar, 18.9.2007 kl. 21:35]

Það minnir mig á að hér í "den" þegar fréttir komu af einhverjum ólátum, þjófnaðarmálum og öðru slíku frá höfuðstað Norðurlands (staður sem Þorleifur kannast víst við) þá fannst manni ansi oft koma í lok fréttarinnar að viðkomandi aðilar hefðu verið utanbæjarmenn!! 

Er það kannski þannig enn? 

[Bjarni Kjartansson, 19.9.2007 kl. 10:46]

ÞAð er málsiður, að nota það sem sérstaklega sker viðkomandi útúr hópnum.  Þetta með blökkumennina í herjum BNA á Íslandi og fréttaflutnig af þeim, er líklega af sama meiði og það var ævinlega tekið fram, ef hross var skjótt. eða blesótt.  Það var óvenjulegt litarhaft og því meira brúkað en annað.

Ekkert með rasisma að gera, að því er ég best veit.

Miðbæjaríhaldið

[Anna Guðný Guðmundsdóttir (IP-tala skráð) 19.9.2007 kl. 13:15]

Ég man vel eftir þessari frétt af Negranum í Þistilfirði, þar var ekki um neitt stafavíxl að ræða heldur frétt í Degi miðvikudaginn 9. febrúar 1977 og fjallaði fréttin um þeldökkann mann sem að bjó í Þistilfirði. Ég á einmitt mynd af þessari frétt sem að ég gæti sent þér ef þú hefur áhuga :)

[Ólína Kjerúlf Þorvarðardóttir, 19.9.2007 kl. 15:47]

Nú dámar mér, Anna Guðný  ég hef svo sannarlega áhuga fyrir því að sjá þessa frétt.  Heimilisfangið mitt er Miðtún 16, 400 Ísafirði.

Ég vil bara endilega eiga ljósrit af þessu - og kynni þér bestu þakkir ef þú nennir að senda mér það.